དབྱར་དུས་གྱི་འགྲོ་ལམ་འགྲིམ་འགྲུལ་གྱི་བདེ་འཇགས་དོ་དམ་ལས་དོན་ཡག་པོ་སྒྲུབ་པ་དང་འགྲོ་ལམ་འགྲིམ་འགྲུལ་གྱི་ལས་འཛོལ་ཐོན་རྒྱུ་ནུས་ལྡན་ངང་བཀག་འགོག་དང་ཉུང་དུ་གཏོང་ཆེད། ཉེ་ཆར། ལྷོ་ཁ་གྲོང་ཁྱེར་སྣེ་གདོང་ཆུས་སྤྱི་བདེ་ཅུས་འགྲིམ་འགྲུལ་ཉེན་རྟོག་རུ་ཆེན་གྱིས་ཁོངས་གཏོགས་ཁུལ་གྱི་ཞིང་ཆེན་ལམ་508དང་509ལ་ཞིབ་བཤེར་བྱེད་པའི་ཆེད་དོན་བྱ་སྤྱོད་སྤེལ་བ་རེད།

བྱ་སྤྱོད་སྤེལ་རིང་། འགྲིམ་འགྲུལ་ཁྲིམས་འགལ་གྱི་བྱེད་སྤྱོད་8ཞིབ་བཤེར་ཐག་གཅོད་ཐུབ་པའི་ནང་ཁ་ལོ་བའི་ལག་ཁྱེར་མེད་པ་1དང་གཏན་འབེབས་བཞིན་བདེ་འཇགས་སྲུང་ཐག་བཅིངས་མེད་པ་7ཡོད་པ་རེད།