འདི་ནི་སློབ་ཁྲིད་དམག་དཔོན་གྱིས་ས་གནས་ས་ཐོག་ཏུ་དཔེ་སྟོན་བཞིན་པ།

འདི་ནི་སྦྱོང་བརྡར་ནང་ཞུགས་མཁན་དཔོན་དམག་ཚོས་ཕན་ཚུན་བགྲོ་གླེང་བྱེད་བཞིན་པ།

ཉིན་ཤས་གོང་བོད་དམག་ཁུལ་ཁང་གི་ཐོན་ཤོག་ཅིག་གི་དམག་དོན་ལུས་རྩལ་དགེ་རྒན་གཅིག་སྡུད་སྦྱོང་བརྡར་རུ་ཁག་གིས་ས་མཐོའི་དབུས་ཁུལ་དུ་སྦྱོང་བརྡར་བྱེད་ཤུགས་་ཆེ་རུ་བཏང་ཞིང་། ཐེན་ཅིན་ལུས་རྩལ་སློབ་གླིང་ནས་ཡོང་བའི་རྩལ་ཁྲིད་པ་གསུམ་གྱིས་སྦྱོང་བརྡར་ཧྲིལ་པོར་མཛུབ་ཁྲིད་བྱས་པ་མ་ཟད། ད་དུང《དམག་དོན་ལུས་རྩལ་སྦྱོང་བརྡར་རྩ་གནད》ལ་བརྟེན་ནས་སྦྱོང་བརྡར་ལ་རམ་འདེགས་ཀྱང་བྱས་པ་རེད། དེ་ནི་ཐོན་དེས་དམག་དཔུང་དང་ས་གནས་ཀྱིས་མཉམ་འབྲེལ་ཐོག་ཤེས་ལྡན་པ་གསོ་སྐྱོང་གི་གཏིང་ཤུགས་སྔོག་འདོན་བྱས་ནས་སྦྱོང་བརྡར་སྒྲིག་འཛུགས་དང་ལག་བསྟར་གྱི་མ་ལག་གསར་པ་འཚོལ་ཞིབ་ཀྱི་ལག་ལེན་ཞིག་ཡིན་པ་རེད།

ཕན་ཚུན་སྤེལ་རེས་བྱེད་མཚམས་སུ་རིམ་པ་དང་པོའི་ཧྲང་ཧྲི་དམག་མི་དབྱི་ཞན་པིང་གིས“སྦྱོང་བརྡར་གྱི་དུས་ཚོད་ཇི་ལྟར་ཚན་རིག་དང་མཐུན་པར་བཀོད་སྒྲིག་བྱེད་དགོས་སམ”“སྦྱོང་བརྡར་རིང་ཇི་ལྟར་རྨས་སྐྱོན་སྔོན་འགོག་ནུས་ལྡན་བྱེད་དགོས་སམ”ཞེས་དྲི་བ་བཏོན་པ་དང་། དེར་རྩལ་ཁྲིད་པ་གསུམ་པོས་རང་སོ་སོའི་ཁྱབ་ཁོངས་ལ་གཞི་ཚུགས་ཏེ་རིག་གཞུང་དང་དོན་དངོས་ཕྱོགས་ཆེན་པོ་གཉིས་ནས་གསལ་འགྲེལ་ཆ་ཚང་པོ་ཞིག་བྱས་པ་རེད། ཁོང་ཚོའི་རོགས་རམ་འོག་སྦྱོང་བརྡར་ལ་ཞུགས་མཁན་དཔོན་དམག་མི་ཉུང་བས་སྦྱོང་བརྡར་ཁྲོད་དུ་འཕྲད་པའི་དཀའ་གནད་ཤེས་རྟོགས་སྔར་བས་གསལ་པོ་བྱུང་བ་མ་ཟད། དོན་དངོས་དང་མཐུན་པའི་ཁ་གཏད་གཅོག་ཐབས་ཀྱང་འཚོལ་ཞིབ་ཐུབ་པ་རེད།

