པར①ནི་རུ་འབྲིང་གིས་ནགས་ཚལ་མེ་གསོད་ཀྱི་ཆེད་ལས་རྩལ་ནུས་སྦྱོང་བརྡར་བྱེད་བཞིན་པ།

པར②ནི་དཔོན་དམག་ཚོས་མང་ཚོགས་ལ་མེ་ཟོན་ཤེས་བྱ་དྲིལ་བསྒྲགས་བྱེད་བཞིན་པ།

པར③ནི་དཔོན་དམག་ཚོས་མང་ཚོགས་ལ་ཆུ་འཐེན་འཕྲུལ་འཁོར་བསྒར་སྟངས་འགྲེལ་བཤད་དང་དཔེ་སྟོན་བྱེད་བཞིན་པ།

པར④ནི་དཔོན་དམག་ཚོས་ཁོངས་གཏོགས་ཁུལ་གྱི་མང་ཚོགས་ལ་མེ་ཟོན་བདེ་འཇགས་ཤེས་བྱ་དྲིལ་བསྒྲགས་བྱེད་བཞིན་པ།

གསར་འགོད་པས་འབྲེལ་ཡོད་སྡེ་ཚན་ནས་ཤེས་རྟོགས་བྱས་པ་ལྟར་ན། བརྗོད་དོན་གཙོ་བོའི་སློབ་གསོ་ཁག་གཉིས་པ་གཞི་རིམ་དུ་རྩ་བ་ཚུགས་པ་དང་ལག་ལེན་བསྟར་ནས་བྱས་རྗེས་གསར་འཇོག་ལ་སྐུལ་འདེད་གཏོང་ཆེད། ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་འཇོ་མདའ་རུ་འབྲིང་གིས་འབྲེལ་ཡོད་ཀྱི་བབ་བསྟུན་མེ་འགོག་དྲིལ་བསྒྲགས་ཀྱི་ཇུས་གཞི་ལྟར་མེ་འགོག་དྲིལ་བསྒྲགས་དང་ནགས་སྲུང་བའི་གསོ་སྦྱོང་ལ་གོ་རིམ་ལྡན་པའི་ངང་སྐུལ་འདེད་བཏང་བ་རེད།

རུ་འབྲིང་དེས་ཉེ་དུས་འཇོ་མདའ་རྫོང་ནགས་ཚལ་དང་རྩྭ་ཐང་ཅུས་ཀྱིས་ཤང་དང་གྲོང་རྡལ་13གྱི་ནགས་ཚལ་དོ་དམ་སྲུང་སྐྱོང་ས་ཚིགས་ལ་ནགས་ཚལ་མེ་ཟོན་ཆུ་འཐེན་འཕྲུལ་འཁོར་སྤྲོད་པའི་གནས་ཚུལ་དངོས་དང་ཟུང་འབྲེལ་བྱས་ཤིང་། ཚན་རིག་མཐུན་པར་ལས་བགོས་དང་འགག་སྒོ་སྔ་སྣུར་གྱིས་མེ་འགོག་དྲིལ་བསྒྲགས་ཀྱི་གཙོ་གནད་འབྲོག་ཁུལ་དང་གྲོང་སྡེར་བཞག་སྟེ་དུས་རྒྱུན་རི་ལུང་དང་ནགས་ཚལ་དུ་སྐྱོད་པ་དང་ནོར་ལུག་འཚོ་སྐྱོང་སོགས་བྱེད་མཁན་མི་ཚོགས་ཀྱི་ནགས་ཚལ་མེ་ཟོན་གྱི་འདུ་ཤེས་ཟབ་ཏུ་བཏང་བ་རེད། དེ་དང་ཆབས་ཅིག་རྐང་འཛིན་གསོ་སྦྱོང་དོ་དམ་སྲུང་སྐྱོང་ས་ཚིགས་ཀྱི་མི་སྣ་བཀོད་སྒྲིག་བྱས་ཏེ་སྣུམ་རྒྱུ་སྡུར་བ་དང་། ལྷུ་ལག་བེད་སྤྱོད། ཐབས་རྩལ་ལ་བརྟེན་པ། ཆུ་འཐེན་འཕྲུལ་འཁོར་ལེགས་སྒྲིག འཐབ་སྟངས་བཀོལ་སྤྱོད་སོགས་ལ་འགྲེལ་བཤད་དང་དཔེ་སྟོན་གྱིས་དམག་འཐབ་ནུས་པ་གོང་མཐོ་དང་སྒྲིག་ཆས་ཀྱི་ལེགས་ཆ་འདོན་སྤེལ་གང་ལེགས་ཐུབ་པར་བྱས་པ་རེད།