ཟླ་3ཚེས་27ཉིན། ལྷོ་ཁ་གྲོང་ཁྱེར་གྲ་ནང་རྫོང་གིས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་ནས་ལོ་65འཁོར་བར་དྲན་གསོ་ཞུ་བའི“སྡུག་དྲན་སྐྱིད་བསམ་བྱས་ནས་ཏང་གི་བཀའ་དྲིན་ཚོར། འབད་འབུངས་མདུན་སྐྱོད་བྱས་ནས་ལེའུ་གསར་རྩོམ”ཞེས་པའི་སྒོར་གཞས་འགྲན་བསྡུར་ཆེན་པོ་བྱས་ཤིང་། འདི་ནི་འགྲན་བསྡུར་བྱ་ཡུལ་ཡིན་པ།

ཟླ་3ཚེས་25ཉིན། ལྷ་ས་གྲོང་ཁྱེར་ཁྲེང་ཀོན་ཆུས་ཀྱིས་རྫོང་རྒྱབ་ཀླུ་ཁང་དུ“ང་ཚོའི་བདེ་སྐྱིད་ལྡན་པའི་འཚོ་བ”ཞེས་པའི་བརྗོད་དོན་གཙོ་བོའི་རིག་རྩལ་བྱེད་སྒོ་སྤེལ་ཞིང་། འདི་ནི་བྱེད་སྒོ་སྤེལ་ཡུལ་ཡིན་པ།

ཟླ་གསུམ་པར། གང་སར་སྐྱེ་སྟོབས་ཀྱི་དཔལ་འབར་ཞིང་། གངས་ལྗོངས་ས་མཐོའི་མི་རིགས་ཁག་གི་མི་དམངས་ཚོས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་ནས་ལོ་65འཁོར་བར་དྲན་གསོ་ཞུས་ཡོད། ཉིན་ཤས་བསྟུད་མར་རང་ལྗོངས་ཀྱི་ས་གནས་ཁག་དང་སྡེ་ཚན་ཁག་གིས་སྣ་མང་ཕུན་སུམ་ཚོགས་པའི་བྱེད་སྒོ་སྤེལ་ནས་འོད་སྟོང་འཕྲོ་བའི་ལོ་རྒྱུས་ལམ་བུར་ཕྱིར་མིག་་བལྟས་ཏེ་འབད་འབུངས་མདུན་སྐྱོད་ཀྱི་སྟོབས་ཤུགས་རབ་ཏུ་འཕེལ་བར་བྱས་ཡོད།

ཉེ་ཆར། མངའ་རིས་ས་ཨུད་དྲིལ་བསྒྲགས་པུས་བོད་ལ་དམངས་གཙོའི་བཅོས་སྒྱུར་བྱས་ནས་ལོ་65འཁོར་བར་དྲན་གསོ་ཞུ་བའི་རིམ་སྤེལ་སྒྲོག་འགྲེལ་གྱི་བྱེད་སྒོ་སྒྲིག་འཛུགས་བྱས་ནས་སྤེལ་ཡོད། ད་ཐེངས་ཀྱི་བྱེད་སྒོར་འགོ་ཁྲིད་ལས་བྱེད་པས་སྣེ་ཁྲིད་ནས་སྒྲོག་འགྲེལ་དང་། ས་གནས་སྒྲོག་འགྲེལ་ཚོགས་པས་གཅིག་སྡུད་སྒྲོག་འགྲེལ། སྡེ་ཚན་སྒྲོག་འགྲེལ་དཔུང་ཁག་གིས་རིགས་བགོས་ནས་སྒྲོག་འགྲེལ། གཞི་རིམ་སྒྲོག་འགྲེལ་པས་ཁྱོན་ཡོངས་ལ་སྒྲོག་འགྲེལ། དྲ་རྒྱའི་སྨྱན་སྦྱོར་གྱིས་དྲ་ཐོག་མཉམ་འགུལ་སྒྲོག་འགྲེལ་བཅས་ཀྱི་བྱེད་ཐབས་སྤྱད་ཅིང་། ད་ཐེངས་ཀྱི་སྒྲོག་འགྲེལ་བྱེད་སྒོ་སྤེལ་རིང་། མངའ་རིས་ས་ཁུལ་གྱི་རྫོང་དང་། ཤང་། གྲོང་རྡལ་བཅས་ཁག་གི་གཞི་རིམ་ཞིང་འབྲོག་སྒྲོག་འགྲེལ་པ་290ཡིས་དུས་རབས་གསར་པའི་ཤེས་དཔལ་ལག་ལེན་ལྟེ་གནས་གང་ལེགས་སྤྱད་དེ། མང་ཚོགས་ཀྱི་ཐོན་སྐྱེད་འཚོ་བའི་དོན་དངོས་དང་ཟུང་འབྲེལ་བྱས་ནས་མང་ཚོགས་ཀྱིས་ལྟ་འདོད་ལ་ཉན་སྤྲོ་བའི་རྣམ་པའི་ཐོག་ནས་ངོ་ཐུག་གདོང་འཕྲད་ཀྱིས་སྒྲོག་འགྲེལ་བྱས་ཡོད།

