མལ་གྲོ་གུང་དཀར་རྫོང་གུང་དཀར་གྲོང་རྡལ་གྱིས“དྲ་རྒྱ+མེ་ཟོན”གྱི་གཞི་རིམ་བཅོས་སྐྱོང་བྱེད་སྟངས་གསར་པ་འཚོལ་ཞིབ་བྱས་པ།
འདི་ལོ་ཚུན་དུ། མལ་གྲོ་གུང་དཀར་རྫོང་གུང་དཀར་གྲོང་རྡལ་གྱིས“1+4+Ｘ”དྲ་མིག་སྟོབས་ཤུགས་བཀོད་སྒྲིག་དེ་དམ་འཛིན་བྱ་གཞིར་བྱས་ནས“དྲ་མིག+མེ་ཟོན”གྱི་གཞི་རིམ་བཅོས་སྐྱོང་བྱེད་སྟངས་གསར་པ་འཚོལ་ཞིབ་ཧུར་ཐག་བྱས་ཤིང་། དྲ་མིག་ཅན་གྱི་ཞབས་ཞུའི་དོ་དམ་དང་མེ་ཟོན་བདེ་འཇགས་ལས་དོན་མཉམ་འདྲེས་གཏིང་ཟབ་ཡོང་བར་སྐུལ་འདེད་བཏང་བ་དང་། འབྱུང་རྩ་བཅོས་སྐྱོང་དང་མཉམ་འགུལ་བཅོས་སྐྱོང་ལ་ཤུགས་སྣོན་བརྒྱབ་ནས་མེ་ཟོན་བདེ་འཇགས་ཀྱི་མངོན་མེད་རྐྱེན་ངན་སྣ་ཚོགས་དུས་ཐོག་ཏུ་སེལ་ཏེ། དྲ་མིག་འཕྲལ་སྡོམ་གྱི་ཐག་གཅོད་ནུས་པ་སྔར་བས་ཆེ་རུ་བཏང་ནས་ཁོངས་གཏོགས་ཁུལ་གྱི་ཡུལ་མིའི་ཚེ་སྲོག་དང་རྒྱུ་ནོར་བདེ་འཇགས་སྲུང་སྐྱོང་བྱས་ཡོད།
དྲིལ་བསྒྲགས་དང་གསོ་སྦྱོང་གཉིས་ཀར་སྐུལ་འདེད་བཏང་ནས་མེ་ཟོན་བདེ་འཇགས་ཀྱི་ཁ་གཏད་གཅོག་ནུས་ཆེ་རུ་བཏང་ཞིང་། མལ་གྲོ་གུང་དཀར་རྫོང་གུང་དཀར་གྲོང་རྡལ་གྱིས“རྒྱུན་རྣམ་ཅན་གྱི་ཞིབ་བཤེར+སིམ་འཛུལ་རྣམ་པའི་དྲིལ་བསྒྲགས”ཀྱི་ལས་སྒྲུབ་བྱེད་སྟངས་ལ་བརྟེན་ནས། མེ་ཟོན་བདེ་འཇགས་ཤེས་བྱ་ཁྱོན་ཡོངས་ནས་ཁྱབ་གདལ་བཏང་བ་མ་ཟད། གྲོང་ཚོའི(གྲོང་ལྷན)དྲ་མིག་པ་དང་། དྲ་མིག་མི་དམངས(ལས་རོགས)ཉེན་རྟོག་པ། འགན་འཁྲི་གཙང་ལེན་གྱི་ལས་བྱེད་པ། “འབྱོར་ཐོ་གཉིས”ཀྱི་ལས་ཐོག་ཏང་ཡོན་དང་དེ་བཞིན་གཙོ་གནད་ལས་རིགས་ཁྱབ་ཁོངས་ཀྱི་འགན་འཁུར་བ་བཅས་དུས་བཀག་ནང་སྒྲིག་འཛུགས་བྱས་ནས། མེ་ཟོན་བདེ་འཇགས་ཤེས་བྱའི་གསོ་སྦྱོང་དང་འཕྲལ་སྡོམ་ནང་སྦྱོང་ནང་ཞུགས་ཡོད་པ་རེད།