ཤན་རྩ་རྫོང་གིས“སྒེའུ་ཁུང་བཤིག་པ་དང་། ལྕགས་དྲ་གཏོར་བ། བགྲོད་ལམ་གཙང་སེལ”བཅས་ཀྱི་ཆེད་དོན་བཅོས་སྒྲིག་བྱ་སྤྱོད་སྤེལ་བ།
ཉེ་ཆར། ཤན་རྩ་རྫོང་མེ་ཟོན་རོགས་སྐྱོབ་རུ་ཆེན་གྱིས་གྲོང་ཁྱེར་དོ་དམ་ཅུས་དང་མཉམ་དུ་ཁོངས་གཏོགས་ཁུལ་དུ་སྐྱོད་ནས“སྒེའུ་ཁུང་བཤིག་པ་དང་། ལྕགས་དྲ་གཏོར་བ། བགྲོད་ལམ་གཙང་སེལ”བཅས་ཀྱི་ཆེད་དོན་བཅོས་སྒྲིག་བྱ་སྤྱོད་སྤེལ་ཏེ། སྒྲིག་འགལ་ངང་རྐུན་འགོག་གི་སྒེའུ་ཁུང(ལྕགས་དྲ)སྒར་བ་སོགས་ཀྱི་བཀག་ཆ་དང་། ཁ་འགྲེམས་བགྲོད་ལམ་བཟུང་བ་སོགས་ལ་གཅིག་སྡུད་ཐོག་བཅོས་སྒྲིག་བྱས་པ་རེད།
བྱ་སྤྱོད་སྤེལ་རིང་ཞིབ་བཤེར་ཚོགས་ཆུང་གིས་གནས་ཆུང་གྲས་དགུ་དང་། ལས་རྣམ་མང་པོ་མཉམ་དུ་འདྲེས་པའི་ཐོན་སྐྱེད་གཉེར་སྐྱོང་བྱེད་ས། མི་སྣ་འདུ་འཛོམས་ཆེ་ས་སོགས་སུ་བསྐྱོད་དེ་རྐུན་འགོག་ལྕགས་དྲ(སྒེའུ་ཁུང)དང་ལྕགས་སྒྲོམ་སོགས་སྲོག་ཉེན་ལས་གཡོལ་ཐབས་དང་མེ་གསོད་རོགས་སྐྱོབ་ལ་གནོད་རིགས་ལ་དམིགས་ཏེ། ས་གནས་ས་ཐོག་ཏུ་འགན་འཁུར་བར་དག་ཐེར་བྱེད་དགོས་པའི་བླང་བྱ་བཏོན་པ་དང་དུས་ཐོག་ཏུ་དག་ཐེར་བྱེད་མི་ཐུབ་པར་ཐོ་འགོད་དང་ལག་དེབ་བཟོས་ཏེ། “ཁུལ་རེར་ཐབས་ཇུས་རེ”བཟོས་ཏེ་སྒྲིག་འགལ་སྐྲུན་དངོས་དང་། གང་བྱུང་དུ་བསྐྲུན་པའི་སྒྲིག་བཀོད། རྐུན་འགོག་ལྕགས་དྲ། ཁང་ཕྱིའི་བརྡ་ཁྱབ་བྱང་བུ་བཅས་གཅིག་སྡུད་གཙང་སེལ་གྱི་ཆེད་དོན་བྱ་སྤྱོད་སྤེལ་ནས་ཕན་འབྲས་དངོས་ཐོན་པའི་འགན་ལེན་བྱས་ཡོད། དེ་དང་ཆབས་ཅིག “དག་ཐེར་བྱེད་ཀྱིན་དྲིལ་བསྒྲགས་བྱེད་པའི”བྱེད་ཐབས་སྤྱད་དེ་སྤྱི་ཚོགས་ཀྱི་ཚན་པ་ཁག་དང་མི་དམངས་མང་ཚོགས་ཀྱིས་མེ་ཟོན་བདེ་འཇགས་ལ་དོ་ཁུར་བྱ་རྒྱུར་ཁྲིད་སྟོན་བྱས་པ་དང་། ཤར་བགྲོད་རོགས་སྐྱོབ་དང་སྲོག་ཉེན་ལས་གཡོལ་སའི་བགྲོད་ལམ་གྱི་དོན་སྙིང་གལ་ཆེན་ཤེས་རྟོགས་བྱས་ནས་མང་ཚོགས་ཀྱིས“ཚེ་སྲོག་བདེ་ཐང་ལ་གཅེས་སྐྱོང་དང་དུས་དང་རྣམ་པ་ཀུན་ཏུ་ཚེ་སྲོག་སྐྱོབ་པའི་ཤར་བགྲོད་ཀྱི་བགྲོད་ལམ་རྒྱུན་འཁྱོངས་ཐུབ་པའི”ཁྲིད་སྟོན་བྱས་པ་རེད།