འདི་ནི་རུ་འབྲིང་གི་རུ་མིས་མང་ཚོགས་ལ་མེ་ཟོན་དྲིལ་བསྒྲགས་ཀྱི“ལག་རྟགས་ཆེན་པོ”སྤྲོད་བཞིན་པ།

འདི་ནི་རུ་འབྲིང་གི་རུ་མིས་མང་ཚོགས་ལ་མེ་ཟོན་དྲིལ་བསྒྲགས་ཀྱི་ཤོག་བྱང་དང་ལག་དེབ་སྤྲོད་བཞིན་པ།

འདི་ནི་རུ་འབྲིང་གི་རུ་མིས་མང་ཚོགས་ལ་རོགས་སྐྱོབ་སྒྲིག་ཆས་སྤྱོད་སྟངས་སློབ་བཞིན་པ།

ཉིན་ཤས་གོང་། ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་ཁ་རུབ་ཆུས་རུ་འབྲིང་གིས་ནགས་ཚལ་མེ་ཟོན་གྱི་ཆེད་དོན་བྱ་སྤྱོད་སྒྲིག་འཛུགས་ཀྱིས་སྤེལ་ཏེ། སྔོ་ཞིང་དྭངས་བའི་རི་ཆུ་དང་ཁྱིམ་ཚང་ཁྲི་སྟོང་གི་བདེ་སྐྱིད་སྲུང་སྐྱོང་བྱས་ནས་མི་དམངས་མང་ཚོགས་ལ་བདེ་འཇགས་ཀྱི་འགོག་སྲུང་འཛིང་རགས་བརྟན་པོ་ཞིག་བསྐྲུན་པ་རེད།

ད་ཐེངས་ཀྱི་བྱ་སྤྱོད་ནང་། མེ་ཟོན་རོགས་སྐྱོབ་མི་སྣས་ནགས་ཚལ་མེ་ཟོན་གྱི་ཚན་རིག་ཁྱབ་གདལ་གཏོང་ཆེད་མེ་ཟོན་དྲིལ་བསྒྲགས་ཀྱི་འཐབ་ས་དང་པོ་བརྟན་སྲུང་གིས་ཆེད་ལས་དང་སྤྲོ་སེམས་ལ་བརྟེན་ནས་མེ་ཟོན་བདེ་འཇགས་ཀྱི་དྲ་བ་ཚགས་དམ་དུ་བཏང་བ་རེད། མེ་ཟོན་དྲིལ་བསྒྲགས་ལ་ཕན་འབྲས་དངོས་ཐོན་པར་འགན་ལེན་བྱ་ཆེད། རུ་འབྲིང་ཏང་ཀྲི་པུའུ་ཡིས་དྲིལ་བསྒྲགས་འཆར་གཞི་ཞིབ་ཕྲ་བཟོས་ཤིང་། སྡེ་ཁུལ་དང་། ཁྲོམ་ར། མཛེས་ལྗོངས་ཁུལ་སོགས་མི་སྣ་འདུ་འཛོམས་ཆེ་སར་བསྐྱོད་དེ་མེ་ཟོན་དྲིལ་བསྒྲགས་ཀྱི“ལག་རྟགས་ཆེན་པོ”སྤྲོད་པ་དང་། མངོན་གསལ་དོད་པའི་འཕྲེད་འགེལ་སྦྱར་ཡིག་འགེལ་བ། རོགས་སྐྱོབ་སྒྲིག་ཆས་འགྲེམས་སྟོན་བྱེད་པ། མེ་ཟོན་དྲིལ་བསྒྲགས་ཀྱི་ཤོག་བྱང་དང་ལག་དེབ་སྤྲོད་པ་སོགས་ཀྱི་བྱེད་ཐབས་སྣ་ཚོགས་བརྒྱུད། ནགས་ཚལ་མེ་ཟོན་གྱི་ཤེས་བྱ་མང་ཚོགས་ཀྱི་སེམས་སུ་འཇགས་པར་བྱས་པ་རེད།