གཞིས་རྩེ་གྲོང་ཁྱེར་ཁང་དམར་རྫོང་གིས“རང་སྐྱོང་ལྗོངས་རིམ་པའི་རྒྱལ་གཅེས་རིང་ལུགས་སློབ་གསོའི་རྟེན་གཞིའི”སྒོ་བྱང་འགེལ་བའི་མཛད་སྒོ་འཚོགས་པ།
ཉེ་ཆར། གཞིས་རྩེ་གྲོང་ཁྱེར་ཁང་དམར་རྫོང་གིས་གནས་རྙིང་དུས་རབས་གསར་པའི་རྒྱལ་གཅེས་རིང་ལུགས་སློབ་གསོའི་རྟེན་གཞིར“རང་སྐྱོང་ལྗོངས་རིམ་པའི་རྒྱལ་གཅེས་རིང་ལུགས་སློབ་གསོའི་རྟེན་གཞིའི”སྒོ་བྱང་འགེལ་བའི་མཛད་སྒོ་འཚོགས་ཏེ། གསར་བརྗེའི་ས་བོན་རྒྱུན་འཛིན་དང་ཁྲག་རྒྱུན་རྒྱུན་མཐུད་ཀྱིས་མི་རིགས་ཁག་གི་ལས་བྱེད་པ་དང་མང་ཚོགས་ཀྱིས་འབད་འབུངས་མདུན་སྐྱོད་དང་དཔའ་ངར་ཆེན་པོས་མདུན་སྐྱོད་བྱས་ཏེ། ཁང་དམར་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཚ་ཚ་འུར་འུར་གྱི་ལག་ལེན་ནང་ཧུར་ཐག་ཞུགས་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱ་ཆེད་ལེགས་སྐྱེས་གསར་པ་འབུལ་རྒྱུའི་ལྕག་སྐུལ་བྱས་པ་རེད།
ཤེས་རྟོགས་བྱུང་བར་གཞིགས་ན། གནས་རྙིང་དུས་རབས་གསར་པའི་རྒྱལ་གཅེས་རིང་ལུགས་སློབ་གསོའི་རྟེན་གཞི་ནི་1904ལོར་བོད་ཀྱི་དམག་དམངས་ཀྱིས་དབྱིན་ཇིའི་མི་སེར་སྤེལ་མཁན་གྱི་བཙན་འཛུལ་ལ་འགོག་རྒོལ་བྱས་ནས་རྒྱལ་ཁབ་ཀྱི་ཆེད་དུ་རང་སྲོག་བློས་བཏང་བའི་སྔོན་གཤེགས་དཔའ་བོར་དྲན་གསོ་ཞུ་ཆེད་བཙུགས་པ་ཞིག་རེད། གནས་རྙིང་ཆོས་སྡེ་དགོན་གྱི་འགོག་རྒོལ་དམག་འཐབ་སྐབས་སུ། ས་གནས་དེ་གའི་དམག་དམངས་དང་དགོན་སྲུང་དགེ་འདུན་པ་ཚོས་དགོན་པ་གཏོར་བརླག་དང་མི་སྣ་འཆི་རྨས་ཀྱི་ཉེན་ཁར་མ་འཛེམས་པར་གོ་མཚོན་ལེགས་པའི་དབྱིན་ཇིའི་དམག་དཔུང་དང་ཤི་གསོན་གྱི་འཐབ་འཛིང་བྱས་ཏེ། རྒྱལ་གཅེས་ཀྱི་བསམ་པ་དང་ལྷད་མེད་ཀྱི་བརྩེ་སེམས་ལ་བརྟེན་ནས་རྒྱལ་ཁབ་ཀྱི་བདེ་འཇགས་བརྟན་པོར་བསྲུངས་པ་མ་ཟད། ཁྲག་དྲོན་དང་ཚེ་སྲོག་ལ་བརྟེན་ནས་རྒྱལ་ཁབ་ཀྱི་མངའ་ཁོངས་བདག་དབང་སྲུང་སྐྱོང་བྱས་ཡོད།