ཉེ་དུས། རྒྱལ་རྩེ་རྫོང་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་དང་མྱུལ་ཞིབ་རུ་ཆེན་གྱིས་རྫོང་མེ་ཟོན་རོགས་སྐྱོབ་རུ་ཆེན་དང་མཉམ་དུ་ཁོངས་གཏོགས་ཁུལ་གྱི་སློབ་གྲྭར་འགྲོ་ལམ་འགྲིམ་འགྲུལ་བདེ་འཇགས་དང་། མེ་ཟོན་བདེ་འཇགས། ཁ་བསླུས་ངོ་རྒོལ་བཅས་ཀྱི་ཤེས་བྱ་དྲིལ་བསྒྲགས་བྱེད་པའི་བྱེད་སྒོ་སྤེལ་བ་རེད།

ད་ཐེངས་ཀྱི་བྱེད་སྒོར་དྲིལ་བསྒྲགས་དཔྱད་ཡིག་300ལྷག་སྤྲད་པ་དང་དྲན་སྐུལ་གློག་བརྙན་དང་དྲིལ་བསྒྲགས་བརྙན་ཐུང་4བསྟན་པས་དགེ་སློབ་400ལྷག་ལ་སློབ་གསོ་ཐེབས་ཡོད་ཅིང་། འདི་ནི་འགྲིམ་འགྲུལ་ཉེན་རྟོག་པས་སློབ་མར་འགྲོ་ལམ་འགྲིམ་འགྲུལ་གྱི་བདེ་འཇགས་ཤེས་བྱ་འགྲེལ་བཤད་རྒྱག་བཞིན་པ།