ལྷ་ས་སློབ་འབྲིང་དུ་འགྲིམ་འགྲུལ་ཉེན་རྟོག་པས་ལད་མོའི་ཉམས་ལེན་སྒྲིག་ཆས་སྤྱད་དེ། སློབ་མར་འགྲིམ་འགྲུལ་བདེ་འཇགས་ཤེས་བྱ་དྲིལ་བསྒྲགས་བྱེད་བཞིན་པ།

འགྲིམ་འགྲུལ་བདེ་འཇགས་ཀྱི་བརྗོད་དོན་གཙོ་བོའི་སློབ་ཚན་ལ་འགྲིམ་འགྲུལ་ཉེན་རྟོག་པས་བརྙན་ཐུང་བསྟན་ནས་སློབ་མར་འགྲིམ་འགྲུལ་བདེ་འཇགས་ཀྱི་ཤེས་བྱ་འགྲེལ་བཤད་རྒྱག་བཞིན་པ།

ཉེ་ཆར། སློབ་མའི་འགྲིམ་འགྲུལ་བདེ་འཇགས་ལེགས་སུ་གཏོང་བའི་བྱ་སྤྱོད་འཆར་གཞི་སྔར་བས་ལག་བསྟར་དང་དོན་འཁྱོལ་བྱ་ཆེད། ལྗོངས་སྤྱི་བདེ་ཐིང་འགྲིམ་འགྲུལ་དོ་དམ་ཅུས་ཀྱིས“རྒྱལ་ཡོངས་ཀྱི་སློབ་གྲྭ་འབྲིང་ཆུང་གི་སློབ་མའི་བདེ་འཇགས་སློབ་གསོའི་ཉིན་མོ”ཐེངས་29པ་གོ་སྐབས་སུ་བྱས་ནས། བཀོད་སྒྲིག་ཞིབ་ཚགས་དང་ལས་འགན་དང་བྱ་ཐབས་ཞིབ་ཕྲ་བཟོས་ཏེ། སློབ་མའི་འགྲིམ་འགྲུལ་བདེ་འཇགས་ཀྱི་དྲིལ་བསྒྲགས་སློབ་གསོའི་ལས་དོན་ཧུར་ཐག་སྤེལ་བ་རེད།

བྱེད་སྒོ་སྤེལ་རིང་སློབ་གྲྭ་འབྲིང་ཆུང་གི་སློབ་མ་བདེ་འཇགས་ངང་འགྲོ་སྐྱོད་བྱེད་པའི་བརྗོད་དོན་གཙོ་བོའི་པར་དང་ཡི་གེ་བཀོད་པའི་བརྡ་སྦྱོར་9བཟོས་པ་དང་སློབ་གྲྭའི་ཕྱི་རོལ་བརྙན་ཤེལ་ཆེ་མོའི་སྟེང་སྐར་མ་30ཙམ་གྱི་བོད་སྐད་དང་རྒྱ་སྐད་ཀྱི་ཉེན་བརྡའི་སློབ་གསོའི་འགུལ་རིས་བརྙན་ཐུང་9བསྟན་པ་དང་ད་དུང་དྲིལ་བསྒྲགས་དངོས་པོ་དང་དཔྱད་ཡིག་2000ལྷག་ཙམ་སྤྲད་པ་རེད།