ནག་ཆུ་གྲོང་ཁྱེར་དུག་འགོག་ཨུ་ལྷན་གཞུང་དོན་ཁང་གིས་གསེར་རྙེད་ཆུས་དུག་འགོག་ཨུ་ལྷན་གཞུང་དོན་ཁང་དང་མཉམ་དུ་2024ལོའི“6·26རྒྱལ་སྤྱིའི་དུག་འགོག་ཉིན་མོའི”དུག་འགོག་དྲིལ་བསྒྲགས་སློབ་གསོ་དང་རྐང་འཁོར་བཞོན་ནས་གྲོང་ཁྱེར་སྐོར་བའི་བྱེད་སྒོ་སྤེལ་བཞིན་པ།

འདི་ནི་ནག་ཆུ་གྲོང་ཁྱེར་སོག་རྫོང་གི་དུག་འགོག་མི་དམངས་ཉེན་རྟོག་པས་གཞོན་ནུ་ལོ་ཆུང་སྒྲིག་འཛུགས་བྱས་ནས་སོག་རྫོང་སློབ་འབྲིང་དང་པོའི་དུག་འགོག་དཔེ་དེབ་ཁང་ལ་ལྟ་སྐོར་བྱེད་བཞིན་པ།

འདི་ནི་ནག་ཆུ་གྲོང་ཁྱེར་སྤྱི་བདེ་ཅུས་དུག་འགོག་ཉིང་ལག་རུ་ཁག་གིས་དུག་འགོག་གི་དྲིལ་བསྒྲགས་བྱེད་སྒོ་སྤེལ་བཞིན་པ།

2022ལོའི་ཟླ་7པར། རྒྱལ་ཁབ་དུག་འགོག་ཨུ་ལྷན་གྱི་ཞིབ་བཤེར་ཆོག་མཆན་དང་གྲོས་འཆམ་བྱུང་བ་བརྒྱུད། པེ་ཅིང་གྲོང་ཁྱེར་ཏུང་ཁྲེང་ཆུས་སོགས་གྲོང་ཁྱེར་90ཁག་གཉིས་པའི་རྒྱལ་ཡོངས་ཀྱི་དུག་འགོག་དཔེ་སྟོན་གྲོང་ཁྱེར་འཛུགས་གཏོད་ཀྱི་མིང་ཐོར་བཅུག་པ་དང་འཛུགས་གཏོད་དུས་འཁོར་ནི་2022ལོ་ནས་2024ལོ་བར་ཡིན་པ་དང་། ནག་ཆུ་གྲོང་ཁྱེར་དེའི་ནང་ཚུད་ཡོད་པ་རེད།

2022ལོ་ནས་བཟུང། ནག་ཆུ་གྲོང་ཁྱེར་གྱིས་དུག་རྫས་སྔོན་འགོག་གི་སློབ་གསོའི་ལས་དོན་དེ་གཞན་གྱི་སྔོན་ལ་འཕེལ་རྒྱས་གཏོང་བའི་འཐབ་ཇུས་གནས་བབ་ཏུ་བཞག་ནས་གཞོན་ནུ་ལོ་ཆུང་གིས་སྨན་རྫས་གང་བྱུང་དུ་སྤྱོད་པར་སྔོན་འགོག་བྱེད་པའི་དྲིལ་བསྒྲགས་སློབ་གསོ་གཙོ་གནད་དུ་བྱས་ཏེ་འབེན་གཏད་རྣམ་པའི་དུག་འགོག་དྲིལ་བསྒྲགས་སློབ་གསོ་གཏིང་ཟབ་སྤེལ་བ་དང་། “དམིགས་སར་འབྱོར་བ་ལྔ”བརྒྱུད། དུག་འགོག་དྲིལ་བསྒྲགས་ལས་དོན་ལ་སྐུལ་འདེད་གཏིང་ཟབ་གཏོང་བ་དང་དུག་འགོག་གི་མི་དམངས་དམག་འཁྲུག་གི་མང་ཚོགས་ཀྱི་རྨང་གཞི་བརྟན་དུ་བཏང་སྟེ། སྤྱི་ཚོགས་ཡོངས་སུ་རང་རྟོགས་ངང་དུག་རྫས་འགོག་པའི་རྣམ་པ་ཟབ་མོ་ཞིག་ཆགས་པར་བྱས་ཡོད།

