འདི་ནི་ཐེངས་འདིའི་ནང་སྦྱོང་བྱེད་ཡུལ་ཡིན་པ།

འདི་ནི་ཐེངས་འདིའི་ནང་སྦྱོང་བྱེད་ཡུལ་ཡིན་པ།

འདི་ནི་ཐེངས་འདིའི་ནང་སྦྱོང་བྱེད་ཡུལ་ཡིན་པ།

ས་ཡོམ་ཆེན་པོ་དང་གནོད་འཚེ་ཚབས་ཆེན་གྱི་འཕྲལ་སྡོམ་གྲ་སྒྲིག་ལ་སྔར་བས་ཤུགས་སྣོན་བརྒྱབ་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་འགན་ལེན་ཏན་ཏིག་བྱེད་པ་དང་། སྡེ་ཚན་ཁག་གི་འཕྲལ་སྡོམ་དམག་འཐབ་ནུས་པ་ཆེ་རུ་གཏོང་ཆེད། ཉེ་ཆར“ཉིང་ཁྲིའི་2024ལོའི་འཕྲལ་སྡོམ་དམག་སྦྱོང”གི་ཡོམ་འགོག་གེགས་སེལ་གྱི་ཕྱོགས་བསྡུས་འཕྲལ་སྡོམ་ནང་སྦྱོང་བྲག་ཡིབ་ཆུས་སུ་བྱས་པ་རེད།

ཐེངས་འདིའི་ནང་སྦྱོང་རིང་ཉིང་ཁྲི་གྲོང་ཁྱེར་བྲག་ཡིབ་ཆུས་སུ་ས་ཡོམ་རིམ་པ་5.9བརྒྱབ་པ་དང་། ཡོམ་ཁུངས་ཀྱི་གཏིང་ཚད་སྤྱི་ལེ་10ཟིན་ཁུལ་བྱས་ཤིང་། ས་ཡོམ་བརྒྱབ་རྗེས། ཉིང་ཁྲི་གྲོང་ཁྱེར་ཡོམ་འགོག་གེགས་སེལ་བཀོད་འདོམས་པུའུ་ཡིས་ཚད་མཐོའི་མཐོང་ཆེན་གྱིས་འཕྲལ་སྡོམ་བརྡ་ལན་ལག་བསྟར་བྱས་པ་དང་། བྲག་ཡིབ་ཆུས་དང་སྨན་གླིང་གྲོང་ཁྱེར་འཕྲལ་སྡོམ་དོ་དམ་ཅུས་ལ་འཕྲལ་མར་འབྲེལ་གཏུག་བྱས་ནས་ཁོངས་གཏོགས་ཁུལ་ནང་གི་ཤང(གྲོང་རྡལ)དང་གྲོང་ཚོ(གྲོང་ལྷན)སོགས་ཀྱི་གནོད་འཚེ་ཕོག་ཚུལ་ལ་ཞིབ་དཔྱད་བྱེད་དགོས་པའི་མཛུབ་སྟོན་བྱས་པ་རེད། ཉིང་ཁྲི་གྲོང་ཁྱེར་མི་དམངས་སྲིད་གཞུང་གིས་འཕྲལ་མར་ཡོམ་འགོག་གེགས་སེལ་རིམ་པ་IIIཡི་འཕྲལ་སྡོམ་བརྡ་ལན་ལག་བསྟར་བྱས་ནས་གནོད་འཚེའི་གནས་ཚུལ་ཞིབ་བཤེར་དང་རོགས་སྐྱོབ་བྱ་སྤྱོད་སྤེལ་ཡོད། འཕྲལ་སྡོམ་དང་། ས་ཡོམ། སྤྱི་བདེ། འཕྲོད་བསྟེན། མེ་ཟོན། ནགས་ཚལ་མེ་ཟོན། དེ་བཞིན་བོད་ལྗོངས་ལྕགས་ལམ་ཀུང་སི་དང་། ཀྲུང་གོ་ཆུ་གློག་ཅུས་བཅུ་བཞི་པ། ཨན་ནེང་ཚོགས་པ། རྒྱལ་ཁབ་ཕུག་ལམ་རོགས་སྐྱོབ་རུ་ཁག་ཀྲུང་གོ་ལྕགས་ལམ་ཅུས་གཉིས་པའི་བོད་ལྗོངས་རུ་ཁག་སོགས་ཀྱི་རོགས་སྐྱོབ་མི་སྣ་450ཙམ་བཏང་བ་དང་། ཐད་འཕུར་གནམ་གྲུ་1དང་། མི་མེད་གནམ་གྲུ་8 འཚོལ་སྐྱོབ་ཁྱི་5 ཆེད་ལས་རོགས་སྐྱོབ་རླངས་འཁོར་དང་རོགས་སྐྱོབ་སྒྲིག་ཆས(ཡོ་བྱད)སོགས་བཀོལ་སྤྱོད་བྱས་པ་རེད།