ཉེ་ཆར། གསར་འགོད་པར་རྒྱལ་ཁབ་མེ་ཟོན་རོགས་སྐྱོབ་ཅུས་ནས་ཤེས་རྟོགས་བྱུང་བར། རྒྱལ་ཡོངས་སུ་གློག་སྒུལ་རྐང་འཁོར་གྱི་བདེ་འཇགས་ཀྱི་མངོན་མེད་རྐྱེན་ངན་གྱི་འཁོར་སྦྲེལ་ཧྲིལ་པོ་བཅོས་སྒྲིག་ལས་དོན་ཆེད་སྒྲུབ་ཚོགས་ཆུང་གིས་ས་གནས་ཁག་ཏུ་གློག་སྒུལ་རྐང་འཁོར་ལ་མཚན་བཤེར་བྱེད་པའི་བྱ་སྤྱོད་གཅིག་སྡུད་ཐོག་སྒྲིག་འཛུགས་བྱས་ནས་སྤེལ་བ་དང་། སྒྲིག་འགལ་ངང་བཞག་ནས་གློག་གསོག་པ་དང་ཁྲིམས་འགལ་ངང་བཟོ་བཅོས་བརྒྱབ་པ་སོགས་ཀྱི་མངོན་གསལ་དོད་པའི་གནད་དོན་ལ་ཞིབ་བཤེར་ནན་པོ་བྱས་ནས་འཁོར་སྦྲེལ་ཧྲིལ་པོའི་བཅོས་སྒྲིག་བྱ་སྤྱོད་གཏིང་ཟབ་སྤེལ་བར་སྐུལ་འདེད་བཏང་བ་རེད།

ངོ་སྤྲོད་བྱས་པར་གཞིགས་ན། དེ་ཉིན་དགོང་མོ་རྒྱལ་ཡོངས་ཀྱིས་ཁྱོན་མཚན་བཤེར་ཚོགས་ཆུང་ཁྲི་7.4སྒྲིག་འཛུགས་བྱས་ནས་རིམ་རྩིས་བྱས་ན་རིམ་པ་ཁག་དང་སྡེ་ཚན་ཁག་གི་ཞིབ་བཤེར་བྱེད་མཁན་ཁྲི་25.6བཏང་སྟེ་སྡོད་ཁང་ཁུལ་ཆུང་ཁྲི་6.3དང་། སྒེར་ཁང་ཁྲི་17.5 དེ་བཞིན་མཚན་མོའི་གཉེར་སྐྱོང་བྱ་ཡུལ་ཁྲི་23.3བཅས་ལ་ཞིབ་བཤེར་བྱས་ཏེ། སྒྲིག་འགལ་ངང་བཞག་ནས་གློག་གསོག་པའི་གློག་སྒུལ་རྐང་འཁོར་ཁྲི་29.8ཀྱི་བདག་པོར་ཁ་ཏ་བསླབ་བྱ་བྱས་ནས་གནས་སྤོ་བཅུག་པ་དང་། ཁྲིམས་འགལ་གྱི་བྱེད་སྤྱོད་ཚབས་ཆེ་བའི་ཚན་པ་689དང་སྡེ་ལས་ཞབས་ཞུའི་ཁེ་ལས་856ལ་ཁྲིམས་ལྟར་གྱོད་དོན་ཐོ་འགོད་ཀྱིས་ཆད་པ་བཅད་པ། མི་སྒེར་7300ལྷག་ཙམ་ལ་ཁྲིམས་ལྟར་ཐག་གཅོད་བྱས་པ་མ་ཟད། ཞིབ་བཤེར་བྱས་ནས་ཤེས་རྟོགས་བྱུང་བའི་ཁྲིམས་འགལ་ངང་བཟོ་བཅོས་བརྒྱབ་པའི་ཁུངས་སྣེ་ཡོད་པའི་གློག་སྒུལ་རྐང་འཁོར་ཕྱིར་ཚོང་དང་ཉམས་གསོ་ཁང་ལ་ཁུངས་འདེད་ཞིབ་བཤེར་ཐག་གཅོད་ཀྱང་བྱས་པ་རེད།