འདི་ནི་ཁྲེང་ཀོན་ཆུས་བར་སྐོར་ཁྲོམ་གཞུང་རབ་གསལ་སྡེ་ཁུལ་གྱི་ལས་དོན་པས་བཏུང་བྱའི་ཐོན་སྐྱེད་དུས་ཚོད་ལ་ཞིབ་བཤེར་བྱེད་བཞིན་པ།

ཉེ་ཆར། ཁྲེང་ཀོན་ཆུས་བར་སྐོར་ཁྲོམ་གཞུང་རབ་གསལ་སྡེ་ཁུལ་གྱིས་བཟའ་བཅའི་བདེ་འཇགས་ཁྱབ་ཁོངས་ཀྱི་མངོན་མེད་རྐྱེན་ངན་སེལ་བའི་བྱ་སྤྱོད་གཏིང་ཟབ་སྤེལ་ནས། བཟའ་བཅའི་བདེ་འཇགས་ཀྱི་མངོན་མེད་རྐྱེན་ངན་སྔོན་འགོག་དང་སེལ་ཐབས་ནུས་ལྡན་བྱས་ཏེ་འཛད་སྤྱོད་པའི་བཟའ་བཏུང་གི་བདེ་འཇགས་ལ་འགན་སྲུང་བྱས་པ་རེད།

གཏོགས་ཁོངས་ས་ཆའི་དོ་དམ་འགན་འཁྲི་དང་བྱེད་པོའི་འགན་འཁྲི་དོན་འཁྱོལ་བྱས་ནས་ཕན་འབྲས་ཐོན་པར་སྔར་བས་སྐུལ་འདེད་གཏོང་ཆེད། བཟའ་བཅའ་འཇོག་ཡུལ་ཁག་གཅིག་གི་ཁོར་ཡུག་ཞན་ཙམ་ཡོད་པ་དང་བདེ་ཐང་ལག་ཁྱེར་གྱི་དུས་ཚོད་ཐིམ་ཡང་དུས་ཐོག་ཏུ་མ་བརྗེས་པའི་གནད་དོན་ལ་དམིགས་ནས། འགན་གཙང་ལེན་མཁན་འགན་འཁྲི་བ་དང་དྲ་མིག་ལས་དོན་པས་འགན་འཁྲིའི་ཚན་པར་འཕྲལ་མར་དུས་བཀག་ནང་དག་ཐེར་བྱེད་དགོས་པའི་བླང་བྱ་བཏོན་པ་རེད།