དྲ་རྒྱའི་ཐོག་དཀྲོག་གཏམ་བཟོ་མཁན་ལ་རྡུང་རྡེག་གཏོང་བའི་ཆེད་དོན་བཅོས་སྒྲིག་གི་བྱ་སྤྱོད་སྤེལ་ཚུན། བོད་ལྗོངས་སྤྱི་བདེ་ལས་ཁུངས་དྲ་རྒྱའི་བདེ་འཇགས་སྡེ་ཚན་གྱིས“རྡུང་རྡེག་ལ་བརྟེན་ནས་ལམ་གཤོང་བ་དང་བཅོས་སྐྱོང་ལ་སྐུལ་འདེད་གཏོང་བའི”བསམ་ཕྱོགས་གཞིར་བཟུང་། དྲ་རྒྱའི་ཐོག་དཀྲོག་གཏམ་བཟོ་བ་དང་བརྒྱུད་བསྐུར་བྱེད་པ་སོགས་དྲ་རྒྱ་དང་འབྲེལ་བའི་ཁྲིམས་འགལ་ཉེས་གསོག་གི་བྱེད་སྤྱོད་ལ་ཁྲིམས་ལྟར་རྡུང་རྡེག་ནན་པོ་བཏང་བར་གྲུབ་འབྲས་མངོན་གསལ་དོད་པོ་ཐོབ་ཡོད།

ད་ལྟ་བོད་རང་སྐྱོང་ལྗོངས་ཀྱི་ཆེད་དོན་བྱ་སྤྱོད་ཀྱི་དཔེ་མཚོན་གྱོད་དཔེ་10ཡོངས་བསྒྲགས་བྱ་རྒྱུ་སྟེ།

གཅིག ཀྲང་ཆེ་གེ་མོས“ལྷ་སའི་ཁུལ་ཆུང་ཞིག་ཏུ་རང་བྱུང་སོལ་རླངས་ཕྱིར་ཚབས་ཆེན་ཤོར་འདུག”ཅེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་1ཚེས་10ཉིན། ལྷ་སའི་དྲ་དམངས་ཀྲང་ཆེ་གེ་མོས་དྲ་རྒྱའི་ལས་སྟེགས་ཤིག་ཏུ“ཟླ་1ཚེས་8ཉིན་ཚོགས་འདུ་གཉིས་འཚོག་རིང་། ལྷ་ས་གྲོང་ཁྱེར་གྱི་ཁུལ་ཆུང་ཞིག་ཏུ་རང་བྱུང་སོལ་རླངས་ཤོར་ནས་འབར་གས་ཀྱི་མངོན་མེད་རྐྱེན་ངན་ཆེན་པོ་ཡོད་པའི”དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། ལྷ་ས་སྤྱི་བདེ་ལས་ཁུངས་ཀྱིས་ཁྲིམས་ལྟར་ཀྲང་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

གཉིས། ལི་ཆེ་གེ་མོས“སྣེ་གདོང་ཆུས་སུ་མི་མང་པོ་ཞིག་གིས་རྐུན་མར་ཉེས་རྡུང་བཏང་སོང”ཞེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་1ཚེས་23ཉིན། ལྷོ་ཁའི་དྲ་དམངས་ལི་ཆེ་གེ་མོས་གཞན་གྱི་དོ་སྣང་དང་ལྟ་མཁན་མང་པོ་ཡོང་ཆེད་བརྙན་ཐུང་ལས་སྟེགས་ཤིག་ཏུ“ལྷོ་ཁ་གྲོང་ཁྱེར་སྣེ་གདོང་ཆུས་སུ་མི་མང་པོས་རྐུན་མ་བཟུང་རྗེས་ཉེས་རྡུང་བཏང་སོང”ཞེས་པའི་དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། ལྷོ་ཁ་སྤྱི་བདེ་ལས་ཁུངས་ཀྱིས་ཁྲིམས་ལྟར་ལི་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