དམངས་ཡོངས་ཀྱི་དུག་འགོག་འདུ་ཤེས་ཟབ་ཏུ་བཏང་བ།

དུས་རབས་གསར་པའི“ཧྥེང་ཆའོ་ཡི་ཉམས་མྱོང”མཐའ་འཁྱོངས་ཀྱིས་མང་ཚོགས་ལ་དྲིལ་བསྒྲགས་རྒྱ་ཁྱབ་དང་། མང་ཚོགས་སྐུལ་སློང་ཧུར་ཐག མང་ཚོགས་སྒྲིག་འཛུགས་ཧུར་ཐག མང་ཚོགས་ལ་གང་ལེགས་བརྟེན་པ་བཅས་བྱས་ཏེ། རྒྱ་ཆེའི་མི་དམངས་མང་ཚོགས་དང་སྤྱི་ཚོགས་ཕྱོགས་ཁག་གི་སྟོབས་ཤུགས་དུག་འགོག་འཐབ་རྩོད་ལ་ཧུར་ཐག་ཞུགས་པར་སྐུལ་ལྕག་དང་ཁྲིད་སྟོན་བྱས་ཤིང་། རང་སྐྱོང་ལྗོངས་བསྡོམས་རྩིས་ཅུས་ཀྱིས་སྤེལ་བའི་དམངས་འདོད་བརྟག་དཔྱད་བྱས་འབྲས་ལ་གཞིགས་ན། 2024ལོར་ནག་ཆུ་གྲོང་ཁྱེར་དུ་དུག་འགོག་ཤེས་བྱ་རྟོགས་ཚད་95.29%ཟིན་པ་དེ་དུས་མཚུངས་ལས་0.47%འཕར་བ་དང་། མང་ཚོགས་ཀྱིས་དུག་འགོག་ལས་དོན་ལ་བློ་ཡིད་ཚིམ་ཚད་99.29%ཟིན་པ་དེ་དུས་མཚུངས་ལས་1.27%འཕར་ཡོད་པ་རེད།

