རྒྱལ་ཡོངས་ཁྲིམས་ཁང་གི་བོད་སྐྱོར་དང་ཤིན་སྐྱོར་ལས་དོན་གྱི་སྐུལ་སྤེལ་ཚོགས་འདུ་ལྷ་སར་འཚོགས་པ།
ཉེ་ཆར། རྒྱལ་ཡོངས་ཁྲིམས་ཁང་གི་བོད་སྐྱོར་དང་ཤིན་སྐྱོར་ལས་དོན་གྱི་སྐུལ་སྤེལ་ཚོགས་འདུ་ལྷ་སར་འཚོགས་ཤིང་། ཆེས་མཐོའི་མི་དམངས་ཁྲིམས་ཁང་ཏང་ཙུའི་ཧྲུའུ་ཅི་དང་ཡོན་ཀྲང་ཀྲང་ཅུན་དང་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་ཚོགས་འདུར་ཞུགས་ནས་གསུང་བཤད་གནང་བ་རེད།
ཀྲང་ཅུན་གྱིས་བསྟན་དོན། ཁ་གཏད་བོད་སྐྱོར་དང་ཤིན་སྐྱོར་ནི་འདོར་ཐབས་མེད་པའི་ཆབ་སྲིད་ཀྱི་འགན་འཁྲི་ཞིག་རེད། ཆབ་སྲིད་དང་སྤྱི་ཡོངས་ཀྱི་མཐོ་ཚད་ནས་ཁ་གཏད་བོད་སྐྱོར་དང་ཤིན་སྐྱོར་ལས་དོན་གྱི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱེད་དགོས། བློ་བརྟན་འགྱུར་མེད་ངང“གཏན་འཁེལ་གཉིས”ལ་བརྩི་བཀུར་ཞུ་བ་དང“སྲུང་སྐྱོང་གཉིས”མཐའ་གཅིག་ཏུ་ཐུབ་པའི་ཆབ་སྲིད་ཀྱི་མཐོ་ཚད་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་སྤྱི་ཡོངས་ཀྱི་མཐོ་ཚད་ནས་ཁ་གཏད་བོད་སྐྱོར་དང་ཤིན་སྐྱོར་གྱི་ལས་དོན་ཡག་པོ་སྒྲུབ་པའི་རང་རྟོགས་ཆེ་རུ་ཏན་ཏིག་གཏོང་དགོས། འདྲི་གཅོད་ལག་བསྟར་གྱི་འགན་འཁྲི་དང་ལས་དོན་གཙོ་བོར་དམིགས་ནས“ཁྲིམས་ལྟར་བོད་སྐྱོང”དང“ཁྲིམས་ལྟར་ཤིན་སྐྱོང”གི་ལས་དོན་དོན་ཐོག་ཏུ་འཁྱོལ་བར་སྐུལ་འདེད་གཏོང་དགོས། དངོས་ཟོག་སྒྲིག་ཆས་ཀྱི་རོགས་སྐྱོར་དང་རྨང་གཞིའི་སྒྲིག་བཀོད་འཛུགས་སྐྲུན་སོགས“མངོན་འབྲས”ཀྱི་རྨང་གཞིའི་ཐོག་འདྲི་གཅོད་ཀྱི་འདུ་ཤེས་དང་། ཁྲིམས་འཛིན་གྱི་འཇོན་ནུས། བསམ་པའི་ཉམས་འགྱུར་བཅས་སྒྱུར་བར་སྐུལ་འདེད་གཏོང་བའི“སྦས་འབྲས”ཀྱི་ལས་དོན་ལ་དེ་བས་མཐོང་ཆེན་བྱས་ཏེ། རོགས་སྐྱོར་བྱ་ཡུལ་ཁྲིམས་ཁང་འཕེལ་རྒྱས་གཏོང་བའི་ནང་སྐྱེས་སྒུལ་ཤུགས་ཆེ་རུ་གཏོང་དགོས།
ཀྲང་ཅུན་གྱིས་ནན་བཤད་གནང་དོན། ཁ་གཏད་བོད་སྐྱོར་དང་ཤིན་སྐྱོར་གྱི་གཙོ་གནད་ནི“ཁ་གཏད”ལ་ཐུག་ཡོད། ཁ་གཏད་བོད་སྐྱོར་དང་ཤིན་སྐྱོར་གྱི་འགག་རྩར་དམ་འཛིན་བྱས་ནས་གནད་ལ་འཁེལ་པོས་ཤུགས་རྒྱག་དགོས། རོགས་སྐྱོར་བྱ་ཡུལ་ས་ཁུལ་གྱི་འཐབ་ཇུས་ཀྱི་ངེས་གནས་དང་སྒྱུར་བཅོས་འཕེལ་རྒྱས་ཀྱི་དགོས་མཁོ་གཞི་རྩར་བཟུང་སྟེ་འདྲི་གཅོད་ལས་སྒོའི་རོགས་སྐྱོར་ལ་བརྟེན་ནས་སྤུས་འབྲས་ལེགས་གཉེར་ལ་སྐུལ་འདེད་གཏོང་བ་དང་ཁྲིམས་ཁང་གིས་སྤྱི་ཡོངས་ལ་ཞབས་འདེགས་ཞུ་བའི་ནུས་པ་དང་ཆུ་ཚད་མཐོ་རུ་གཏོང་དགོས། གཉིས་ཀར་ཕན་པ་དང་ཕན་པ་མང་བ། ཀུན་ལ་ཕན་པ་བཅས་ཀྱི་འདུ་ཤེས་ཐོག་ནས་ཤེས་ལྡན་པའི་རིག་སྟོབས་རོགས་སྐྱོར་ལེགས་སུ་གཏོང་བ་དང་ཕུལ་བྱུང་ན་གཞོན་ལས་བྱེད་པ་རོགས་སྐྱོར་བྱ་ཡུལ་ས་ཁུལ་དུ་སྦྱོང་བརྡར་དང་འཇོན་ནུས་འཕེལ་བར་བཏང་ནས་རོགས་སྐྱོར་བྱ་ཡུལ་ཁྲིམས་ཁང་གི་ཁྲིམས་དཔོན་གྱི་འཇོན་ཐང་དང་བྱང་ཚད་མཐོ་རུ་གཏོང་བར་སྐུལ་ཁྲིད་བྱེད་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་དེ་རིག་གནས་འཚོ་བའི་རོཊ་སྐྱོར་ཁྲོད་ཁྱབ་པ་དང་རོགས་སྐྱོར་བྱ་ཡུལ་ཁྲིམས་ཁང་གི་འདྲི་གཅོད་ལག་བསྟར་ལས་དོན་ཁྲོད་ཁྱབ་པར་བྱས་ཏེ། རིམ་བཞིན་ཤུཊ་རྐྱེན་ཐེབས་པའི་ཁྲོད་མི་རིཊ་མཐུན་སྒྲིལ་གྱི་བསམ་བློ་དང་རིག་གནས་ཀྱི་རྨང་གཞི་བརྟན་དུ་གཏོང་དགོས། མཉེན་ཆས་དང་མཁྲེགས་ཆས་འཛུགས་སྐྲུན་དང་གྲངས་གཞིའི་བསམ་གཞིག་ལེགས་སུ་གཏོང་བར་སྤྱི་འདོམས་བྱས་ཏེ་ཆ་འཕྲིན་ཅན་འཛུགས་སྐྲུན་གྱི་རོགས་སྐྱོར་ལ་བརྟེན་ནས་རོགས་སྐྱོར་བྱ་ཡུལ་ཁྲིམས་ཁང་གི་འཕེལ་རྒྱས་ལ་སྒུལ་ཤུགས་ཆེན་པོ་སྣོན་དགོས།
ཝང་ཅུན་ཀྲེང་གིས་དུས་རབས་གསར་པ་དང་རྒྱང་ལམ་གསར་པར། ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལག་ལེན་ལ་སྐུལ་འདེད་གཏོང་བར་བོད་ཀྱི་མི་རིགས་ཁག་གི་མི་དམངས་ཀྱིས་རྒྱུན་སྲིང་ལྷོད་མེད་ངང་དཀའ་སྤྱད་འབད་འཐབ་བྱེད་དགོས་ལ། ཏང་ཀྲུང་དབྱང་གི་བྱམས་བརྩེའི་ཐུགས་ཁུར་དང་རྒྱལ་ཡོངས་མི་དམངས་ཀྱི་རྒྱབ་སྐྱོར་ཤུགས་ཆེན་དང་དེ་བས་ཁ་འབྲལ་ཐབས་མེད། ཆེས་མཐོའི་མི་དམངས་ཁྲིམས་ཁང་གིས་བོད་ཀྱི་ཁྲིམས་ཁང་གི་ལས་དོན་ལ་མུ་མཐུད་མཛུབ་ཁྲིད་དང་རོགས་རམ་བྱེད་ཤུགས་ཆེ་རུ་གཏོང་བ་དང་རྒྱལ་ཡོངས་ཁྲིམས་ཁང་ཁོངས་གཏོགས་ཀྱིས་བོད་སྐྱོར་ལས་དོན་སྤེལ་ཤུགས་སྔར་བས་ཆེ་རུ་བཏང་ནས་བོད་ཀྱི་ཁྲིམས་ཁང་ལས་དོན་གྱི་སྤྱི་ཡོངས་ཆུ་ཚད་མཐོ་རུ་གཏོང་རྒྱུའི་རེ་བ་ཡོད། བོད་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་མཐའ་འཁྱོངས་དང་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལ་བརྟེན་ནས་ལས་དོན་སྤྱི་ཡོངས་ལ་གཅིག་འདོམས་མཐའ་འཁྱོངས་བྱེད་པ་དང་། ཁ་གཏད་བོད་སྐྱོར་ལས་དོན་གྱི་ཚོགས་འདུ་ཐེངས་བཞི་པའི་དགོངས་དོན་ལག་བསྟར་དོན་འཁྱོལ་ནན་ཏན་བྱེད་པ། ཉམས་མྱོང་ཕྱོགས་སྡོམ་དང་ཡང་འབད་བསྐྱར་འབད་བཅས་བྱས་ཏེ། ཁྲིམས་ཁང་ཁོངས་གཏོགས་ཀྱི་བོད་སྐྱོར་ལས་དོན་ལ་རྒྱུན་ཆད་མེད་པར་ཕན་འབྲས་གསར་པ་ཐོན་རྒྱུར་སྐུལ་འདེད་ཧུར་ཐག་བཏང་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་ཧུར་ཐག་བྱེད་ཀྱི་ཡིན་ཞེས་གསུངས་པ་རེད།