ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་དོག་སྡེ་ཁྲོམ་གཞུང་གིས་བོད་རང་སྐྱོང་ལྗོངས་ཉེན་རྟོག་དཔོན་མཐོ་རིམ་ཆེད་ཚན་སློབ་གྲྭའི་དགེ་རྒན་རྡོ་རྗེ་རབ་བརྟན་དམིགས་སུ་གདན་དྲངས་ཏེ“ཏང་ཡོན་ལས་བྱེད་པའི་ཁྲིམས་སྐྱོང་བྱང་ཚད་མཐོ་རུ་བཏང་ནས་ཁྲིམས་སྐྱོང་སྤྱི་ཚོགས་འཛུགས་སྐྱོང་ལ་རོགས་རམ་བྱེད”ཅེས་པ་བརྗོད་དོན་གཙོ་བོར་བྱས་པའི་ཁྲིམས་སྐྱོང་དྲིལ་བསྒྲགས་ཀྱི་ཆེད་དོན་འཆད་ཁྲིད་བྱས་པ་རེད།

འཆད་ཁྲིད་བྱེད་རིང་། རྡོ་རྗེ་རབ་བརྟན་གྱིས་གོ་བདེ་ཤེས་སླའི་སྐད་ཆའི་ཐོག་ནས་དཔེ་མཚོན་གྱོད་དཔེ་དང་ཟུང་འབྲེལ་བྱས་ཏེ་གཉེན་སྒྲིག་ཁྱིམ་ཚང་དང་། རྒྱུ་དངོས་བདག་དབང་སྲུང་སྐྱོང་། ཁེ་དབང་ལ་བཙན་གནོད་བཏང་བའི་འགན་འཁྲི་སོགས་རྒྱུན་གཏན་འཚོ་བའི་ནང་གི་གནད་དོན་ལ་འགྲེལ་བཤད་ཞིབ་ཕྲ་བརྒྱབ་སྟེ་ཚང་མས་ཁྲིམས་ལྟར་བྱ་བ་སྒྲུབ་པ་དང་ཁྲིམས་མཐུན་གྱི་ཐབས་ལམ་བརྒྱུད་རང་ངོས་ཀྱི་ཁྲིམས་མཐུན་ཁེ་དབང་སྲུང་སྐྱོང་བྱེད་དགོས་པའི་རེ་འབོད་བྱས་པ་རེད།