ཉེ་བའི་ལོ་ཤས་རིང་། ལྷ་ས་གྲོང་ཁྱེར་གྱི་ཆུས་དང་རྫོང་ཁག་གིས་ལྷ་ས་གྲོང་ཨུད་དང་གྲོང་ཁྱེར་སྲིད་གཞུང་གི་བཀོད་སྒྲིག་ལག་བསྟར་དོན་འཁྱོལ་ནན་ཏན་བྱས་ཏེ། འོ་མའི་བཟའ་བཅའི་སྤུས་ཚད་བདེ་འཇགས་འགན་ལེན་ལྟེ་བར་བྱེད་པ་དང་། བཞོན་མ་གསོ་ཚགས་དང་དེ་འབྲེལ་ཐོན་རྫས་ཀྱི་ཐོན་སྐྱེད་བྱེད་སྟངས་ལ་འགྱུར་ལྡོག་མགྱོགས་པོ་གཏོང་བ། བཞོན་མ་ཚད་གཞི་ཅན་དང་གཞི་ཁྱོན་ཅན་གྱི་གསོ་ཚགས་བྱེད་སྟངས་འཕེལ་རྒྱས་ཤུགས་ཆེན་གཏོང་བ། བཞོན་མའི་རྒྱུད་པ་ལེགས་བཅོས་དང་དཀར་ཆུའི་ལས་སྣོན་ཆུ་ཚད་ལེགས་སུ་གཏོང་བ། ལྷ་སའི་འོ་མའི་བཟའ་བཅའི་ཁྲོམ་ར་ཕུན་སུམ་ཚོགས་སུ་དང་ས་གནས་དེ་གའི་མང་ཚོགས་ཀྱི་ཡོང་འབབ་མང་དུ་གཏོང་བ་བཅས་བྱས་པས། ཞིང་འབྲོག་པའི་ལས་ཞུགས་འབབ་འཕར་དང་། ཐོན་ལས་གཞན་སྒྱུར་རིམ་སྤོར། ཞིང་འབྲོག་ཐོན་རྫས་མཁོ་སྤྲོད་སོགས་ལ་དགེ་མཚན་ལྡན་པའི་ནུས་པ་ཐོན་ཡོད་པ་རེད། འདི་ནི་བོད་ལྗོངས་ས་གཙང་དཀར་ཆུའི་ཐོན་ལས་ཚད་ཡོད་ཀུང་སིའི་ཐོན་སྐྱེད་འཁོར་ཁང་ཡིན་པ།