འདི་ནི་དྲ་རྒྱའི་བདེ་འཇགས་སྲུང་སྐྱོང་གི་ནང་སྦྱོང་སྣེའུ་ཁུལ་གསར་རྒྱལ་སྤྱིའི་སྤྱི་ཁྱབ་གྲོང་དུ་དངོས་སུ་འགོ་ཚུགས་པ།

འདི་ནི་དྲ་རྒྱའི་བདེ་འཇགས་རྩལ་ནུས་འགྲན་བསྡུར་ཆེ་མོ་དང་དྲ་རྒྱའི་བདེ་འཇགས་སྲུང་སྐྱོང་གི་ནང་སྦྱོང་འགོ་ཚུགས་མཛད་སྒོ་གཉེར་ཡུལ་ཡིན་པ།

ཉེ་ཆར་2024ལོའི་དྲ་འཕྲིན། ཇོ་མོ་གླང་མའི་དྲ་རྒྱའི་བདེ་འཇགས་འགོག་སྲུང་རྩལ་ནུས་འགྲན་བསྡུར་ཆེ་མོ་དང་དྲ་རྒྱའི་བདེ་འཇགས་སྲུང་སྐྱོང་གི་ནང་སྦྱོང་ལྷ་སའི་གནས་མཆོག་ཀྲོའུ་ཅི་གསོལ་མགྲོན་ཁང་ཆེ་མོར་འགོ་ཚུགས་པ་རེད།

ད་ཐེངས་ཀྱི་བྱེད་སྒོར་རང་སྐྱོང་ལྗོངས་ཞིབ་དཔྱོད་ཁང་དང་། བོད་ལྗོངས་ཉིང་སོན་ཚན་རྩལ་ཚོགས་པ་ཚད་ཡོད་ཀུང་སི། བོད་ལྗོངས་སློབ་ཆེན་སོགས་ཚན་པ་46དང་བདམས་ཐོན་པ་200ལྷག་ཙམ་ཞུགས་ཡོད་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་དྲ་རྒྱའི་བདེ་འཇགས་འགོག་སྲུང་རྩལ་ནུས་འགྲན་བསྡུར་དེ་དྲ་ཕྱིའི་འདེམས་སྒྲུག་འགྲན་བསྡུར་དང་དྲ་ཕྱིའི་རྒྱལ་ཕམ་ཐག་གཅོད་འགྲན་བསྡུར་གྱི་རྣམ་པའི་ཐོག་ནས་སྤེལ་བ་དང་འགྲན་བསྡུར་གྱི་ནང་དོན་ལ་རིཌ་པའི་གཞུང་ལུགས་ཤེས་བྱའི་འགྲན་བསྡུར་དང་མི་སྒེར་གྱི་CTFགཉིས་སུ་དབྱེ་ཡོད།

རྒྱལ་ཕམ་ཐག་གཅོད་ཀྱི་འགྲན་བསྡུར་ནང་ལས་ཁུངས་དང་ཚན་པའི་ཚོགས་ཆུང་དང་། ཁེ་ལས་ཚོགས་ཆུང་། མཐོ་སློབ་ཚོགས་ཆུང་བཅས་སུ་བགོས་པ་དང་བདམས་ཐོན་པའི་གྲུབ་འབྲས་མཐོ་དམན་ལ་གཞིགས་ནས་བྱ་དགའ་ཨང་དང་པོ་1དང་། བྱ་དགའ་ཨང་གཉིས་པ་2 བྱ་དགའ་ཨང་གསུམ་པ་3 ཕུལ་བྱུང་བྱ་དགའ་5བཅས་འདེམས་རྒྱུ་དང་། ལས་ཁུངས་དང་ཚན་པའི་ཚོགས་ཆུང་དང་ཁེ་ལས་ལས་ཁུངས་ཚོགས་ཆུང་གི་ཨང་དང་པོ་ཐོབ་མཁན་ལ་སྤྱི་ཁྱབ་བཟོ་ཚོགས་ཀྱིས་ཞིབ་དཔྱད་ཆོག་འཐུས་བྱས་རྗེས། ལོ་འཁོར་རྗེས་མའི“བོད་ཀྱི་ལྔ་གཅིག་ངལ་རྩོལ་གཟེངས་རྟགས”ཀྱི་འོས་མིར་མི་གཅིག་འོས་སྦྱོར་བྱེད་ཆོག་པ་དང་། ལས་ཁུངས་དང་ཚན་པ་དང་། ཁེ་ལས། མཐོ་སློབ་བཅས་ཀྱི་ཚོགས་ཆུང་ཁག་གི་ཨང་དང་པོར་མི་སྤྱི་ཐིང་གིས་ཞིབ་དཔྱད་ཆོག་འཐུས་བྱས་རྗེས། “བོད་རང་སྐྱོང་ལྗོངས་ཀྱི་ལག་རྩལ་མཁས་པའི”འོས་མིའི་མཚན་སྙན་སྤྲོད་རྒྱུ། མཐོ་སློབ་ཚོགས་ཆུང་གི་བྱ་དགའ་ཐོབ་པའི་སློབ་མར་གུང་གཞོན་སྡེ་ཚོགས་ལྗོངས་ཨུ་ལྷན་གྱིས་སྒྲིག་འཛུགས་བྱས་པའི་འབྲེལ་ཡོད་གཟི་བརྗིད་དཔྱད་འདེམས་ནང་ཞུགས་རྒྱུར་སྔོན་ལ་འོས་སྦྱོར་བྱེད་པ་མ་ཟད། སྐད་གྲགས་ཆེ་བའི་དྲ་རྒྱའི་བདེ་འཇགས་ཁེ་ལས་སུ་དངོས་སྦྱོང་བྱེད་རྒྱུའི་གོ་སྐབས་ཀྱང་སྤྲོད་རྒྱུ་རེད།