ཉེ་ཆར་ཆུ་གསུམ་རྫོང་སྤྱི་བདེ་ཅུས་ཆུ་གསུམ་གྲོང་རྡལ་མངཌ་གཏོང་ཁང་གི་དྲ་མིག་མི་དམངས་ཉེན་རྟོག་པ་དང་བཅས་པས་ཁོངས་གཏོཌ་ཁུལ་གྱི་ཀྲུང་གོ་ཆུ་གློག་ཅུས་དགུ་པའི་གོང་སྟོད་གྲོང་ཚོའི་འོད་ཤུགས་རྣམ་གྲངས་ལས་ཡུལ་དུ་བསྐྱོད་དེ་ཁྲིམས་སྐྱོང་དྲིལ་བསྒྲགས་བྱས་པ་རེད།

བྱེད་སྒོ་སྤེལ་རིང་། མི་དམངས་ཉེན་རྟོག་པས་ཕན་ཚུན་སྤེལ་རེས་དང་། འཕྲེད་འགེལ་སྦྱར་ཡིག་འགེལ་བ། དྲིལ་བསྒྲགས་ཀྱི་དཔྱད་གཞིའི་ཡིག་རིགས་སྤྲོད་པ་སོགས་ཀྱི་བྱེད་སྟངས་བརྒྱུད་ཕྱོགས་ཡོངས་དང་ཟུར་ཚད་མང་པོའི་ཐོག་ནས་ཁེ་ལས་ཀྱི་ལས་བཟོར་གློག་འཕྲིན་དྲ་རྒྱའི་ཁ་བསླུས་འགོག་ཟོན་དང་། འགྲོ་ལམ་འགྲིམ་འགྲུལ་བདེ་འཇགས་ཀྱི་བཅའ་ཁྲིམས་ཁྲིམས་སྲོལ་ལ་སྲུང་བརྩི། “ཆགས་སྲེད་དང་། རྒྱན་འགྱེད། དུག་རྫས་བཅས”རིང་དུ་སྤོང་བའི་གལ་ཆེའི་རང་བཞིན་ནན་བཤད་ཀྱིས་ཚང་མར་སྒྲིག་བཀུར་ཁྲིམས་སྲུང་བྱས་ནས་བཅའ་ཁྲིམས་ཀྱི་མཚོན་ཆ་སྤྱད་དེ་རང་ཉིད་ཀྱི་ཁྲིམས་མཐུན་ཁེ་དབང་སྲུང་སྐྱོང་བྱེད་པར་ཁྲིད་སྟོན་བྱས་པ་རེད།

གོམ་སྟབས་རྗེས་མར། མངགས་གཏོང་ཁང་གིས་རང་ངོས་ཀྱི་འགན་འཁྲིར་གཞི་ཚུགས་པ་དང་ཁྲིམས་སྐྱོང་གི་ཚོང་གཉེར་ཁོར་ཡུག་ལེགས་སུ་བཏང་ནས་བཅའ་ཁྲིམས་ཁྱབ་གདལ་གྱི་དྲིལ་བསྒྲགས་བྱེད་སྒོ་རྒྱུན་མཐུད་གཏིང་ཟབ་སྤེལ་ཏེ། ཁོངས་གཏོགས་ཁུལ་གྱི་ཁེ་ལས་ཀྱི་ལས་བཟོར་རང་རྟོགས་ངང་ཁྲིམས་སྦྱོང་བ་དང་ཁྲིམས་སྲུང་བའི་འདུ་ཤེས་འཇགས་པར་ཁྲིད་སྟོན་བྱས་ནས་ཁེ་ལས་འཕེལ་རྒྱས་མྱུར་པོ་འགྲོ་བར་གཡས་གཞོགས་གཡོན་འདེགས་བྱ་རྒྱུ་རེད།

བསྡོམས་རྩིས་བྱས་པར་གཞིགས་ན། ད་རེས་ཀྱི་བྱེད་སྒོར་དྲིལ་བསྒྲགས་ཀྱི་དཔྱད་གཞིའི་ཡིག་རིགས་120ལྷག་ཙམ་སྤྲད་པ་དང་། འཕྲེད་འགེལ་སྦྱར་ཡིག་3བཀལ་བ། རང་སར་འབྲེལ་ཡོད་ཀྱི་གནད་དོན་20ལྷག་ཙམ་ལ་ལན་བརྒྱབ་ཡོད།