གསུམ། སུན་ཆེ་གེ་མོས“བུད་མེད་ཡུལ་སྐོར་བ་ཞིག་ཕོ་བྲང་པོ་ཏ་ལར་སྐྱོད་སྐབས་གསོ་རླུང་མི་འདང་བའི་དབང་གིས་ཤི་བ་རེད”ཅེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་2ཚེས་10ཉིན། ཨན་ཧུའེ་ཡི་དྲ་དམངས་སུན་ཆེ་གེ་མོས་བརྙན་ཐུང་ལས་སྟེགས་ཤིག་ཏུ“བུད་མེད་ཡུལ་སྐོར་བ་ཞིག་ཕོ་བྲང་པོ་ཏ་ལར་སྐྱོད་དུས་གློ་བུར་དུ་གསོ་རླུང་མི་འདང་བའི་དབང་གིས་མགོ་ཡུར་འཁོར་ནས་འགྱེལ་བ་དང་120མྱུར་སྐྱོབ་ལྟེ་གནས་ཀྱིས་མྱུར་སྐྱོབ་བྱས་ཀྱང་ཕན་འབྲས་མ་ཐོན་པར་ཤི་བ་རེད”ཅེས་དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། མིག་སྔར་སྤྱི་བདེ་ལས་ཁུངས་ཀྱིས་ཁྲིམས་ལྟར་སུན་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

བཞི། ཟླ་ཆེ་གེ་མོས“སྨན་གླིང་གྲོང་ཁྱེར་གྱི་གྲོང་རྡལ་ག་གེ་མོའི་གྲོང་ཚོ་ཨུ་ལྷན་ཞིག་གི་སྐབས་བརྗེའི་འདེམས་བསྐོ་བྱེད་སྐབས་སྦུག་མཐུན་གཡོ་བསྒྱུར་བྱས་སོང”ཞེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་5ཚེས་5ཉིན། ཉིང་ཁྲིའི་དྲ་དམངས་ཟླ་ཆེ་གེ་མོས་བརྙན་ཐུང་ལས་སྟེགས་ཤིག་ཏུ“སྨན་གླིང་གྲོང་ཁྱེར་གྱི་གྲོང་རྡལ་ག་གེ་མོའི་གྲོང་ཚོ་ཨུ་ལྷན་ཞིག་གི་སྐབས་བརྗེའི་འདེམས་བསྐོ་བྱེད་སྐབས་སྦུག་མཐུན་གཡོ་བསྒྱུར་བྱས་སོང”ཞེས་པའི་དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། ཉིང་ཁྲིའི་སྤྱི་བདེ་ལས་ཁུངས་ཀྱིས་ཁྲིམས་ལྟར་ཟླ་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

ལྔ། ལི་ཆེ་གེ་མོས“བོད་ཀྱི་འབྲིང་རྒྱུགས་ཀྱི་རྒྱུགས་ཤོག་རག་བྱུང”ཞེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་6ཚེས་3ཉིན། ཉིང་ཁྲིའི་དྲ་དམངས་ལི་ཆེ་གེ་མོས་གཞན་གྱི་དོ་སྣང་དང་ལྟ་མཁན་མང་པོ་ཡོང་ཆེད། བརྙན་ཐུང་ལས་སྟེགས་ཤིག་ཏུ“བོད་ཀྱི་འབྲིང་རྒྱུགས་ཀྱི་རྒྱུགས་ཤོག་རག་བྱུང”ཞེས་དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། ཉིང་ཁྲིའི་སྤྱི་བདེ་ལས་ཁུངས་ཀྱིས་ཁྲིམས་ལྟར་ལི་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

དྲུག ཚའེ་ཆེ་གེ་མོས“ཇོ་མོ་གླང་མའི་མཛེས་ལྗོངས་ཁུལ་སྒོ་རྒྱག་པར་དུས་བཀག་མེད”ཅེས་པའི་དྲ་རྒྱའི་དཀྲོག་གཏམ་བཟོས་པའི་གྱོད་གཞི།

ཟླ་6ཚེས་6ཉིན། དྲ་དམངས་ཚའེ་ཆེ་གེ་མོས་གཞན་གྱི་དོ་སྣང་དང་ལྟ་མཁན་མང་པོ་ཡོང་ཆེད། དྲ་རྒྱའི་ལས་སྟེགས་ཤིག་ཏུ“བོད་ལྗོངས་གཞིས་རྩེ་གྲོང་ཁྱེར་དིང་རི་རྫོང་ཇོ་མོ་གླང་མ་དོ་དམ་ཅུས་ཀྱིས་ཇོ་མོ་གླང་མའི་མཛེས་ལྗོངས་ཁུལ་སྒོ་རྒྱག་པར་དུས་བཀག་མེད་ཅེས་ཁྱབ་བསྒྲགས་བྱས་པའི”དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། མིག་སྔར་སྤྱི་བདེ་ལས་ཁུངས་ཀྱིས་ཁྲིམས་ལྟར་ཚའེ་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

