ཉེ་ཆར་ཕོ་བྲང་པོ་ཏ་ལའི་མེ་ཟོན་རོགས་སྐྱོབ་རུ་ཆེན་གྱིས་ཕོ་བྲང་པོ་ཏ་ལ་དོ་དམ་ཁྲུའུ་དང་ཐང་ཆེན་མངགས་གཏོང་ཁང་དང་མཉམ་དུ“སྒྲིག་ཁྲིམས་སྦྱོང་བ་དང་སྒྲིག་ཁྲིམས་ཤེས་པར་བྱས་ནས་ཏང་གཤིས་ལ་ཞུན་བརྡར་གཏོང་བ་དང་། སྒྲིག་ཁྲིམས་དམ་དུ་གཏོང་བ་དང་སྒྲིག་ཁྲིམས་བསྲུངས་ནས་ཐོག་མའི་བསམ་འདུན་བརྟན་དུ་གཏོང་བའི”ཤེས་བྱའི་འགྲན་བསྡུར་བྱས་པ་རེད། འགྲན་བསྡུར་རིང་ཏང་གི་ལོ་རྒྱུས་དང་། ཏང་གི་སྒྲིག་ཁྲིམས་སྒྲིག་སྲོལ། 《སྲོལ་ཡིག》གསལ་འགྲེལ། མེ་ཟོན་བདེ་འཇགས་ཤེས་བྱ་སོགས་ཀྱི་ཐད་ལ་དམིགས་པ་དང་། དེ་ནི་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་རྣམ་པ་ཕུན་སུམ་ཚོགས་སུ་གཏོང་བའི་གསོན་ཉམས་ལྡན་པའི་ལག་ལེན་ཞིག་ཡིན་ཞིང་། ཏང་ཡོན་ལས་བྱེད་པའི་སློབ་སྦྱོང་གི་ཧུར་བརྩོན་རང་བཞིན་སྐུལ་སློང་བྱས་ཏེ་འགྲན་བསྡུར་ལ་བརྟེན་ནས་སློབ་སྦྱོང་ལ་སྐུལ་འདེད་གཏོང་བ་དང་སློབ་སྦྱོང་ལ་བརྟེན་ནས་ལས་ཀར་སྐུལ་འདེད་གཏོང་བའི་ཕན་འབྲས་ཐོན་ཡོད། དེ་དང་ཆབས་ཅིག་ཕོ་བྲང་པོ་ཏ་ལའི་མེ་ཟོན་རོགས་སྐྱོབ་རུ་ཆེན་གྱི་བཀོད་འཐབ་པ་ཚོའི་ཉམས་འགྱུར་དང་འཇོན་ཐང་མངོན་ནས་དཔུང་ཁག་གི་གོང་བུ་སྒྲིལ་ཤུགས་དང་འཐབ་འཛིང་ནུས་པ་ཆེ་རུ་ཕྱིན་པ་རེད།