1. གང་འདྲ་ཞིག་ལ“སྡོམ་གསོས་བསླུ་བྲིད”ཟེར་རམ།

དྲ་ཐོག་ནས་གྲོགས་པོ་བསྒྲིགས་ཏེ་ཁ་བསླུས་རྒྱག་སྟངས་ལ“སྡོམ་གསོས་བསླུ་བྲིད”ཟེར། དེ་ནི་དྲ་རྒྱའི་དར་ཁྱབ་ཆེ་བའི་མིང་ཚིག་ཅིག་རེད་ལ། དྲ་ཐོག་ནས་གྲོགས་པོ་བསྒྲིགས་ཏེ་མ་འཇོག་བསླུ་བྲིད་དང་རྒྱན་འགྱེད་སོགས་ཁ་བསླུས་རྒྱག་པའི་བྱེད་ཐབས་གསར་པ་ཞིག་རེད། གྲོགས་པོ་སྒྲིག་པའི་མིང་ཐོག་ནས་གནོད་འཚེ་ཕོག་མཁན་ལ་མ་འཇོག་དང་རྒྱན་འགྱེད་བྱེད་པར་བསླུ་བྲིད་བྱས་ཏེ་མཐར་གནོད་འཚེ་ཕོག་མཁན་གྱི་རྒྱུ་ནོར་ཁ་བསླུས་རྒྱག་གི་ཡོད། “བཤན་པས”(ཁྲམ་པ)“ཕག་ཚང”(སྤྱི་ཚོགས་འབྲེལ་གཏུག་ལས་སྟེགས་སམ་ཡང་ན་གཉེན་སྒྲིག་དྲ་ཚིགས)ཁག་ནས་རྒྱུད་བཟང་་“ཕག་ཕྲུག”(གནོད་འཚེ་ཕོག་མཁན)རྙེད་རྗེས“སྡོམ་གསོས”(བརྩེ་བ་ཆགས་པ)བྱེད་འགོ་ཚུགས་ཏེ། མཐར་སྡོམ་གསོས་བྱས་པའི“ཕག་ཕྲུག”(གནོད་འཚེ་ཕོག་མཁན)བརྩེ་དུང་གི“བཤས་རར”(མ་འཇོག་དང་རྒྱན་འགྱེད་ལས་སྟེགས)བསླུ་བྲིད་བྱས་ནས་གནོད་འཚེ་ཕོག་མཁན་གྱི་དངུལ་མགོ་སྐོར་གཏོང་གི་ཡོད།

2.“སྡོམ་གསོས་བསླུ་བྲིད”ལ་ཁྱད་ཆོས་གང་ཡོད་དམ།

“སྡོམ་གསོས་བསླུ་བྲིད”ཀྱི་ཁྱད་ཆོས་ནི། “སྡོམ་་གསོས་བསླུ་བྲིད”ཀྱི་ཁ་བསླུས་རྒྱག་སྟངས་ལ་གཞན་དང་མི་འདྲ་བའི་ཁྱད་ཆོས་ཡོད་པ་དང“སྡོམ་གསོས་བསླུ་བྲིད”ཀྱི་ཁྱད་ཆོས་ཆེ་ཤོས་ནི“སྡོམ་གསོས”བྱེད་ཡུན་རིང་བ་དང་། དུས་ཚོད་ཇི་ཙམ་རིང་ན་དེ་ཙམ་གྱིས་ཁ་བསླུས་ཐེབས་ཉེན་ཆེན་པོ་ཡོད། དེ་ནི་དངོས་ཡོད་འཇིག་རྟེན་གྱི“ཆང་འདེགས”དང་འདྲ་བར། ཁ་བསླུས་རྒྱག་མཁན་གྱིས་བརྩེ་དུང་ལ་བརྟེན་ནས་རང་ཉིད་ཕྱུག་པོ་ཡིན་པའམ་ཡང་ན་མཛེས་མ་ཡིན་ཁུལ་གྱིས་དྲ་ཐོག་ནས་ཁྱེད་དང་ཁ་བརྡ་གློད་པ་དང་། སྙིང་གཏམ་ཤོད་པ། བརྩེ་དུང་གླེང་བ་སོགས་བྱས་ཏེ། ཁྱེད་ཀྱིས་ཕ་རོལ་པོར་ཡིད་ཆེས་གང་ཙམ་བྱས་རྗེས། མ་འཇོག་ལས་སྟེགས་དང་རྒྱན་འགྱེད་དྲ་ཚིགས་སུ་བསླུ་བྲིད་བྱས་ཏེ་ཁ་བསླུས་རྒྱག་གི་ཡོད། དེའི་ཁྲོད་ཀྱི“སྡོམ་གསོས་བསླུ་བྲིད”ནི་ཆེས་རྒྱུན་མཐོང་གི་བྱེད་ཐབས་ཤིག་རེད།

