བཟའ་བཅའི་བདེ་འཇགས་ནི་གཞི་རྩའི་དམངས་འཚོའི་གནད་དོན་གལ་ཆེན་ཞིག་རེད། ཉེ་བའི་ལོ་ཤས་རིང་། ལྷ་ས་གྲོང་ཁྱེར་ཁྲོམ་ར་ལྟ་འདོམས་སྡེ་ཚན་གྱིས་ཐོག་མཐའ་བར་གསུམ་དུ་མི་དམངས་ཀྱི་་ཕྱོགས་སུ་ལངས་ནས“དམངས་ཀྱི་ཆེད་དུ་ལྟ་འདོམས་བྱེད་པའི”འདུ་ཤེས་ཞིབ་ཕྲའི་བྱ་སྤྱོད་ཐོག་དོན་འཁྱོལ་ཧུར་ཐག་བྱས་ཏེ་བཟའ་བཅའི་བདེ་འཇགས་ལས་དོན་དེ་མང་ཚོགས་ཉེ་འགྲམ་གྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་བྱེད་པའི་འགོ་འཛུགས་ས་དང་དོན་ལ་བབས་སར་བརྩིས་ཏེ། བཟའ་བཅའི་ཁྲིམས་འགལ་དཔེ་མཚོན་གྱོད་གཞི་ཞིབ་བཤེར་ཐག་གཅོད་ནན་པོ་བྱས་ནས་སྤྱི་ཚོགས་ཐོག་ཡོངས་བསྒྲགས་ངང་དམར་འདོན་བྱས་པ་རེད།

གྱོད་དཔེ་དང་པོ།

བོད་ཀྱི་སློབ་གྲྭ་ག་གེ་མོས་སྤུས་ཚད་འགན་ལེན་གྱི་དུས་ཡུན་ཡོལ་བའི་ཟས་རིགས་བེད་སྤྱོད་བྱས་པའི་གྱོད་གཞི།

2024ལོའི་ཟླ་5ཚེས་16ཉིན། ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་བོད་ཀྱི་སློབ་གྲྭ་ག་གེ་མོས་སྤུས་ཚད་འགན་ལེན་དུས་ཡུན་ཡོལ་བའི་བཟའ་བཅའ་ཁྲིམས་འགལ་ངང་བེད་སྤྱོད་བྱས་པར་ཁྲིམས་ལྟར་སྲིད་འཛིན་དངུལ་ཆད་སྒོར་85000བཏང་བ་རེད།

2024ལོའི་ཟླ་4ཚེས་15ཉིན། སློབ་གྲྭའི་བཟའ་བཅའི་བདེ་འཇགས་ཆེད་དོན་ལས་དོན་ཁྲོད་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱི་ཁྲིམས་འཛིན་མི་སྣས་བོད་ཀྱི་་སློབ་གྲྭ་ག་གེ་མོར་ས་གནས་ས་ཐོག་ཏུ་ཞིབ་བཤེར་བྱེད་སྐབས་སློབ་གྲྭ་དེའི་ཐབ་ཚང་ནས་དུས་ཡུན་ཡོལ་བའི་བཟའ་བཅའ་ཤེས་རྟོགས་བྱུང་འཕྲལ་ཁྲིམས་ལྟར་བཙན་ཉར་བྱས་པ་དང་འབྲེལ། ས་གནས་ས་ཐོག་གི་ཐོའང་བཀོད་ཡོད། དོ་བདག་གི་བྱེད་སྤྱོད་དེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཟས་རིགས་བདེ་འཇགས་སྐོར་གྱི་བཅའ་ཁྲིམས》ཀྱི་འབྲེལ་ཡོད་གཏན་འབེབས་དང་འགལ་བས་ཁྲིམས་ལྟར་སྲིད་འཛིན་ཆད་པ་གཅོད་དགོས།

གྱོད་དཔེ་གཉིས་པ།

ལྷ་སའི་སློབ་གྲྭ་ག་གེ་མོའི་ཟ་ཁང་འགན་གཙང་ལེན་མཁན་བཟའ་བཏུང་ཁེ་ལས་ཀྱིས་སྤུས་ཚད་འགན་ལེན་གྱི་དུས་ཡུན་ཡོལ་བའི་ཟས་རིགས་བེད་སྤྱོད་བྱས་པའི་གྱོད་གཞི།