སྤྱི་ཚོགས་ལས་རིགས་ཁག་རྒྱ་ཁྱབ་ཞུགས་པར་སྐུལ་འདེད་བཏང་བ།

“དུག་འགོག་དཔེ་སྟོན”འཛུགས་གཏོད་ལས་དོན་ལ་སྐུལ་འདེད་གཏིང་ཟབ་བཏང་ནས་དུག་འགོག་གི“དགུ་རུ་སྐྱོད་པའི”དྲིལ་བསྒྲགས་དང་། “‘ལྔ་བརྒྱད’ཁྲིམས་ལུགས་ཁྱབ་གདལ” “དུག་འགོག་དྲིལ་བསྒྲགས་ཁྱིམ་ཚང་སྟོང་ལ་སྤེལ་བ” “རྨང་བརྟན་དམངས་ཕན་གྱི་ལས་བྱེད་པ་གྲོང་སྡོད”བཅས་ཀྱི་བྱེད་སྒོ་དང་ཟུང་འབྲེལ་དམ་ཟབ་བྱས་ཏེ། དུག་འགོག་དྲིལ་བསྒྲགས་གྲོང་ཚོ་དང་གྲོང་ལྷན་དུ་སྣུར་སྲིང་བྱས་ནས་འགུལ་རྣམ་ཅན་དང་རང་གཤིས་ཅན་གྱི་དྲིལ་བསྒྲགས་བྱས་པ་རེད། ནག་ཆུ་གྲོང་ཨུད་རྩ་འཛུགས་པུའུ་དང་གྲོང་ཨུད་ཏང་གི་སློབ་གྲྭས་དུག་འགོག་དྲིལ་བསྒྲགས་སློབ་གསོ་དེ་ཏང་གི་སློབ་གྲྭའི་ལས་བྱེད་པ་གསོ་སྦྱོང་གི་སྤྱིའི་འཆར་འགོད་དུ་བཅུག་ནས་རྒྱུན་རྣམ་ཅན་དང་ཕུགས་ཕན་ཅན་ལ་སྐུལ་འདེད་བཏང་བས། རྒྱལ་ཁབ་ཀྱི་ལས་དོན་པའི་དུག་འགོག་སྲིད་ཇུས་དང་ཤེས་བྱར་སློབ་སྦྱོང་དང་དྲིལ་བསྒྲགས་བྱེད་པའི་ནུས་པ་ཕྱོགས་ཡོངས་ནས་ཆེ་རུ་ཕྱིན་ཡོད། སློབ་གསོའི་སྡེ་ཚན་གྱིས་དུག་འགོག་དཔེ་སྟོན་སློབ་གྲྭ་དང་། ཕུལ་བྱུང་དུག་འགོག་དགེ་རྒན། སློབ་ཕྱིའི་ཟུར་ཁྲིད་པ། གཞོན་ནུ་ལོ་ཆུང་གི་དུག་རྫས་སྔོན་འགོག་སློབ་གསོའི་གྲངས་གཞི་ཅན་གྱི་ལས་སྟེགས་བཅས་ཀྱི་ནུས་པ་གང་ལེགས་བཏོན་ནས་སློབ་གྲྭ་འབྲིང་ཆུང་གི་དུག་འགོག་སློབ་ཁྲིད་ཀྱི་འཆར་གཞི་དང་། རྩ་འཛིན། དགེ་རྒན། སློབ་ཚན། སློབ་གཞི་བཅས་དོན་ཐོག་ཏུ་འཁྱོལ་བར་བྱས་པ་དང་། སྡེ་ཚོགས་ཨུ་ལྷན་དང་། བཟོ་ཚོགས། བུད་མེད་མཉམ་འབྲེལ་ཚོགས་པ། དེ་བཞིན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་། དམངས་སྲིད་སོགས་སྡེ་ཚན་གྱིས་དུག་འགོག་གི་སྤྱི་ཚོགས་རྩ་འཛུགས་འཛུགས་སྐྱོང་དང་དུག་འགོག་གི་སྤྱི་ཕན་བྱ་གཞག་ལ་སྐུལ་འདེད་ཤུགས་ཆེན་བཏང་ནས་དུག་འགོག་གི་སྤྱི་ཚོགས་ལས་དོན་པ་དང་དང་བླངས་པའི་དཔུང་ཁག་རྒྱུན་ཆད་མེད་པར་སྟོབས་ཆེར་བཏང་བ་རེད།

