སྟོད་ལུང་བདེ་ཆེན་ཆུས་དམར་གྲོང་རྡལ་གྱི་ཁོར་ཡུག་བཅོས་སྒྲིག་ལ་ཕན་འབྲས་མངོན་གསལ་དོད་པོ་ཐོན་པ།
བརྗོད་དོན་གཙོ་བོའི་སློབ་གསོ་རྒྱུན་མཐུད་དང་གཏིང་ཟབ་སྤེལ་ཆེད། ལྷ་ས་གྲོང་ཨུད་ཀྱི“རྣམ་བཞི་གཅིག་སྒྲིལ”དང“ཐབས་བདུན་མཉམ་སྤྱོད”“བྱ་སྤྱོད་ཆེན་པོ་བརྒྱད”བཅས་ཀྱི་སྤྱིའི་བླང་བྱ་གཞིར་བཟུང་། ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་དམར་གྲོང་རྡལ་གྱི་གོང་འོག་ཚང་མས་བཀའ་རྒྱ་ཐོས་མ་ཐག་བྱ་སྤྱོད་སྤེལ་བ་དང་རྒྱ་ཆེའི་མང་ཚོགས་ཧུར་ཐག་ཞུགས་པས་གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྒྲིག་ཆེན་པོའི་ལས་དོན་ལ་གྲུབ་འབྲས་ཡག་པོ་ཐོབ་པ་རེད།
གྲུབ་འབྲས་སྲ་བརྟན་དུ་ཏན་ཏིག་བཏང་ནས་བཅོས་སྒྲིག་བྱ་སྤྱོད་རྒྱུན་རྣམ་ཅན་དང་། ལམ་ལུགས་ཅན། ཕུགས་ཕན་ཅན་བཅས་ལ་སྐུལ་འདེད་གཏོང་ཆེད། དམར་གྲོང་རྡལ་གྱིས་མིག་སྔའི་བཅོས་སྒྲིག་དང་ཡུན་རིང་འཛུགས་པ་ཟུང་འབྲེལ་དང་། གཞི་རིམ་གྱི་སྤྱི་ཚོགས་བཅོས་སྐྱོང་གི་དོན་དངོས་དང་ཟུང་འབྲེལ་མཐའ་འཁྱོངས་བྱས་ཏེ། ལས་ཀ་བྱེད་རིང་ཤེས་རྟོགས་བྱུང་བའི་གནད་དོན་ལ་དམིགས་ནས“ཁང་པའི་རྒྱབ་མདུན་ལ་གད་བདར་ཡང་ཡང་རྒྱག་པ་དང་། ཁང་པའི་ནང་དང་སྒོ་རར་གཙང་སྦྲ་བྱེད་པ། གད་སྙིགས་གང་བྱུང་མ་དབྱུགས་པ་དང་བཙོག་ཆུ་གང་བྱུང་མ་བཤོ་བ། སྤྱི་དམངས་ཀྱིས་ཀུན་སྤྱོད་ལ་བརྩི་སྲུང་ཞུ་བ། སྤྱི་པའི་སྒྲིག་བཀོད་ལ་གཏོར་བཤིག་མི་གཏོང་བ་དང་རྒྱུན་གཏན་ནས་དོ་དམ་ཡག་པོ་བྱེད་པ། ཕྱུགས་རིགས་དང་གཅེས་ཉར་སྲོག་ཆགས་ལ་དོ་དམ་ནན་པོ་བྱས་ནས་འགྲོ་ལམ་ཐོག་གང་བྱུང་སྐྱོད་རིགས་ལ་འགན་འཁྲི་འཁུར་བ། ཁང་པ་གང་བྱུང་མི་རྒྱག་པ་དང་སྒྲིག་འགལ་སྐྲུན་དངོས་ལ་དོ་དམ་ནན་པོ་བྱེད་པ། ཆུ་ཡུར་དང་ཆུ་ཁོངས་ལ་དོ་དམ་སྲུང་སྐྱོང་ཡག་པོ་བྱས་ནས་ཆུ་དཔོན་གྱིས་སྐོར་གཡེང་བདེ་འཇགས་ལ་འགན་ལེན་བྱེད་པ”སོགས་ནང་དོན་དུ་བྱས་པའི་དམར་གྲོང་རྡལ་གྱི“བཅོས་སྐྱོང་མན་ངག་བཅུ”ལ་ཕྱོགས་སྡོམ་བྱས་ནས་བཟོས་པ་རེད།