འདི་ནི་སྤྱི་བདེ་མི་དམངས་ཉེན་རྟོག་པས་སློབ་མ་ཚོར་དུག་རྫས་སྔོན་འགོག་གི་ཤེས་བྱ་འགྲེལ་བཤད་རྒྱག་བཞིན་པ།

འདི་ནི་སྤྱི་བདེ་མི་དམངས་ཉེན་རྟོག་པས་སློབ་མ་ཚོར་དུག་རྫས་སྔོན་འགོག་གི་ཤེས་བྱ་འགྲེལ་བཤད་རྒྱག་བཞིན་པ།

འདི་ནི་སྤྱི་བདེ་མི་དམངས་ཉེན་རྟོག་པས་སློབ་མ་ཚོར་དུག་རྫས་སྔོན་འགོག་གི་ཤེས་བྱ་འགྲེལ་བཤད་རྒྱག་བཞིན་པ།

སློབ་གྲྭར་དུག་འགོག་དྲིལ་བསྒྲགས་བྱེད་ཤུགས་སྔར་བས་ཆེ་རུ་བཏང་ནས་དུག་འགོག་དྲིལ་བསྒྲགས་ཀྱི་གླེང་ཕྱོགས་དང་ཁོར་ཡུག་ཡག་པོ་བསྐྲུན་ཏེ་དུག་རྫས་གསར་པས་གཞོན་ནུ་ལོ་ཆུང་ལ་གནོད་སྐྱོན་གཏོང་བར་འགོག་ཟོན་བྱ་ཆེད། ཟླ་6ཚེས་26ཉིན། ལྷ་ས་གྲོང་ཁྱེར་མལ་གྲོ་གུང་དཀར་རྫོང་སྤྱི་བདེ་ཅུས་དུག་འགོག་རུ་ཆེན་གྱིས་རྒྱ་མ་ཤང་མངགས་གཏོང་ཁང་དང་མཉམ་དུ་རྒྱ་མ་ཤང་ལྟེ་བའི་སློབ་ཆུང་གི་སློབ་མ་30ལྷག་ཙམ་སྒྲིག་འཛུགས་བྱས་ཏེ་རྫོང་སྤྱི་བདེ་ཅུས་དུག་འགོག་ཉེན་བརྡའི་སློབ་གསོའི་རྟེན་གཞིར་གསོན་ཉམས་དོད་པའི་དུག་འགོག་དྲིལ་བསྒྲགས་ཀྱི་བཅའ་ཁྲིམས་ཁྱབ་གདལ་བྱེད་སྒོ་ཞིག་སྤེལ་བ་རེད།

དུག་འགོག་རྟེན་གཞིའི་འགྲེམས་ཁང་དུ། སློབ་མ་ཚོ་སྤྱི་བདེ་མི་དམངས་ཉེན་རྟོག་པའི་འགྲམ་དུ་འདུས་ནས་དུག་རྫས་ཤེས་བྱའི་འགྲེལ་བཤད་ལ་ནན་ཏན་ཉན་པ་རེད། མི་དམངས་ཉེན་རྟོག་པས་འགྲེམས་ཁང་ནང་གི་པར་རིས་དང་། དངོས་པོ། གྱོད་དཔེ་བཅས་དང་ཟུང་འབྲེལ་བྱས་ནས་སློབ་མ་ཚོར་དུག་རྫས་ཀྱི་རིགས་དང་། གནོད་སྐྱོན། དེ་བཞིན་དུག་འགོག་གི་ཐབས་ཤེས་བཅས་གོ་བདེ་ལ་དོན་ཟབ་པའི་སྒོ་ནས་ངོ་སྤྲོད་བྱས་ནས་སློབ་མ་ཚོར་དུག་འགོག་སློབ་གསོའི་གསོན་ཉམས་ལྡན་པའི་སློབ་ཚན་ཞིག་ཁྲིད་པས། བློ་བདེ་བག་ཕེབས་ཀྱི་རྣམ་པའི་ཁྲོད་སློབ་མ་ཚོས་དུག་རྫས་འགོག་ཟོན་གྱི་ཐབས་ཤེས་དང་ཐབས་རྩལ་ཁོང་དུ་ཆུད་པ་བྱས་པ་དང་། རྒྱ་ཆེའི་གཞོན་ནུ་ལོ་ཆུང་གིས་དུག་རྫས་འདྲ་མིན་ལ་ངོས་འཛིན་དང་ཤེས་རྟོགས་ཐུབ་ཚད་ཆེ་རུ་བཏང་ནས་དུས་བདེའི་སློབ་གྲྭ་དང་དུག་མེད་སློབ་གྲྭ་བསྐྲུན་པར་རྨང་གཞི་བརྟན་པོ་བཏིང་ཡོད།