བོད་ལ་དམངས་གཙོའི་བཅོས་སྒྱུར་བྱས་ནས་ལོ་65འཁོར་བར་དྲན་གསོ་ཞུས་ཏེ་མི་རིགས་ཁག་གི་ལས་བྱེད་པ་དང་མང་ཚོགས་ཀྱིས་ལོ་རྒྱུས་བློ་ལ་བརྟན་པོར་ངེས་པ་དང་། ཏང་གི་བཀའ་དྲིན་དྲན་པ། མིག་སྔར་གཅེས་སྤྲས། སྔ་འཛིན་ཕྱིར་གཏོད་བཅས་བྱ་རྒྱུར་སློབ་གསོ་ཁྲིད་སྟོན་བྱ་ཆེད། ཟླ་3ཚེས་25ཉིན། ནག་ཆུ་གྲོང་ཁྱེར་གྱིས་བོད་ལ་དམངས་གཙོའི་བཅོས་སྒྱུར་བྱས་ནས་ལོ་65འཁོར་བར་དྲན་གསོ་ཞུ་བའི་སྙན་རོང་རྫོང་གི་ཆེད་དོན་རིག་རྩལ་འཁྲབ་སྟོན་བྱས་ཡོད། འཁྲབ་སྟོན་དེ་དུས་རབས་འཕེལ་རྒྱས་ཀྱི་བརྗོད་དོན་གཙོ་བོ་དམ་པོར་དམིགས་ནས་ནང་དོན་ཕུན་སུམ་ཚོགས་ཤིང་ཡིད་དབང་འཕྲོག་པ་ཞིག་ཡོད། 《བོད་དུ་དཔུང་བསྐྱོད་བྱེད》དང་། 《སྙན་རོང་མི་དམངས་ཀྱི་སེམས་པ་ཏང་ལ་ཕྱོགས》སོགས་ངོ་མཚར་ཆེ་བའི་ལེ་ཚན་གཅིག་མཇུག་གཉིས་མཐུད་ངང་འཁྲབ་སྟོན་བྱས་ཏེ། རིག་རྩལ་གྱི་རྣམ་པའི་ཐོག་ནས་ཀྲུང་གོ་གུང་ཁྲན་ཏང་གི་འགོ་ཁྲིད་འོག་བོད་ལ་དམངས་གཙོའི་བཅོས་སྒྱུར་བྱས་ཚུན། སྙན་རོང་རྫོང་ལ་ཐོབ་པའི་ལོ་རྒྱུས་རང་བཞིན་གྱི་གྲུབ་འབྲས་དང་སྙན་རོང་མི་དམངས་ཀྱི་ཐོན་སྐྱེད་འཚོ་བའི་འཕེལ་རྒྱས་གསར་པ་དང་། འགྱུར་ལྡོག་གསར་པ། རྣམ་པ་གསར་པ་བཅས་ཕྱོཌ་མང་པོ་ནས་མངོན་པར་བྱས་ཡོད།

ཉེ་དུས། ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་བདེ་ཆེན་གྲོང་རྡལ་གྱིས“ཀྲུང་ཧྭ་མི་རིགས་ཁྱིམ་ཚང་གཅིག་ལྟར་བརྩེ། ཀུན་སེམས་གཅིག་སྒྲིལ་བདེ་ཆེན་གསར་པ་སྐྲུན”ཞེས་པའི་བོད་ལ་དམངས་གཙོའི་བཅོས་སྒྱུར་བྱས་ནས་ལོ་65འཁོར་བར་དྲན་གསོ་ཞུ་བའི་རིག་རྩལ་སྐོང་འཁྲབ་ཀྱི་བྱེད་སྒོ་སྤེལ་ཞིང་། བྱེད་སྒོ་དེ《བཀྲ་ཤིས་ཞོལ་པ》འཁྲབ་པ་ནས་འགོ་ཚུགས་པ་དང་། གར་སྟེགས་ཐོག་གི་འཁྲབ་སྟོན་པས་སྤྲོ་སེམས་ཆེན་པོས་འཁྲབ་སྟོན་བྱས་པ་དང་། གར་སྟེགས་གཤམ་གྱི་ལྟད་མོ་བས་འགྱུར་ཁུག་དང་བསྟུན་ཏེ་མཉམ་དུ་གླུ་དབྱངས་བླངས་ནས། གཞས་དང་། ཞབས་བྲོ། མོ་ཐྲོལ་གྱི་གྱོན་ཆས་ངོམ་སྟོན་སོགས་ཀྱི་ངོ་མཚར་ཆེ་བའི་ལེ་ཚན་གཅིག་མཇུག་གཉིས་མཐུད་ངང་བཏོད་ནས་ཚང་མར་མིག་ཡིད་རྣ་བའི་དགའ་སྟོན་ཕུན་སུམ་ཚོགས་པོ་ཞིག་བཤམས་ཏེ། ཞིང་འབྲོག་མང་ཚོགས་ཀྱིས་ཏང་དང་མེས་རྒྱས་ལ་བཅངས་པའི་དགའ་ཞེན་ཟབ་མོ་དང་སྨོན་འདུན་བཟང་པོ་མཚོན་པར་བྱས་ཡོད།