ལྷོ་ཁ་གྲོང་ཁྱེར་སྣ་དཀར་རྩེ་རྫོང་ཁ་རག་ཤང་མངགས་གཏོང་ཁང་གིས།
བོད་དུ་བོར་བའི་རྡོག་ཁྲེས་རང་འཇཌ་ཡུལ་སྐོར་བར་བསྐུར་བ།
ཉེ་ཆར། མང་ཚོགས་ཤིག་གིས་ལྷོ་ཁ་གྲོང་ཁྱེར་སྣ་དཀར་རྩེ་རྫོང་ཁ་རག་ཤང་མངགས་གཏོང་ཁང་དུ་ཡོང་ནས་གྱོན་ཆས་དང་སྨན་རྫས་སོགས་བླུགས་པའི་ལག་སྒམ་ཞིག་རྙེད་བྱུང་། ཧ་ལམ་ཡུལ་སྐོར་བ་ཞིག་གི་ཡིན་སྲིད། མི་དམངས་ཉེན་རྟོག་པས་རོགས་རམ་བྱས་ནས་བདག་པོར་སྤྲོད་རོགས་ཞེས་བཤད།
མི་དམངས་ཉེན་རྟོག་པས་ལག་སྒམ་ནང་གི་ཅ་ལག་ཚང་མར་བལྟས་རྗེས་མྱུར་དུ་དེའི་བདག་པོ་བཙལ། མི་དམངས་ཉེན་རྟོག་པས་ཕྱོཌ་མང་པོ་ནས་འདྲི་རྩད་དང་མཁའ་འགྲུལ་ཀུང་སིར་འབྲེལ་གཏུགས་བྱས་མཐར། བརླགས་དངོས་ཀྱི་བདག་པོ་ཀོང་ཀྲོའུ་ཡི་བུད་མེད་ཧོ་ལགས་ཡིན་པ་གཏན་འཁེལ་བྱས་པ་དང་འབྲེལ་ཁོ་མོ་དང་འབྲེལ་གཏུགས་ཀྱང་བྱེད་ཐུབ་པ་རེད།
རྒྱལ་སྟོན་གུང་གསེང་རིང་བུད་མེད་ཧོ་ལགས་ཀྱིས་བོད་དུ་ཡུལ་སྐོར་བྱེད་སྐབས་གཟབ་གཟབ་མ་བྱས་པར་རང་གི་ལག་སྒམ་བརླགས་པ་དང་། ཡིན་ཡང་བརླག་ས་གང་ཡིན་ལ་གསལ་ཁ་མེད་པ་རེད། མི་དམངས་ཉེན་རྟོག་པས་བུད་མེད་ཧོ་ལགས་ལ་འབྲེལ་གཏུགས་བྱེད་སྐབས། ཁོ་མོ་ཀོང་ཀྲོའུ་རུ་ལོག་ཟིན་པས། སྒམ་ལེན་པར་ཡོང་ཐབས་བྲལ་བ་རེད།
བརླགས་དངོས་ཀྱི་བདག་པོ་གཏན་འཁེལ་བྱས་རྗེས། མི་དམངས་ཉེན་རྟོག་པས་མྱུར་སྐྱེལ་བརྒྱུད་སྒམ་དེ་ཀོང་ཀྲོའུ་ལ་བསྐུར་པ་རེད། བུད་མེད་ཧོ་ལགས་ཀྱིས་ཁ་པར་ནས་མི་དམངས་ཉེན་རྟོག་པར་ཐུགས་རྗེ་ཆེ་ཞུས་པ་དང་ཆབས་ཅིག ངས་སྒམ་འདི་རྙེད་ཀྱི་མ་རེད་བསམས་མོད། ད་ཆ་རྙེད་པས་ཧ་ཅང་དགའ་པོ་བྱུང་ཞེས་བཤད་པ་རེད།