ཉེ་ཆར་དིང་རི་རྫོང་མི་དམངས་ཁྲིམས་ཁང་གིས་ཕྱི་རྒྱལ་དང་འབྲེལ་བ་ཡོད་པའི་དམངས་དོན་གྱོད་གཞི་ཐོག་མ་དེ་ཐག་གཅོད་འོས་འཚམ་བྱས་ཤིང་། རྒྱལ་ཁོངས་སྒྲོལ་བ་དང་། མི་རིགས་མི་འདྲ་བ། བར་ཐག་སྤྱི་ལེ་ཆིག་སྟོང་ལྷག་ཙམ་ཆོད་པ་བཅས་ཀྱི་ཕྱི་རྒྱལ་དང་འབྲེལ་བ་ཡོད་པའི་དམངས་དོན་གྱོད་གཞི་ཞིག་ཐག་གཅོད་འོས་འཚམ་བྱས་པ་རེད།

2023ལོའི་ཟླ་1པོར། ཞུ་སྦྱོར་སྔ་མ་ཆུས་ཆེ་གེ་མོ(ཐེམ་ཁུངས་ནེ་པ་ལ་ནས་ཡིན་པའི་ཚོང་པ)དང་ཞུ་སྦྱོར་ཕྱི་མ་བཀྲ་ཆེ་གེ་མོ(ཐེམ་ཁུངས་དིང་རི་རྫོང་ནས་ཡིན་པའི་ཚོང་པ)གཉིས་ཀྱིས་སྐད་འཕྲིན་བརྒྱུད་དེ་གྲོས་མཐུན་བྱུང་བ་སྟེ། ཞུ་སྦྱོར་སྔ་མ་ཆུས་ཆེ་གེ་མོས་མངའ་རིས་ས་ཁུལ་སྤུ་ཧྲེང་རྫོང་མཐའ་མཚམས་ཉོ་ཚོང་ཁྲོམ་རའི་ཚོང་ཁང་ནས་ཞུ་སྦྱོར་ཕྱི་མ་བཀྲ་ཆེ་གེ་མོར་ནེ་པ་ལའི་ཤིང་ཕོར་200མཁོ་སྤྲོད་བྱས་པ་དེའི་རིན་གོང་བསྡོམས་སྒོར་65000ཟིན་གྱི་ཡོད། དངོས་ཟོག་དེ་དག་ཞུ་སྦྱོར་སྔ་མ་ཆུས་ཆེ་གེ་མོས་སྐྱེལ་འདྲེན་བྱས་ཏེ། ཞུ་སྦྱོར་ཕྱི་མ་བཀྲ་ཆེ་གེ་མོའི་སྡོད་གནས་སུ་བསྐུར་བ་དང་། དངོས་ཟོག་འབྱོར་རྗེས་རིན་སྒོར་30000སྤྲད། ལྷག་མ་སྒོར་35000དེ་ཞུ་སྦྱོར་སྔ་མ་ཆུས་ཆེ་གེ་མོས་ཐེངས་མང་འདེད་ལེན་བྱས་ཀྱང་ཚུར་མ་རག་པས་དམངས་དོན་གཏུག་བཤེར་བྱེད་དགོས་བྱུང་།

གྱོད་དོན་བདག་སྤྲོད་བྱས་རྗེས། དིང་རི་རྫོང་མི་དམངས་ཁྲིམས་ཁང་གིས་ཚད་མཐོའི་མཐོང་ཆེན་བྱས་ཏེ། ཕྱི་རྒྱལ་དང་འབྲེལ་བ་ཡོད་པའི་གྱོད་དོན་ཞིབ་གཅོད་ཀྱི་སྔོན་ཇུས་བཟོ་འགོ་ཚུགས་པ་དང་། ཡོན་ཀྲང་གིས་འདྲི་གཅོད་པ་ཆེ་མོའི་འགན་འཁུར་བ་མ་ཟད། ཕྱི་རྒྱལ་དང་འབྲེལ་བ་ཡོད་པའི་གྱོད་དོན་ཚོགས་པ་བཙུགས་ནས་ཞིབ་གཅོད་བྱས་པ་རེད།

གྱོད་གཞི་ཞིབ་གཅོད་བྱེད་རིང་། ཞུ་སྦྱོར་སྔ་མ་དང་ཞུ་སྦྱོར་ཕྱི་མས་གྱོད་གཞིའི་དོན་དངོས་ཐད་རྩོད་གཞི་ཅུང་ཆེན་པོ་ཡོད་པའི་རྐྱེན་གྱིས། ཕྱི་རྒྱལ་དང་འབྲེལ་བ་ཡོད་པའི་གྱོད་དོན་ཚོགས་པ་སྤྱི་ལེ་ཆིག་སྟོང་ལྷག་ཙམ་ཟིན་པའི་ཞུ་སྦྱོར་སྔ་མའི་གནས་སྐབས་སྡོད་གནས་མངའ་རིས་ས་ཁུལ་སྤུ་ཧྲེང་རྫོང་དུ་སྔ་རྗེས་སུ་ཐེངས་གཉིས་བསྐྱོད་ནས་གྱོད་གཞིར་བརྟག་དཔྱད་དང་། ཡིག་རིགས་སྐྱེལ་སྤྲོད། འདུམ་འགྲིག་སོགས་བྱས་ཡོད། ཕྱི་རྒྱལ་དང་འབྲེལ་བ་ཡོད་པའི་གྱོད་དོན་ཚོགས་པས་འདུམ་འགྲིག་ཞིབ་ཚགས་བྱས་པ་བརྒྱུད་དོ་བདག་གིས་འདུམ་འགྲིག་གྲོས་མཐུན་ལ་མོས་མཐུན་བྱུང་ཞིང་། ཞུ་སྦྱོར་ཕྱི་མ་བཀྲ་ཆེ་གེ་མོས་ས་གནས་ས་ཐོག་ཏུ་འཇལ་སྤྲོད་ཀྱི་འོས་འགན་ཁག་གཅིག་བསྒྲུབས་ཏེ་རྒྱལ་ཁོངས་སྒྲོལ་བ་དང་། མི་རིགས་མི་འདྲ་བ། བར་ཐག་སྤྱི་ལེ་ཆིག་སྟོང་ཆོད་པ་བཅས་ཀྱི་ཕྱི་རྒྱལ་དང་འབྲེལ་བ་ཡོད་པའི་དམངས་དོན་གྱོད་གཞིར་ཐག་གཅོད་འོས་འཚམ་བྱས་པ་རེད།