དྲ་རྒྱའི་ཁྱབ་སྤེལ་ཕན་ནུས་ཆེ་རུ་བཏང་བ།

སྨྱན་སྦྱོར་གསར་པ་དང་སྲོལ་རྒྱུན་སྨྱན་སྦྱོར་གང་ལེགས་སྤྱད་དེ་དུག་རྫས་གསར་པ་དང་། བསམ་པའི་གསོན་ཤུགས་ལྡན་པའི་དངོས་པོ་གསར་པ། སྨན་རྫས་གང་བྱུང་དུ་སྤྱོད་པ་སོགས་ཀྱི་གནོད་འཚེ་དྲིལ་བསྒྲགས་བྱེད་ཤུཌ་ཆེ་རུ་བཏང་ནས་གྲོང་ཁྱེར་དང་། རྫོང(ཆུས) ཤང(གྲོང་རྡལ)བཅས་རིམ་གསུམ་སྨྱན་སྦྱོར་བརྒྱུད། དུག་འགོག་དྲིལ་བསྒྲགས་སློབ་གསོའི་ཁྱབ་རྒྱ་ཆེ་རུ་བཏང་ནས་དུག་འགོག་དྲིལ་བསྒྲགས་སློབ་གསོའི་ཁྱབ་སྤེལ་ནུས་པ་རྒྱུན་ཆད་མེད་པར་ཆེ་རུ་བཏང་ཡོད། ཀྲུང་གོ་དུག་འགོག་ཚགས་པར་དང་། མི་དམངས་དྲ་བ། ཤིན་ཧྭ་དྲ་བ། བོད་ལྗོངས་ཉིན་རེའི་ཚགས་པར། བོད་ལྗོངས་སྲུང་སྐར་བརྙན་འཕྲིན་སོགས་སྨྱན་སྦྱོར་ཁག་ལ་དུག་འགོག་དྲིལ་བསྒྲགས་ཀྱི་ནང་དོན་བརྒྱུད་སྤེལ་ཧུར་ཐག་བྱས་ནས་དུག་འགོག་དྲིལ་བསྒྲགས་ཀྱི་ཤུགས་རྐྱེན་ཆེ་རུ་བཏང་ཡོད། སྤྱི་ཚོགས་ལས་རིགས་ཁག་སྒྲིག་འཛུགས་བྱས་ཏེ“དུག་འགོག་ཤེས་བྱའི་བྱ་དགའ་ཡོད་པའི་ལན་འདེབས”དང“དྲ་ཐོག་ཏུ་དམ་བཅའ་འཇོག་པ”སོགས་ཀྱི་བྱེད་སྒོར་རྒྱ་ཁྱབ་ཞུགས་ཡོད། 2024ལོར་གྲོང་ཁྱེར་ཡོངས་ཀྱི་དུག་འགོག་ཤེས་བྱའི་བྱ་དགའ་ཡོད་པའི་ལན་འདེབས་བྱེད་སྒོར་ཞུགས་པའི་ལན་འདེབས་སྐར་གྲངས་ཁྱོན་སྐར་མ་19152000ཟིན་པ་དང་མི་ཐེངས་275180ཞུགས་ནས་ལྗོངས་ཡོངས་ཀྱི་ཨང་དང་པོར་སླེབས་ཡོད། རྒྱལ་ཡོངས་ཀྱི་གཞོན་ནུ་ལོ་ཆུང་གི་ཚོར་སྦྲིད་དང་འབྲེལ་བའི་སྨན་རྫས་སོགས་དབྱིངས་ཞུགས་དངོས་པོ་གང་བྱུང་དུ་སྤྱོད་པར་དོགས་ཟོན་བྱེད་པའི་བརྙན་ཐུང་འཚོལ་བསྡུ་བྱེད་པའི་བྱེད་སྒོའི་ནང་། ཉི་མ་རྫོང་མི་དམངས་ཁྲིམས་ཁང་དང་། དཔལ་མགོན་རྫོང་དུག་འགོག་གཞུང་དོན་ཁང་། སོག་རྫོང་དུག་འགོག་གཞུང་དོན་ཁང་བཅས་ཀྱི་བརྙན་ཐུང་ལ་རྒྱལ་ཁབ་དུག་འགོག་ཨུ་ལྷན་གཞུང་དོན་ཁང་དང་། གུང་གཞོན་སྡེ་ཚོགས་ཀྲུང་དབྱང་། ཀྲུང་གོ་དུག་འགོག་ཐེབས་རྩ་ལྷན་ཚོགས་བཅས་སྡེ་ཚན་གསུམ་གྱིས་མཉམ་དུ་མིང་བཀོད་ནས་དྲན་གསོའི་བྱ་དགའ་སྤྲད་པ་རེད།