“དེ་རིང་མལ་གྲོ་གུང་དཀར་རྫོང་སྤྱི་བདེ་ཅུས་ཀྱི་དུག་འགོག་ཉེན་བརྡའི་སློབ་གསོའི་རྟེན་གཞིར་ལྟ་སྐོར་བྱེད་སྐབས། དུག་རྫས་མ་འཐེན་གོང་དང་དུག་རྫས་འཐེན་རྗེས་ཀྱི་མིའི་གདོང་པ་དང་ལུས་པོའི་དབང་པོ་སོགས་ཀྱི་ཁྱད་པར་མང་པོ་མཐོང་བྱུང་ལ། ད་དུང་དུག་རྫས་སྣ་ཁ་མང་པོ་དང་དེའི་གནོད་སྐྱོན་ཤེས་བྱུང་། ངས་སློབ་གྲོགས་ཚོར་ཚེ་སྲོག་ལ་གཅེས་སྤྲས་བྱས་ནས་དུག་རྫས་རིང་དུ་སྤོང་དགོས་པའི་ཁ་ཏ་བསླབ་བྱ་བྱེད་ཀྱི་ཡིན”ཞེས་རྒྱ་མ་ཤང་ལྟེ་བའི་སློབ་ཆུང་གི་ལོ་རིམ་ལྔ་པའི་འཛིན་གྲྭ་གཉིས་པའི་སློབ་མ་ཚེ་རིང་ཆོས་སྒྲོན་གྱིས་གསར་འགོད་པར་བརྗོད། རྟེན་གཞིའི་ནང་གི་ཕུན་སུམ་ཚོགས་པའི་པར་རིས་དང་དཔྱད་གཞིའི་ཡིག་ཆ་ལས་གཞོན་ནུ་ལོ་ཆུང་སློབ་མ་ཚོས་ལྟ་སྐོར་བྱེད་རིང་རང་རྒྱལ་གྱི་དུག་འགོག་ལོ་རྒྱུས་དང་དུག་འགོག་བཅའ་ཁྲིམས་ཁྲིམས་སྲོལ་ཁོང་དུ་གང་ལེགས་ཆུད་པ་དང་རྒྱ་ཆེའི་གཞོན་ནུ་ལོ་ཆུང་སློབ་མ་ཚོར་དུག་རྫས་གང་བྱུང་དུ་འཐེན་པའི་གནོད་སྐྱོན་ཚབས་ཆེན་མྱོང་ཚོར་ཏན་ཏིག་ཐུབ་སྟེ། “དུག་རྫས་འཐེན་མི་འདོད་པ་དང་། དུག་རྫས་འཐེན་མི་ཕོད་པ། དུག་རྫས་འཐེན་མི་རུང་བ”བཅས་ཀྱི་སེམས་ཁམས་ཀྱི་འགོག་སྲུང་འཛིང་རགས་བརྟན་པོ་བསྐྲུནཡོད། “དེ་རིང་ནི་རྒྱལ་སྤྱིའི་དུག་འགོག་ཉིན་མོ་ཡིན་པས་མལ་གྲོ་གུང་དཀར་རྫོང་སྤྱི་བདེ་ཅུས་ཀྱིས་རྒྱ་མ་ཤང་མངགས་གཏོང་ཁང་དང་ཤང་ལྟེ་བའི་སློབ་ཆུང་དང་མཉམ་དུ་སློབ་མ་སྒྲིག་འཛུགས་བྱས་ནས་མལ་གྲོ་གུང་དཀར་རྫོང་སྤྱི་བདེ་ཅུས་ཀྱི་དུག་འགོག་ཉེན་བརྡའི་སློབ་གསོའི་རྟེན་གཞིར་ལྟ་སྐོར་ཁྲིད་པ་ཡིན། དེའི་དམིགས་ཡུལ་ནི་ང་ཚོས་མཉམ་དུ་བྱ་སྤྱོད་སྤེལ་ནས་དུག་རྫས་ལ་ངོས་འཛིན་དང་། དུག་རྫས་ལ་འགོག་ཟོན། དུག་རྫས་མི་འཐེན་པ་བཅས་ཀྱི་དམངས་ཡོངས་ཀྱི་འདུ་ཤེས་ཟབ་ཏུ་བཏང་ནས་དུག་རྫས་རིང་དུ་སྤོང་ཆེད་ཡིན། ད་ཐེངས་ཀྱི་དུག་འགོག་དྲིལ་བསྒྲགས་ལ་སློབ་གྲྭའི་དགེ་སློབ་ཚོའི་སེམས་རྩ་འཁོལ་བའི་རྒྱབ་སྐྱོར་ཐོབ་པ་དང་། བདེ་འཇགས་ཞི་མཐུན་གྱི་སློབ་གྲྭའི་ཁོར་ཡུག་བསྐྲུན་ཏེ་བློ་སེམས་གཅིག་སྒྲིལ་གྱིས་དུག་འགོག་གི་འཛིང་རགས་བརྟན་པོ་ཞིག་བསྐྲུན་ཡོད”ཅེས་མལ་གྲོ་གུང་དཀར་རྫོང་སྤྱི་བདེ་ཅུས་དུག་འགོག་རུ་ཆེན་གྱི་མི་དམངས་ཉེན་རྟོག་པ་རིག་འཛིན་རྡོ་རྗེས་བརྗོད།