འདི་ནི་སྟག་རྩེ་ཆུས་ཀྱི་འགྲིམ་འགྲུལ་ཉེན་རྟོག་པས་གང་བྱུང་དུ་བཞག་པའི་འཕྲུལ་སྒུལ་མིན་པའི་འཁོར་རིགས་ཀྱི་ཁྲིམས་འགལ་བྱེད་སྤྱོད་ལ་བཅོས་སྒྲིག་བྱེད་བཞིན་པ།

འདི་ནི་སྟག་རྩེ་ཆུས་ཀྱི་ལས་བྱེད་ལས་བཟོས་གཙང་སྦྲ་བྱེད་བཞིན་པ།

ཉེ་ཆར། ལྷ་ས་གྲོང་ཁྱེར་གྱི་གྲོང་ཁྱེར་དང་གྲོང་གསེབ་ཁོར་ཡུག་ཕྱོགས་བསྡུས་བཅོས་སྒྲིག་ཆེ་མོའི་བྱ་སྤྱོད་སྐུལ་སློང་ཚོགས་ཆེན་འཚོགས་པ་དང་ཆབས་ཅིག་གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྒྲིག་བྱེད་པའི་བཀའ་རྒྱ་དང་གྲོང་ཁྱེར་ཡོངས་ཀྱི་རིམ་ཁག་ཏང་ཡོན་ལས་བྱེད་པས་འགན་འཁྲི་འཁུར་ཕོད་པ་དང་དོན་འཁྱོལ་ལ་དམ་འཛིན་བྱེད་དགོས་པའི་གདོང་མཆོང་གི་དུང་བརྡ་བསྒྲགས་ཤིང་། ཉིན་ཤས་བསྟུད་མར་ལྷ་ས་གྲོང་ཁྱེར་གྱི་རིམ་པ་ཁག་དང་སྡེ་ཚན་ཁག་གིས་བཀའ་རྒྱ་དང་ལེན་དང་། དོན་འཁྱོལ་ལ་དམ་འཛིན། བྱ་སྤྱོད་ཀྱི་ཇུས་གཞི་བཟོ་བ། འགལ་ཟླ་དང་དཀའ་ངལ་ལ་དམིགས་པ་བཅས་བྱས་ནས་གྲོང་ཁྱེར་ཡོངས་སུ་གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྒྲིག་གི་ལས་དོན་སྤེལ་འགོ་ཚུགས་པ་རེད།