འདི་ནི་མེ་ཟོན་རུ་མིས་སློབ་མར་གནོད་འཚེ་སྔོན་འགོག་དང་ཉུང་གཏོང་གི་ཤེས་བྱ་གསལ་འགྲེལ་བྱེད་བཞིན་པ།

འདི་ནི་སློབ་མ་ཚོས་མེ་གསོད་ཡོ་བྱད་སྤྱོད་སྟངས་ཉམས་ལེན་བྱེད་བཞིན་པ།

ཉེ་ཆར། བོད་ལྗོངས་ཉིང་ཁྲི་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་གིས་གདན་ཞུས་ལྟར་ཉིང་ཁྲི་གྲོང་ཁྱེར་བརྒྱད་གཅིག་སློབ་འབྲིང་དུ་བསྐྱོད་ནས“སློབ་གྲྭར་མེ་སྐྱོན་སྔོན་འགོག་དྲིལ་བསྒྲགས”ཀྱི་བྱེད་སྒོ་སྤེལ་བ་རེད།

ད་རེས་ཀྱི་བྱེད་སྒོ་སྤེལ་བ་ལས་སློབ་མ་ཚོས་ནགས་ཚལ་མེ་སྐྱོན་གྱི་གནོད་འཚེར་ངོས་འཛིན་ཐུབ་ནས་ནགས་ཚལ་གྱི་མེ་སྐྱོན་སྔོན་འགོག་གི་རྒྱུན་ཤེས་སྦྱངས་པ་དང་། རྒན་པས་ཆུང་བ་ཁྲིད་པའི་མཉམ་འགུལ་གྱི་ཕན་འབྲས་འདོན་སྤེལ་གང་ལེགས་བྱས་ཡོད། གོམ་སྟབས་རྗེས་མར་ཉིང་ཁྲི་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་གིས་སློབ་གྲྭའི་དབར་གྱི་མཉམ་ལས་ལ་ཤུགས་སྣོན་རྒྱག་པ་དང་ནགས་ཚལ་གྱི་མེ་སྐྱོན་སྔོན་འགོག་གི་ཚན་རིག་ཁྱབ་གདལ་གྱི་དྲིལ་བསྒྲགས་སློབ་གསོ་ཤུགས་ཆེར་བཏང་ནས་སློབ་གྲྭའི་མེ་ཟོན་དྲིལ་བསྒྲགས་ཀྱི་ནུས་པ་རྒྱུན་ཆད་མེད་པར་ཆེ་རུ་བཏང་སྟེ། བཅའ་སྡོད་བྱ་ཡུལ་གྱི་ནགས་ཚལ་གྱི་མེ་སྐྱོན་སྔོན་འགོག་གི་བདེ་འཇགས་དུས་བབ་བརྟན་པོ་ཡོང་ཆེད་གཡས་གཞོགས་གཡོན་འདེགས་བྱ་རྒྱུ་རེད།