ཉེ་ཆར། རྒྱ་ཚ་རྫོང་སྤྱི་བདེ་ཅུས་ངར་རབ་གྲོང་རྡལ་མངགས་གཏོང་ཁང་གི་མི་དམངས་ཉེན་རྟོག་པས་ཁོངས་གཏོགས་ཁུལ་གྱི་ལྷ་མོའི་བླ་མཚོ་ལམ་དུ་མཚན་མོའི་ཞིབ་བཤེར་བྱེད་སྐབས། གྲོང་མིའི་སྡོད་ཁང་ཞིག་ཏུ་སྐལ་ཆེ་གེ་མོ་དང་། བཀྲ་ཆེ་གེ་མོ། སྐར་ཆེ་གེ་མོ། བཀྲ་ག་གེ་མོ་བཅས་མཱ་ཅང་བརྒྱབ་ནས་རྒྱན་པོ་འགྱེད་བཞིན་པ་ཤེས་རྟོགས་བྱུང་བ་རེད། སྤྱི་བདེ་མི་དམངས་ཉེན་རྟོག་པས་ས་ཆ་དེ་རང་ནས་རྒྱན་པོ་འགྱེད་མཁན་4བཟུང་བ་དང་ཆབས་ཅིག རྒྱན་དངུལ་སྒོར་66900གཞུང་བཞེས་བཏང་བ་རེད།

བརྟག་དཔྱད་བྱས་པ་བརྒྱུད། ཁྲིམས་འགལ་གྱི་དོགས་ཡོད་པ་བཀྲ་ག་གེ་མོས་ཁེ་བཟང་རག་རྒྱུ་དམིགས་ཡུལ་དུ་བྱས་ནས། གཞན་ལ་རྒྱན་པོ་འགྱེད་པའི་ཡོ་ཆས་དང་རྒྱན་པོ་འགྱེད་ས་མཁོ་འདོན་བྱས་ཏེ་ཁྲིམས་འགལ་གྱི་ཁེ་ཕན་སྒོར་3000རག་ཡོད། ཁྲིམས་འགལ་གྱི་དོགས་ཡོད་པ་སྐལ་ཆེ་གེ་མོ་དང་། བཀྲ་ཆེ་གེ་མོ། སྐར་ཆེ་གེ་མོ། བཀྲ་ག་གེ་མོ་བཅས་མི་4ཡིས་རྒྱན་པོ་འགྱེད་པའི་ཁྲིམས་འགལ་གྱི་དོན་དངོས་སྦ་གསང་མེད་པར་ངོས་ལེན་ཞུས་པ་རེད།

མིག་སྔར། སྐལ་ཆེ་གེ་མོ་དང་། སྐར་ཆེ་གེ་མོ། བཀྲ་ཆེ་གེ་མོ་བཅས་མི་3ལ་རྒྱན་པོ་འགྱེད་པའི་དོགས་གཞི་ཡོད་པས། རྒྱ་ཚ་རྫོང་སྤྱི་བདེ་ཅུས་ཀྱིས་ཁྲིམས་ལྟར་སྲིད་འཛིན་བཀག་ཉར་བྱས་པ་དང་། བཀྲ་ག་གེ་མོས་རྒྱན་པོ་འགྱེད་པའི་ཡོ་ཆས་དང་རྒྱན་པོ་འགྱེད་ས་མཁོ་འདོན་བྱས་ནས། རྒྱན་པོ་འགྱེད་པས་རྒྱ་ཚ་རྫོང་སྤྱི་བདེ་ཅུས་ཉེས་དོན་ཉེན་རྟོག་རུ་ཆེན་ལ་རྩིས་སྤྲད་པ་དང་གྱོད་གཞིར་སྔར་བས་མྱུལ་ཞིབ་བྱེད་བཞིན་ཡོད་པ་རེད།