ལྗོངས་མཐོ་རིམ་མི་དམངས་ཁྲིམས་ཁང་གིས།
2023ལོའི་ལས་ཁུངས་ཀྱི་ཕྱོགས་སྡོམ་གཟེངས་བསྟོད་ཚོགས་ཆེན་འཚོགས་པ།
ཉིན་ཤས་གོང་། ལྗོངས་མཐོ་རིམ་མི་དམངས་ཁྲིམས་ཁང་གིས་2023ལོའི་ལོ་འཁོར་གྱི་ལས་ཁུངས་ཀྱི་ཕྱོགས་སྡོམ་གཟེངས་བསྟོད་ཚོགས་ཆེན་འཚོགས་ཤིང་། ལྗོངས་མཐོ་རིམ་མི་དམངས་ཁྲིམས་ཁང་ཏང་ཙུའི་ཧྲུའུ་ཅི་དང་ཡོན་ཀྲང་ཚེ་བརྟན་གྱིས་གསུང་བཤད་གནང་བ་རེད།
ཚོགས་འདུའི་ཐོག་ནན་བཤད་བྱས་དོན། 2024ལོར་ལྗོངས་མཐོ་རིམ་མི་དམངས་ཁྲིམས་ཁང་ལས་ཁུངས་ཀྱིས་ཞི་ཅིན་ཕིང་གི་ཁྲིམས་སྐྱོང་དགོངས་པ་རྒྱུན་མཐུད་ལག་བསྟར་གཏིང་ཟབ་བྱས་ནས། ཐོག་མཐའ་བར་གསུམ་དུ“དོན་ཆེན་བཞིར”དམིགས་པ་དང་། ཆབ་སྲིད་འཛུགས་སྐྱོང་ཐད་མིག་དཔེ་སྟོན་ཏེ་ཏང་འཛུགས་སྐྱོང་ལས་དོན་གྱི་ཆུ་ཚད་མཐོ་རུ་ཤུཌ་ཆེན་གཏོང་དགོས། འགན་འཁྲི་སྒྲུབ་པ་དང་འགན་འཁྲི་འཁུར་ཕོད་པའི་ཐད་མིག་དཔེ་སྟོན་ཏེ་སྤྱི་ཡོངས་ལ་འདེགས་སྐྱོར་དང་ཞབས་འདེགས་ཞུ་བའི་ནུས་པ་ཆེ་རུ་ཤུགས་ཆེན་གཏོང་དགོས། ཁྲིམས་སྒྱུར་གྱོད་སྒྲུབ་ཐད་མིག་དཔེ་སྟོན་ཏེ་འདྲི་གཅོད་ལག་བསྟར་གྱི་སྤུས་ཚད་ཡག་ཏུ་དང་ཕན་འབྲས་ཆེ་རུ་ཤུཌ་ཆེན་གཏོང་དགོས། དམངས་འཚོ་འགན་ལེན་ཐད་མིག་དཔེ་སྟོན་ཏེ་དམངས་ཆེད་ཁྲིམས་འཛིན་གྱི་ཆུ་ཚད་མཐོ་རུ་ཤུཌ་ཆེན་གཏོང་དགོས། བརྒྱུད་རིམ་ཧྲིལ་པོའི་མི་དམངས་དམངས་གཙོའི་ཐད་མིག་དཔེ་སྟོན་ཏེ་ལྟ་སྐུལ་འབྲེལ་གཏུག་ལས་དོན་གྱི་ཆུ་ཚད་མཐོ་རུ་ཤུཌ་ཆེན་གཏོང་དགོས། རང་ངོས་གསར་བརྗེའི་ཐད་མིག་དཔེ་སྟོན་ཏེ་དཔུང་ཁག་འཛུགས་སྐྱོང་གི་ཆུ་ཚད་མཐོ་རུ་ཤུཌ་ཆེན་གཏོང་བ་དང་། ཁྲིམས་འཛིན་འདྲི་གཅོད་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་དང“འཛུཌ་གཏོད་བཞིར”ཞབས་འདེགས་ཞུ་དགོས།