བདུན། ཀྲེང་ཆེ་གེ་མོས“རྒྱལ་ཁབ་ཀྱིས་ཡར་འབྲོག་གཡུ་མཚོར་གྲང་ཆུའི་ཉ་བཟུང་མཁན་བཏང་ནས་འཚོང་གི་ཡོད་ལུགས”དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་6ཚེས་19ཉིན། གཞིས་རྩེའི་དྲ་དམངས་ཀྲེང་ཆེ་གེ་མོས་དྲ་རྒྱའི་ལས་སྟེགས་ཤིག་ཏུ“ཡར་འབྲོག་གཡུ་མཚོར་གྲང་ཆུའི་ཉའི་ཐོན་ཁུངས་ཕུན་སུམ་ཚོགས་པོ་ཡོད་པ་དང་རྒྱལ་ཁབ་ཀྱིས་ཉ་བཟུང་མཁན་བཏང་སྟེ་འཚོང་གི་ཡོད་པའི”དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། གཞིས་རྩེའི་སྤྱི་བདེ་ལས་ཁུངས་ཀྱིས་ཁྲིམས་ལྟར་ཀྲེང་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

བརྒྱད། ངག་ཆེ་གེ་མོ་དང་ཉི་ཆེ་གེ་མོས“ཟ་ཁང་ཞིག་གི་ཁ་ལག་ནང་བཙོག་པ་བླུགས་འདུག”ཅེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་6ཚེས་21ཉིན། ལྷ་སའི་དྲ་དམངས་ངག་ཆེ་གེ་མོ་དང་ཉི་ཆེ་གེ་མོས་བརྙན་ཐུང་ལས་སྟེགས་ཤིག་ཏུ“ཟ་ཁང་ཞིག་གི་ཁ་ལག་ནང་བཙོག་པ་བླུགས་པའི”དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། ལྷ་ས་སྤྱི་བདེ་ལས་ཁུངས་ཀྱིས་ཁྲིམས་ལྟར་ངག་ཆེ་གེ་མོ་དང་ཉི་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

དགུ། བཀྲ་ཆེ་གེ་མོས“བུད་མེད་འགྲིམ་འགྲུལ་ཉེན་རྟོག་པ་ཞིག་ལ་ཤུ་བརྒྱབ་པས་ཆད་པ་ཕོག་བྱུང”ཞེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་7ཚེས་18ཉིན། ལྷོ་ཁའི་དྲ་དམངས་བཀྲ་ཆེ་གེ་མོས་གཞན་གྱི་དོ་སྣང་དང་ལྟ་མཁན་མང་པོ་ཡོང་ཆེད། དྲ་རྒྱའི་ལས་སྟེགས་ཤིག་ཏུ“ལྷོ་ཁ་གྲོང་ཁྱེར་དཔའ་བོ་ལམ་གྱི་བཞི་མདོ་ཁར་རླངས་འཁོར་བཏང་ནས་འགྲོ་དུས་བུད་མེད་འགྲིམ་འགྲུལ་ཉེན་རྟོག་པར་ཤུ་བརྒྱབ་པས་དངུལ་ཆད་སྒོར་200དང་སྐར་མ་6འཐེན་པའི་ཆད་པ་བཅད་ལུགས”AIཐོག་ནས་བཟོས་པའི་འགྲིམ་འགྲུལ་གྱི་ཆད་གཅོད་ཤོག་ལྷེ་རྫུན་མ་བཟོས་པས། ལྷོ་ཁ་སྤྱི་བདེ་ལས་ཁུངས་ཀྱིས་ཁྲིམས་ལྟར་བཀྲ་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།

བཅུ། ཀྲང་ཆེ་གེ་མོས“ཤིན་ཅང་ཁ་ཧྲིར་ས་ཡོམ་བརྒྱབ་འདུག”ཅེས་དྲ་རྒྱའི་ཐོག་དཀྲོག་གཏམ་བཟོས་པའི་གྱོད་གཞི།

ཟླ་7ཚེས་26ཉིན། ཆབ་མདོའི་དྲ་དམངས་ཀྲང་ཆེ་གེ་མོས་དྲ་རྒྱའི་ལས་སྟེགས་ཤིག་ཏུ“ཤིན་ཅང་དུ་ས་ཡོམ་བརྒྱབ་པའི”དཀྲོག་གཏམ་བཟོས་ནས་སྤྱི་ཚོགས་ཐོག་ཤུགས་རྐྱེན་ངན་པ་བཟོས་ཡོད། ཆབ་མདོ་སྤྱི་བདེ་ལས་ཁུངས་ཀྱིས་ཁྲིམས་ལྟར་ཀྲང་ཆེ་གེ་མོར་སྲིད་འཛིན་གྱི་ཆད་པ་བཅད་པ་རེད།