ཉེ་ཆར་ལྗོངས་ཞིང་ལས་གྲོང་གསེབ་ཐིང་དང་། ལྗོངས་ཚན་རིག་ལག་རྩལ་ཐིང་། ལྗོངས་མི་སྤྱི་ཐིང་། ལྗོངས་སྤྱི་ཁྱབ་བཟོ་ཚོགས་བཅས་ཀྱིས་གཙོ་གཉེར་བྱས་པའི་རང་སྐྱོང་ལྗོངས་ཞིང་ལས་ལས་རིགས་ཀྱི་རྩལ་ནུས་འགྲན་བསྡུར་ལྷ་སར་བྱས་པ་རེད།

ཤེས་རྟོགས་བྱུང་བར་གཞིགས་ན། ལྗོངས་ཡོངས་ཀྱི་གྲོང་ཁྱེར་དང་ས་ཁུལ་བདུན་ནས་ཡོང་བའི་བདམས་ཐོན་པ་42གྲ་སྒྲིག་འགྲན་བསྡུར་བྱས་པ་བརྒྱུད་དེ་གར་སླེབས་ཤིང་། འགྲན་བསྡུར་དྲག་པོ་བྱས་པ་བརྒྱུད་ཉིང་ཁྲི་གྲོང་ཁྱེར་གྱི་སྤེན་པ་དང་། ལྷ་ས་གྲོང་ཁྱེར་གྱི་རྐང་བཙུགས་དང་མིག་དམར་སྐྲ་བཟང་བཅས་མི་གསུམ་ལ་སྲོག་ཆགས་ཀྱི་རིམས་ནད་འགོག་བཅོས་ཀྱི་ཨང་དང་པོ་ནས་གསུམ་པ་བར་ཐོབ་པ་དང་། གཞིས་རྩེ་གྲོང་ཁྱེར་གྱི་འཇམ་དབྱངས་དང་། ལྷ་ས་གྲོང་ཁྱེར་གྱི་རྣམ་རྒྱལ། ལྷོ་ཁ་གྲོང་ཁྱེར་གྱི་སྐལ་གྲུབ་བཅས་ལ་སྒོ་ཕྱུགས་གསོ་སྤེལ་བའི་རྩལ་ནུས་འགྲན་བསྡུར་གྱི་ཨང་དང་པོ་ནས་གསུམ་པ་བར་ཐོབ་ཡོད། ཉེ་དུས་ཁོང་ཚོས་རང་ལྗོངས་ཀྱི་ཚབ་ཞུས་ནས་རྒྱལ་ཡོངས་ཀྱི་མཐའ་བསྡུར་ནང་ཞུགས་རྒྱུ་རེད།