3.“སྡོམ་གསོས་བསླུ་བྲིད”ཀྱི་ཁ་བསླུས་རྒྱག་སྟངས།

1.དམིགས་ཡུལ་འཚོལ་བ། ཐོག་མར་ཁོ་ཚོས་ལོ་30ཡན་གྱི་འཇོན་ཐང་ཅན་འཚོལ་གྱི་ཡོད། ལོ་དེའི་ནང་གི་མི་ཚང་མར་དཔལ་འབྱོར་གྱི་རྨང་གཞི་ཡོད་པ་མ་ཟད། འཇོན་ཐང་ཅན་ལ་བརྩེ་དུང་གི་དགོས་མཁོ་ངེས་ཅན་ཡོད་པར་བརྟེན་ཁ་བསླུས་རྒྱག་མཁན་གྱི་རེ་བ་དང་མཐུན་ཡོད། དེའི་ཕྱིར་ཁ་བསླུས་རྒྱག་མཁན་ཚོས་མི་དེའི་རིགས་འཚོལ་བར་ཧ་ཅང་དགའ་པོ་ཡོད། 2.ཡིད་ཆེས་ཐོབ་པར་བྱེད་པ། ཁ་བསླུས་རྒྱག་མཁན་གྱིས་གྲོགས་སྒྲིག་མཉེན་ཆསＡＰＰསྣ་ཚོགས་སམ་ཡང་ན་གཉེན་སྒྲིག་དྲ་ཚིགས་བརྒྱུད་གནོད་འཚེ་ཕོག་མཁན་དང་གྲོགས་པོ་བསྒྲིགས་རྗེས། གནོད་འཚེ་ཕོག་མཁན་དང་སྐད་ཆ་ཡང་ཡང་ཤོད་པ་དང་སེམས་ཁུར་ཡང་ཡང་བྱས་ནས་གནོད་འཚེ་ཕོག་མཁན་གྱིས་ཡིད་ཆེས་བྱེད་དུ་འཇུག་པ་དང་། གནོད་འཚེ་ཕོག་མཁན་དང་དགའ་རོགས་བསྒྲིགས་ནས་ཡིད་ཆེས་ཆེ་རུ་གཏོང་གི་ཡོད། 3.མ་རྩ་འཇོག་པར་བསླུ་བྲིད་བྱེད་པ། དགའ་རོགས་ཀྱི་འབྲེལ་བ་བརྟན་པོ་ཆགས་རྗེས་ཁ་བསླུས་རྒྱག་མཁན་གྱིས་རང་ཉིད་ལ་མ་འཇོག་ལས་སྟེགས་ཤིག་གམ་ཡང་ན་རྒྱན་འགྱེད་དྲ་ཚིགས་ཤིག་གི་ཆ་འཕྲིན་ནམ། ཡང་ན། ལས་སྟེགས་དེའི་སྐྱོན་ཆ་ཤེས་ཀྱི་ཡོད་ཅེས་ཤོད་ཀྱི་ཡོད། མ་འཇོག་བྱས་ཚེ་ཡོང་འབབ་ཡོད་པ་ལས་གྱོན་གུང་མི་ཕོག་པའི་ཁག་ཐེག་བྱེད་པ་མ་ཟད། གནོད་འཚེ་ཕོག་མཁན་ལ་ངན་སྐུལ་བྱས་ཏེ་རང་ཉིད་ཀྱིས་བཟོས་པའི་ལས་སྟེགས་རྫུན་མར་བརྟེན་ནས་མ་རྐང་དང་། རྒྱན་ཤོག དུས་ཟོག་སོགས་ཉོ་རུ་འཇུག་གི་ཡོད། མི་མང་ཆེ་བས་དངུལ་ཉུང་ཙམ་བཏང་ནས་ཉོས་རྗེས་ཁ་བསླུས་རྒྱག་མཁན་གྱིས་ཁེ་བཟང་ཉུང་ཙམ་སྤྲོད་ཀྱི་ཡོད། 4.མ་རྩ་ཕོན་ཆེན་འཇོག་ཏུ་བཅུག་པ། གནོད་འཚེ་ཕོག་མཁན་ལ་ཁེ་བཟང་རག་རྗེས་ཁྲམ་པས་གནོད་འཚེ་ཕོག་མཁན་ལ་མ་རྩ་བཏང་བའི་དངུལ་གྲངས་ཇི་ཙམ་མང་ན་ཁེ་བཟང་དེ་ཙམ་གྱིས་མང་བ་ཡོང་ལུགས་ཤོད་ཀྱི་ཡོད། སྐབས་དེ་དུས་གནོད་འཚེ་ཕོག་མཁན་གྱིས་ཡིད་ཆེས་ཆེན་པོ་བྱས་ཏེ་ལས་སྟེགས་སུ་དངུལ་མང་པོ་གཏོང་གི་ཡོད། 5.དངུལ་ལེན་མི་ཐུབ་པ། གནོད་འཚེ་ཕོག་མཁན་གྱིས་དངུལ་མང་པོ་བཏང་རྗེས་ལས་སྟེགས་སུ་ཁེ་བཟང་མེད་པ་ཤེས་འཕྲལ་དངུལ་ཚང་མ་མར་བཏོན་རྩིས་བྱེད་སྐབས་ལེན་ཐབས་བྲལ། 6.གོ་རྒྱུ་ཐོས་རྒྱུ་མེད་པར་གྱུར་པ། གནོད་འཚེ་ཕོག་མཁན་གྱིས་ཁྲམ་པ་དང་འབྲེལ་གཏུག་བྱེད་སྐབས་ཁ་བསླུས་རྒྱག་མཁན་གོ་རྒྱུ་ཐོས་རྒྱུ་མེད་པར་གྱུར་རྗེས། གནོད་འཚེ་ཕོག་མཁན་གྱིས་གཞི་ནས་ཁ་བསླུས་ཐེབས་པ་ཤེས་ཀྱི་ཡོད།