འཐབ་འཛིང་པ་ཞའོ་ལིའུ་ལ་ཡར་སྔོན་གོང་རིམ་དམག་དོན་ལུས་རྩལ་འགྲན་ཚོགས་ཀྱི་རྐྱང་གདང་རྩེད་རྩལ་འགྲན་བསྡུར་ནང་ཨང་དང་པོ་ཐོབ་མྱོང་ཡོད། ད་ལོར་ཁོ་པ་འགྲན་བསྡུར་ནང་སླར་ཡང་ཞུགས་འདོད་མོད། འོན་ཀྱང་སྦྱངས་འབྲས་ལ་ཡར་སྐྱེད་ཆེར་མེད་པས་གདེང་ཚོད་དེ་ཙམ་མེད་པ་རེད། རྩལ་ཁྲིད་པས་གནས་ཚུལ་དེ་ཤེས་རྗེས་ཁོ་པའི་རྐྱང་གདང་རྩེད་སྟངས་དུས་ཐོག་ཏུ་ཡོ་བསྲང་བྱས་པ་དང་འབྲེལ། ཚན་རིག་དང་མཐུན་པའི་སྦྱོང་བརྡར་གྱི་འཆར་གཞི་ཆ་ཚང་ཞིག་ཀྱང་བཀོད་དེ། དུས་ཐུང་གཟའ་འཁོར་གཅིག་ནང་ཞའོ་ལིའུ་ཡི་སེམས་ནད་བསལ་ཞིང་། སྦྱངས་འབྲས་ལའང་ཡར་སྐྱེད་ཆེན་པོ་བྱུང་བ་རེད། “སྦྱོང་བརྡར་སྒྲིག་འཛུགས་བྱེད་སྟངས་དང་སྦྱོང་བརྡར་བྱེད་སྟངས་ཡང་དག་ཡིན་ན། སྦྱོང་བརྡར་བྱེད་པའི་བརྒྱུད་རིམ་ནང་ལམ་ནོར་མང་པོ་ཞིག་བརྒྱུད་དགོས་མི་འདུག”ཅེས་ཞའོ་ལིའུ་ཡིས་ཚོར་སྣང་ཟབ་པོས་བཤད།

གསར་འགོད་པས་ཤེས་རྟོགས་བྱུང་བར། སྦྱོང་བརྡར་སྒྲིག་འཛུགས་དང་ལག་བསྟར་གྱི་མ་ལག་གསར་པ་འཚོལ་ཞིབ་བྱེད་འགོ་བཙུགས་ཚུན། ཐོན་དེས་སྦྱོང་བརྡར་གྱི་གྲུབ་འབྲས་སྣ་ཚོགས་དུས་ཐོག་ཏུ་ལེགས་སྒྲིག་ཕྱོགས་བསྡུས་བྱས་པ་དང་འབྲེལ། ཟླ་རེའི་སྦྱོང་བརྡར་དུས་བབ་དབྱེ་ཞིབ་ཚོགས་འདུའི་ཐོག་མཉམ་དུ་ཞིབ་འཇུག་བྱས་ནས་གོམ་སྟབས་རྗེས་མའི་དམག་དོན་སྦྱོང་བརྡར་འཆར་གཞི་འགོད་པར་གཞི་འཛིན་ས་མཁོ་འདོན་བྱས་ཤིང་། ད་ཆ“སྤེལ་རེས+གྲོས་བསྡུར+ལག་ལེན=ཡར་རྒྱས”ཀྱི་རྣམ་པ་ཡག་པོ་ཞིག་ཆགས་ཤིང་། སྦྱོང་བརྡར་སྒྲིག་འཛུགས་བྱེད་སྟངས་གསུམ་གྲུབ་སྟེ་ཐོན་ཡོངས་སུ་ཁྱབ་གདལ་བཏང་ནས། དམག་དོན་སྦྱོང་བརྡར་གྱི་སྤུས་ཚད་ཇེ་མཐོ་དང་ཕན་འབྲས་ཆེ་རུ་འགྲོ་བར་རམ་འདེགས་བྱས་པ་རེད།