དྲིལ་བསྒྲགས་གཡུལ་ས་འཛུགས་སྐྱོང་བྱེད་ཤུགས་ཆེ་རུ་བཏང་བ།

2022ལོ་ནས་བཟུང་། གོང་རིམ་ཏང་ཨུད་སྲིད་གཞུང་དང་འབྲེལ་ཡོད་སྡེ་ཚན་གྱི་ཤུགས་ཆེའི་རྒྱབ་སྐྱོར་དང་རིམ་པ་ཁག་དང་སྡེ་ཚན་ཁག་གི་ཐུན་མོང་འབད་བརྩོན་འོག ནག་ཆུ་གྲོང་ཁྱེར་གྱིས་རྒྱལ་ཡོངས་ཀྱི་གཞོན་ནུ་ལོ་ཆུང་གི་དུག་རྫས་སྔོན་འགོག་སློབ་གསོའི“6·27”འདུ་འགོད་ཀྱི་དཔེ་སྟོན་སློབ་གྲྭ་1དང་། རང་སྐྱོང་ལྗོངས་རིམ་པའི་དུག་འགོག་དཔེ་སྟོན་སློབ་གྲྭ་11 སློབ་གྲྭའི་དུག་འགོག་དཔེ་དེབ་ཁང་7བཅས་བསྐྲུན་ནས་སློབ་གྲྭའི་དུག་འགོག་དྲིལ་བསྒྲགས་གཡུལ་ས་འཛུགས་སྐྱོང་ལ་ཤུགས་སྣོན་བརྒྱབ་སྟེ་གཞོན་ནུ་ལོ་ཆུང་གི་དུག་རྫས་ཤེས་རྟོགས་དང་། དུག་རྫས་སྔོན་འགོག དུག་རྫས་བཀག་འགོག་བཅས་ཀྱི་འདུ་ཤེས་ཟབ་ཏུ་དང་འཇོན་ཐང་ཆེ་རུ་བཏང་བ་དང་། དུག་རྫས་སྔོན་འགོག་སློབ་གསོའི་རྟེན་གཞི་9དང་། དྲ་ཐོག་གི་དུག་རྫས་སྔོན་འགོག་སློབ་གསོའི་རྟེན་གཞི་1 ནག་ཆུ་གྲོང་ཁྱེར་གྱི་དུག་འགོག་བརྗོད་དོན་གཙོ་བོའི་སྤྱི་གླིང་1 སྡེ་ཁུལ་གྱི་དུག་འགོག་དཔེ་དེབ་ཁང(གྲོང་གསེབ་ཀྱི་དཔེ་དེབ་ཁང)5བཅས་བསྐྲུན་ནས། ནག་ཆུ་གྲོང་ཁྱེར་གྱི་དུག་རྫས་སྔོན་འགོག་སློབ་གསོའི་རྟེན་གཞི་རིམ་སྤོར་སྒྱུར་བཀོད་ལེགས་སྒྲུབ་བྱས་པ་དང་དུས་མཚུངས། གྲོང་ཁྱེར་དེ་ཡོངས་ཀྱི་ཤང(གྲོང་རྡལ)114དང་གྲོང་ཚོ(གྲོང་ལྷན)ཨུ་ལྷན་1203ལ་དུག་འགོག་དྲིལ་བསྒྲགས་འགེལ་རིས་ཕྱོགས་ཡོངས་ལ་ཁྱབ་ནས་རྒྱ་ཆེའི་ལས་བྱེད་པ་དང་མང་ཚོགས་ཀྱི་དུག་རྫས་ཤེས་རྟོགས་དང་། དུག་རྫས་སྔོན་འགོག དུག་རྫས་བཀག་འགོག་བཅས་ཀྱི་འཇོན་ཐང་ཆེ་རུ་དང་དུག་འགོག་ལས་དོན་ལ་ཞུགས་པའི་འདུ་ཤེས་ཟབ་ཏུ་བཏང་བས། “མི་ཚང་མ་དུག་འགོག་གི་གཟུགས་བརྙན་དང་། ཚང་མ་དྭངས་གཙང་གི་སྟོབས་ཤུགས་ཤིག་ཡིན་པའི”རྣམ་པ་ཟབ་མོ་ཞིག་ཆགས་པར་བྱས་ཡོད།