དབྱར་དུས་ཀྱི་བདེ་འཇགས་བཅོས་སྒྲིག་བྱ་སྤྱོད་ལག་བསྟར་དོན་འཁྱོལ་གཏིང་ཟབ་བྱ་ཆེད། ལྷོ་ཁ་གྲོང་ཁྱེར་ཟངས་རི་རྫོང་སྤྱི་བདེ་ཅུས་ཀྱིས་རང་འགུལ་ངང་བྱ་སྤྱོད་སྤེལ་བ་དང་། བྱ་ཐབས་ནུས་ལྡན་སྤྱོད་པ། ཁྲིམས་འགལ་ཉེས་གསོག་བྱེད་སྤྱོད་ལ་རྡུང་རྡེག་ནན་པོ་གཏོང་བ། བྲོས་འདེད་ལས་དོན་ལ་དམ་འཛིན་ནན་པོ་བྱེད་པ། བྲོས་བྱོལ་དུ་འགྲོ་མཁན་གྱི་འཚོ་གནས་བར་མཐོངས་ཆུང་དུ་གང་ཐུབ་གཏོང་བ་བཅས་བྱས་ཏེ་སྤྱི་ཚོགས་བདེ་འཇགས་ཀྱི་སྤྱི་ཡོངས་རྒྱུན་མཐུད་བརྟན་ལྷིང་ལ་སྲུང་སྐྱོང་ཏན་ཏིག་བྱས་ཡོད།

ཟླ་9ཚེས་8ཉིན་གྱི་དགོང་མོར། རྫོང་སྤྱི་བདེ་ཅུས་རྫིང་ཕྱི་ཤང་མངགས་གཏོང་ཁང་དག་པོ་བདེ་འཇགས་ཕྱོགས་བསྡུས་ཞབས་ཞུའི་ས་ཚིགས་ཀྱིས་དབྱར་ཁའི་མཚན་དགུང་གི་བདེ་འཇགས་སྐོར་ཞིབ་དྲིལ་བསྒྲགས་གཅིག་སྡུད་གཅིག་གྱུར་བྱ་སྤྱོད་ཐེངས་གསུམ་པ་སྤེལ་རིང་། ཁོངས་གཏོགས་ཁུལ་གྱི་གླ་པ་ཞུས་ཆེ་གེ་མོ(མིང་ཚབ)བྲོས་བྱོལ་དུ་ཡོང་བའི་མི་སྣ་ཡིན་པའི་དོགས་པ་སྐྱེས་ཏེ་སྔར་བས་གྲལ་བཤེར་བྱས་པ་བརྒྱུད། ཞུས་ཆེ་གེ་མོས་ཆ་འཕྲིན་དྲ་རྒྱའི་ཉེས་གསོག་བྱེད་སྤྱོད་ལ་ངན་རོགས་བྱས་པས་ཧོ་ནན་ཞིང་ཆེན་ཉེན་རྟོག་ཕྱོགས་ཀྱིས་དྲ་ཐོག་ནས་བྲོས་འདེད་བྱས་པའི་ཉེས་གསོག་དོགས་ཅན་ཡིན་པ་གཏན་འཁེལ་ཐུབ་ནས་འཕྲལ་དུ་བཟུང་བ་དང་འབྲེལ། རྫོང་སྤྱི་བདེ་ཅུས་སུ་ཁྲིད་དེ་སྔར་བས་བརྟག་དཔྱད་བྱས་པ་རེད།

ཞིབ་དཔྱད་བྱས་པ་བརྒྱུད། ཟླ་བརྒྱད་པར་ཞུས་ཆེ་གེ་མོས་དྲ་རྒྱ་ནས་དངུལ་བུན་གཡར་སྐབས་རང་ཉིད་ཀྱི་མིང་འོག་གི་གཞུང་གི་རྩིས་ཁྲ་དང་། ལེ་ལག་ཚང་བའི་Uཕུབ། ཐོབ་ཐང་ལག་ཁྱེར་གྱི་པར་སློག་དང་དེ་བཞིན་ཚོང་གཉེར་ལག་ཁྱེར་གྱི་པར་སློག་སོགས་ཀྱི་དཔྱད་གཞིའི་ཡིག་རིགས་ཀོང་ཏུང་ཞིང་ཆེན་ཧྲན་ཐོའུ་གྲོང་ཁྱེར་དུ་བསྐུར་བ་རེད། དེ་རྗེས་རྩིས་ཐོ་དེ་གློག་འཕྲིན་དྲ་རྒྱའི་ཁ་བསླུས་བྱེད་སྒོར་སྤྱད་པ་དང་དུས་ཐུང་ཉིན་ཁ་ཤས་ནང་རྩིས་ཁྲ་དེས་ཉོ་ཚོང་ལས་རིམ་བྱེད་ཚད་སྒོར་ཁྲི་110ལྷག་ཙམ་ཟིན་ཡོད།

མིག་སྔར་ཞུས་ཆེ་གེ་མོར་ཁྲིམས་ལྟར་ཉེས་དོན་བཙན་ཤེད་ཀྱི་བྱ་ཐབས་སྤྱད་པ་དང་འབྲེལ་ཡོད་རྩིས་སྤྲོད་འགྲོ་ལུགས་སྒྲུབ་པའི་སྒང་རེད།

ཟངས་རི་སྤྱི་བདེས་དྲན་སྐུལ་བྱས་དོན། སྐབས་ཤིག་གི་འདོད་རྔམ་དང་ཁེ་ཕན་ཕྲན་བུར་བསམ་ནས་རང་ཉིད་ཀྱི་མིང་འོག་གི་ལག་ཐོགས་ཁ་པར་གྱི་གཱ་དང་། དངུལ་ཁང་གཱ ཁོག་སྟོང་ཀུང་སི་བཅས་ཀྱི་གཞུང་གི་རྩིས་ཁྲ་མི་གཞན་ལ་བོགས་མར་བཏང་བ་དང་མི་གཞན་ལ་བཙོངས་པ་ནི་བལྟས་ཚོད་ལ་གནད་འགག་དེ་ཙམ་མེད་པའི་བྱེད་སྤྱོད་ཅིག་ཡིན་རུང་། དེ་རིགས་ལ་ཁྲིམས་འགལ་ཉེས་གསོག་གི་དོགས་གཞི་ཡོད་པ་དང་། རང་ཉིད་ཀྱི་ཐོབ་ཐང་ལག་ཁྱེར་དང་། དངུལ་ཁང་གཱ ལག་ཐོགས་ཁ་པར་གྱི་གཱ་སོགས་ཉར་ཚགས་ཡག་པོ་བྱེད་དགོས། གལ་སྲིད་དངུལ་ཁང་གཱ་དང་ལག་ཐོགས་ཁ་པར་གྱི་གཱ་ཉོ་ཚོང་བྱེད་པའི་ཁྲིམས་འགལ་ཉེས་གསོག་གི་བྱེད་སྤྱོད་ཤེས་རྟོགས་ཐུབ་ཚེ་དུས་ཐོག་ཏུ་110དང་ཡང་ན་རྒྱལ་ཡོངས་ཀྱི་ཁ་བསླུས་ངོ་རྒོལ་ཆེད་གཏོང་ཁ་པར་96110ལ་ཐེར་འདོན་བྱེད་དགོས།