ད་ལོ་ཚུན་དུ་ལྷ་རྩེ་རྫོང་མི་དམངས་ཞིབ་དཔྱོད་ཁང་གིས་ལས་ཀའི་བྱེད་ཐབས་རྒྱུན་ཆད་མེད་པར་ཞིབ་ཕྲ་དང་འཐུས་སྒོ་ཚང་དུ་བཏང་བ་དང་མི་དམངས་མང་ཚོཌ་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཐག་གཅོད་ཧུར་ཐག་བྱས་ནས། དམངས་ཀྱི་ཆེད་དུ་ཚོར་ཐུབ་པ་དང་། ཉམས་ལེན་ཐུབ་པ། དངོས་ཕན་ཐོབ་པ་བཅས་ཀྱི་ཞིབ་དཔྱོད་ཀྱི་ལས་དོན་ཡག་པོ་བསྒྲུབས་པ་རེད།

ལྷ་རྩེ་རྫོང་མི་དམངས་ཞིབ་དཔྱོད་ཁང་གི་ཞུ་གཏུག་དང་རྒྱུ་མཚན་ཞུ་འབུལ་ཞིབ་དཔྱོད་སྡེ་ཚན་གྱིས་གྱོད་དོན་གཤམ་འདྲི་དང་གཤམ་སྐྱོད་ཁྲིམས་ལུགས་ཁྱབ་གདལ་སོགས་སྟབས་བསྟུན་གྱི་དམངས་ཕན་ལས་ཀ་བྱེད་སྟངས་མཐའ་འཁྱོངས་བྱས་ཏེ། ཞུ་གཏུག་དང་རྒྱུ་མཚན་ཞུ་འབུལ་ལས་དོན་གྱི་སྐར་ཁུང་མདུན་དུ་སྤོ་བ་དང་། གོང་གཏུག་བྱེད་པ་དེ་གཤམ་སྐྱོད་འདྲི་རྩད་བྱེད་པར་སྒྱུར་བ། རང་འགུལ་ངང་མང་ཚོགས་ཀྱི་རེ་འབོད་ཉན་པ། འགལ་བ་དང་མངོན་མེད་རྐྱེན་ངན་སེལ་བ། བྱ་བ་དངོས་སྒྲུབ་པ་དང་ཕན་འབྲས་དངོས་བརྩོན་ལེན་བྱེད་པའི་བྱ་སྤྱོད་དངོས་ལ་བརྟེན་ནས་བཅའ་ཁྲིམས་ཀྱི་ཤེས་བྱ་དེ་མི་སེར་ཁྱིམ་གྱི་སྒོ་ཁར་ཁྱབ་གདལ་གཏོང་བ་བཅས་བྱས་ནས་མང་ཚོགས་ཀྱི་སེམས་ལ་ཟུག་པར་བྱས་པ་རེད།

ད་ལོ་གྲོང་ཚོ་དང་། གྲོང་ལྷན། ཁྲོམ་གཞུང་བཅས་སུ་བསྐྱོད་དེ་རིགས་ཁག་གི་ཁྲིམས་སྐྱོང་དྲིལ་བསྒྲཌ་ཐེངས་10ལྷག་ཙམ་བྱས་པ་དང་། གནད་སྨིན་ཁྲིམས་ལུགས་ཁྱབ་གདལ་དང་ནུས་ཐོན་ཁྲིམས་ལུགས་ཁྱབ་གདལ་ཕན་ཚུན་ཟུང་འབྲེལ་བྱས་པ་བརྒྱུད། ཁྲིམས་སྐྱོང་དྲིལ་བསྒྲགས་ཀྱི་ཡིད་དབང་འགུགས་ནུས་དང་ཞུགས་ཚད་མཐོ་རུ་ཕྱིན་པ་དང་། ཁྲིམས་ལུགས་སྦྱོང་བ་དང་སྤྱོད་པའི་ཐད་ཀྱི་མི་དམངས་མང་ཚོགས་ཀྱི་དགོས་མཁོ་བསྐངས་པ། མི་དམངས་མང་ཚོགས་ཀྱིས་ཁྲིམས་སྐྱོང་འདུ་ཤེས་བརྟན་པོ་འཛུགས་པར་ཁྲིད་སྟོན་བྱས་པ་རེད།

གཞན་ཡང“མང་ཚོགས་ཀྱིས་ང་བཙལ་ནས་དོན་དག་སྒྲུབ་པ”དེ“ངས་མང་ཚོགས་ལ་དོན་དག་སྒྲུབ་རོགས་བྱེད་པར”བསྒྱུར་ནས“རོགས་སྐྱོབ་བྱེད་དགོས་རིཌ་ལ་རོཌ་སྐྱོབ”ཐུབ་པར་བྱས་པ་དང་། དུས་བཀག་བཞིན་རོགས་སྐྱོབ་ཀྱི་ཁུངས་སྣེར་དབྱེ་ཞིབ་དང་གྲལ་བཤེར་བྱས་ནས་མང་ཚོགས་ལ་རང་འགུལ་ངང་རོགས་རམ་བྱས་ཏེ། གྱོད་གཞིའི་གནོད་འཚེ་ཕོག་མཁན་གྱོད་གཞིས་རྐྱེན་པས་དབུལ་པོར་གྱུར་པའི་གནས་ཚུལ་མི་ཐོན་པ་བྱས་པ་རེད།

ད་ལོ་ལྷ་རྩེ་རྫོང་མི་དམངས་ཞིབ་དཔྱོད་ཁང་གིས་ཁྲིམས་ལྟར་རྒྱལ་ཁབ་ཀྱི་ཁྲིམས་འཛིན་རོགས་སྐྱོབ་གྱོད་གཞི་4བསྒྲུབས་པ་དང་། རོགས་སྐྱོབ་དངུལ་སྒོར་ཁྲི་13.3ལྷག་ཙམ་སྤྲད་དེ་ཁྲིམས་འཛིན་རོགས་སྐྱོབ་ལ་བརྟེན་ནས་བཅའ་ཁྲིམས་ཀྱི་ཕན་པ་ཚོར་ཐུབ་པ་བྱས་པ་རེད།