ཉེ་ཆར་ལྷོ་ཁ་གྲོང་ཁྱེར་སྣེ་གདོང་ཆུས་སྤྱི་བདེ་ཅུས་མྱུར་བགྲོད་གཞུང་ལམ་ས་ཚིགས་ཀྱི་སྡོད་བྱའི་མི་དམངས་ཉེན་རྟོག་པས་ལྷ་ས་གྲོང་ཁྱེར་ནས་སྣེ་གདོང་ཆུས་ལ་སྐྱོད་མཁན་འཁོར་རྟགས་བོད་A···ནུས་རྒྱུ་གསར་པའི་རླངས་འཁོར་ཆུང་གྲས་གཅིག་ལ་འཆར་ཅན་བརྟག་དཔྱད་བྱེད་སྐབས། ཉེས་གསོག་དོགས་ཅན་ཀུན་ཆེ་གེ་མོ་ཤེས་རྟོགས་ཐུབ་ནས་འཕྲལ་མར་བཀག་ཉར་བྱས་པ་རེད། ཀུན་ཆེ་གེ་མོ་ནི་རྒྱག་རེས་བརྒྱབ་པའི་རྐྱེན་གྱིས་ལྷ་ས་གྲོང་ཁྱེར་ཁྲེང་ཀོན་ཆུས་སྤྱི་བདེ་ཡན་ལག་ཅུས་གླིང་གཉིས་མངགས་གཏོང་ཁང་གིས་འཛིན་བཟུང་བཀའ་རྒྱ་བཏང་བའི་ཉེས་གསོག་དོགས་ཅན་ཡིན་ཞིང་། མིག་སྔར་ཁོ་པ་ཁྲིམས་ལྟར་འབྲེལ་ཡོད་ལས་ཁུངས་ལ་རྩིས་སྤྲད་པ་རེད།