2024ལོའི་ཟླ་5ཚེས་15ཉིན། ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་ལྷ་སའི་སློབ་གྲྭ་ག་གེ་མོའི་ཟ་ཁང་འགན་གཙང་ལེན་མཁན་བཟའ་བཏུང་ཁེ་ལས་ཀྱིས་སྤུས་ཚད་འགན་ལེན་གྱི་དུས་ཡུན་ཡོལ་བའི་ཟས་རིགས་བེད་སྤྱོད་བྱས་པའི་ཁྲིམས་འགལ་བྱེད་སྤྱོད་ལ་ཁྲིམས་ལྟར་སྲིད་འཛིན་དངུལ་ཆད་སྒོར་85000བཏང་བ་རེད།

2024ལོའི་ཟླ་4ཚེས་17ཉིན། སློབ་གྲྭའི་བཟའ་བཅའི་བདེ་འཇགས་ཆེད་དོན་ལས་དོན་ཁྲོད་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱི་ཁྲིམས་འཛིན་མི་སྣས་ལྷ་སའི་སློབ་གྲྭ་ག་གེ་མོར་ས་གནས་ས་ཐོག་ཏུ་ཞིབ་བཤེར་བྱེད་སྐབས་སློབ་གྲྭ་དེའི་ཐབ་ཚང་ནས་དུས་ཡུན་ཡོལ་བའི་བཟའ་བཅའ་བེད་སྤྱོད་བྱེད་ཀྱི་ཡོད་པ་ཤེས་རྟོགས་བྱུང་འཕྲལ་ཁྲིམས་ལྟར་བཙན་ཉར་བྱས་པ་དང་འབྲེལ། ས་གནས་ས་ཐོག་གི་ཐོའང་བཀོད་ཡོད། དོ་བདག་གི་བྱེད་སྤྱོད་དེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཟས་རིགས་བདེ་འཇགས་སྐོར་གྱི་བཅའ་ཁྲིམས》ཀྱི་འབྲེལ་ཡོད་གཏན་འབེབས་དང་འགལ་བས་ཁྲིམས་ལྟར་སྲིད་འཛིན་ཆད་པ་གཅོད་དགོས།

གྱོད་དཔེ་གསུམ་པ།

ཚོང་ཁང་ག་གེ་མོས་ཁེ་དབང་ལ་བཙན་གནོད་བཏང་ནས་གྲགས་ཅན་ཨ་རག་དཀར་པོ་“གོ་ཅའོ་1573”རྫུན་མ་བཙོངས་པའི་གྱོད་གཞི།

2024ལོའི་ཟླ་1ཚེས་30ཉིན། ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་ཚོང་ཁང་ག་གེ་མོས་ཁེ་དབང་ལ་བཙན་གནོད་བཏང་ནས་གྲགས་ཅན་ཨ་རག་དཀར་པོ“གོ་ཅའོ་1573”རྫུན་མ་བཙོངས་པའི་ཁྲིམས་འགལ་བྱེད་སྤྱོད་ལ་ཁྲིམས་ལྟར་སྲིད་འཛིན་དངུལ་ཆད་སྒོར་97000བཏང་བ་རེད།

2024ལོའི་ཟླ་1ཚེས་4ཉིན། ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་གྲགས་ཅན་ཨ་རག་དཀར་པོའི་ཁྲོམ་རར་ཞིབ་བཤེར་བྱེད་སྐབས། ལྷ་ཞབས་གླིང་ཕྲན་དུ་ཡོད་པའི་ཚོང་ཁང་ག་གེ་མོས་ཁེ་དབང་ལ་བཙན་གནོད་བཏང་ནས་གྲགས་ཅན་ཨ་རག་དཀར་པོ“གོ་ཅའོ་1573”རྫུན་མ་བཙོངས་པ་ཤེས་རྟོགས་བྱུང་བ་རེད། གསལ་འབྱེད་བྱས་པ་བརྒྱུད། གནད་དོན་དེ་ཁེ་དབང་ལ་བཙན་གནོད་བཏང་བའི་ཐོན་རྫས་རྫུན་མའི་ཁོངས་སུ་གཏོགས་པས། ཁྲིམས་འཛིན་མི་སྣས་ས་གནས་ས་ཐོག་ཏུ་བཙན་ཉར་བྱས་པ་དང་འབྲེལ། ས་གནས་ས་ཐོག་ཏུ་ཐོའང་བཀོད་ཡོད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཚོང་རྟགས་སྐོར་གྱི་བཅའ་ཁྲིམས》ཀྱི་འབྲེལ་ཡོད་གཏན་འབེབས་ལྟར་ཁྲིམས་ལྟར་སྲིད་འཛིན་ཆད་པ་གཅོད་དགོས།