འདི་ནི་མེ་ཟོན་རུ་མིས་སློབ་མར་མེ་ཟོན་སྒྲིག་ཆས་བེད་སྤྱོད་བྱེད་སྟངས་སློབ་བཞིན་པ།

འདི་ནི་མེ་ཟོན་རུ་མིས་སློབ་མར་མེ་ཟོན་བདེ་འཇགས་ཀྱི་ཤེས་བྱ་འཆད་ཁྲིད་བྱེད་བཞིན་པ།

དབྱར་ཁའི་གུང་གསེང་གི་མེ་ཟོན་བདེ་འཇགས་དྲིལ་བསྒྲགས་སློབ་གསོའི་ལས་དོན་ལ་སྐུལ་འདེད་གཏིང་ཟབ་བཏང་ནས་ལོ་ཆུང་བྱིས་པའི་མེ་ཟོན་བདེ་འཇགས་ཀྱི་འདུ་ཤེས་དང་རང་འགོག་རང་སྐྱོབ་ཀྱི་ནུས་པ་ཆེ་རུ་གཏོང་བ་དང་དབྱར་ཁའི་གུང་གསེང་གི་མེ་ཟོན་བདེ་འཇགས་ཁོར་ཡུག་བཟང་པོ་གཏོད་ཆེད།　ཉེ་ཆར་མངའ་རིས་ས་ཁུལ་གྱི“གངས་ལྗོངས་ཀྱི་ཕུབ་སྔོན།　མེ་ཟོན་དྲིལ་བསྒྲགས་སློབ་གསོའི་འཆད་ཁྲིད་ཚོགས་པ”ཡིས་གུང་གཞོན་སྡེ་ཚོགས་ས་ཨུད་དང་།　ས་ཁུལ་ལྷག་བསམ་རྣམ་དག་སྤྱི་ཚོགས་ལས་དོན་ཞབས་ཞུ་ལྟེ་གནས།　སྒར་རྫོང་སེང་གེ་ཁ་འབབ་གྲོང་རྡལ་སྤྱི་ཚོགས་ལས་དོན་ཞབས་ཞུ་ས་ཚིགས་བཅས་དང་མཉམ་འབྲེལ་ཐོག་གཞོན་ནུ་ལོ་ཆུང་9མངའ་རིས་ས་ཁུལ་གྱི་མེ་ཟོན་རོགས་སྐྱོབ་ཚན་རིག་ཁྱབ་གདལ་སློབ་གསོའི་རྟེན་གཞིར་ལྟ་སྐོར་དང་ཞིབ་སྦྱོང་ལ་བསྐྱོད་རྒྱུའི་སྒྲིག་འཛུགས་བྱས་ཡོད།

བྱེད་སྒོའི་རིང་མངའ་རིས་ས་ཁུལ་གྱི“གངས་ལྗོངས་ཀྱི་ཕུབ་སྔོན།　མེ་ཟོན་དྲིལ་བསྒྲགས་སློབ་གསོའི་འཆད་ཁྲིད་ཚོགས་པའི”དྲིལ་བསྒྲགས་པས་སློབ་མ་ཚོའི་སྣེ་ཁྲིད་དེ་འགྲེམས་ཁང་ཁག་ཏུ་བསྐྱོད་ནས་མེ་ཟོན་བདེ་འཇགས་ཀྱི་ཤེས་བྱ་དང་།　མེ་གསོད་VRཉམས་ལེན།　འདྲ་བཟོའི་མེ་སྐྱོན་སྲོག་ཉེན་ལས་ཐར་ཐབས།　“119”འདྲ་བཟོའི་ཉེན་བརྡ།　མེ་གསོད་སྒྲིག་ཆས་བེད་སྤྱོད་བྱེད་སྟངས་སོགས་དེང་རབས་ཅན་གྱི་ཚན་རྩལ་མཐོ་བའི་འདྲ་བཟོའི་སྒྲིག་ཆས་སྣ་ཚོགས་ལ་འགྲེལ་བཤད་གཏིང་ཟབ་བརྒྱབ་པས།　ལྟ་སྐོར་བྱེད་མཁན་དགེ་སློབ་ཚོའི་ཉམས་ལེན་གྱི་སྤྲོ་སེམས་རབ་ཏུ་འཕེལ་ཡོད།　གོམ་སྟབས་རྗེས་མར་རྒྱ་ཆེའི་གྲོང་མི་མང་ཚོགས་དེ་བས་མང་བ་མེ་ཟོན་རུ་ཁག་དང་ས་ཚིགས་སུ་ཁྲིད་དེ“གཅིག་འཐུས་རྣམ་པའི”མེ་ཟོན་ཉམས་ལེན་བྱས་པ་ལས།　རྒྱ་ཆེའི་མང་ཚོགས་ཀྱིས་མེ་ཟོན་ཤེས་བྱ་ཤེས་རྟོགས་དང་མེ་ཟོན་ལ་དོ་ཁུར་ཆེན་པོ་བྱེད་པ་བྱ་རྒྱུ་ཡིན་པ་རེད།