ཉེ་ཆར། ལྷོ་ཁ་གྲོང་ཁྱེར་མི་དམངས་ཞིབ་དཔྱོད་ཁང་གིས་སྣེ་གདོང་ཆུས་ཧྲིན་ལི་དུས་རབས་ཐང་ཆེན་དུ“བཟའ་བཅའི་སྐོར་གྱི་བདེ་འཇཌ་འགན་ལེན་བྱས་ནས་ཞི་མཐུན་སྤྱི་ཚོགས་མཉམ་དུ་སྐྲུན་དགོས”ཞེས་པ་བརྗོད་དོན་གཙོ་བོར་བྱེད་པའི་བཟའ་བཅའི་བདེ་འཇགས་ཐད་ཀྱི་ཁྲིམས་ལུགས་ཁྱབ་གདལ་གྱི་དྲིལ་བསྒྲགས་བྱེད་སྒོ་སྤེལ་བ་རེད།

བྱེད་སྒོ་སྤེལ་རིང་། ཞིབ་དཔྱོད་དཔོན་ཚོས་འཕྲེད་འགེལ་སྦྱར་ཡིག་འགེལ་བ་དང་དྲིལ་བསྒྲགས་དཔྱད་ཡིག་སྤྲོད་པ་སོགས་ཀྱི་བྱེད་ཐབས་བརྒྱུད་འགྲོ་འོང་བྱེད་མཁན་མང་ཚོགས་ཚོར་བཟའ་བཅའི་བདེ་འཇགས་དང་འབྲེལ་བ་ཡོད་པའི་བཅའ་ཁྲིམས་དང་། ཁྲིམས་སྲོལ། དེ་བཞིན་བཟའ་བཅའི་བདེ་ཐང་གི་ཤེས་བྱ་སོགས་འགྲེལ་བཤད་ཞིབ་ཕྲ་བརྒྱབ་ནས་འཛད་སྤྱོད་པར་ཚོང་ཟོག་ཉོ་སྒྲུབ་བྱེད་སྐབས་བཟའ་བཅའ་འདེམས་ཤེས་པ་དང་ཆབས་ཅིག་བཟའ་བཅའི་ཐོན་སྐྱེད་ཀྱི་དུས་ཚོད་དང་སྤུས་ཚད་འགན་ལེན་དུས་ཚོད་སོགས་གསལ་པོ་ཤེས་དགོས་པའི་དྲན་སྐུལ་བྱས་པ་མ་ཟད། མང་ཚོགས་ལ་ཚད་ལྡན་བཟའ་བཅའ་དབྱེ་འབྱེད་དང་བཟའ་བཅའི་བདེ་འཇགས་ཀྱི་འདུ་ཤེས་ཟབ་ཏུ་དང་ཚན་རིག་དང་མཐུན་པའི་ངང་ཉེན་ཁར་ཁ་གཏད་གཅོག་པའི་འཇོན་ཐང་ཆེ་རུ་གཏོང་བར་ཁྲིད་སྟོན་ཧུར་ཐག་བྱས་པ་རེད། དེ་དང་དུས་མཚུངས། བཟའ་བཅའ་ཐོན་སྐྱེད་དང་གཉེར་སྐྱོང་བྱེད་མཁན་ཚོས་ཁྲིམས་སྲུང་གིས་གཉེར་སྐྱོང་གི་འགན་འཁྲིའི་འདུ་ཤེས་ཟབ་ཏུ་བཏང་ནས་མཉམ་དུ་ཁ་དན་ཚིག་གནས་དང་དྲང་གཞག་གི་བཟའ་བཅའི་བདེ་འཇགས་ཐོན་སྐྱེད་ཀྱི་རྣམ་པ་གཏོད་དགོས་པའི་འབོད་སྐུལ་བྱས་པ་རེད།