ཉེ་བའི་ལོ་ཤས་རིང་། ཀྲུང་གོ་མི་དམངས་དངུལ་ཁང་ལྷོ་ཁ་གྲོང་ཁྱེར་ལྟེ་བའི་ཉིང་ལག་དངུལ་ཁང་གིས་རྒྱལ་མཛོད་ཆ་འཕྲིན་ཅན་འཛུགས་སྐྱོང་ལ་རྒྱུན་ཆད་མེད་པར་སྐུལ་འདེད་བཏང་ཞིང་། རྒྱལ་མཛོད་གཏོང་ཡོང་ལས་སྒོའི་གློག་རྡུལ་ཅན་གྱི་འཕེལ་རིམ་ལ་སྐུལ་འདེད་ཧུར་ཐག་བཏང་བ་དང་ལས་སྒོ་སྒྲུབ་གཉེར་གློག་རྡུལ་ཅན་དང་རང་འགུལ་ཅན་གྱི་ཆུ་ཚད་རིམ་གྱིས་མཐོ་རུ་སོང་བར་བརྟེན། ལས་སྒོ་གཉེར་ཡུན་སྔར་བས་ཐུང་དུ་ཕྱིན་པ་དང་མི་ཐབས་དཔྱད་ཞིབ་ཀྱིས་རྐྱེན་པས་ཐོན་པའི་ནོར་འཁྲུལ་ཡང་ཉུང་དུ་སོང་ནས་དམངས་ཕན་དམངས་ཁེའི་ཞབས་འདེཌ་ཀྱི་ཆུ་ཚད་ཕྱོགས་ཡོངས་ནས་མཐོ་རུ་སོང་བ་དང་། ལས་སྒོ་སྒྲུབ་གཉེར་གྱི་སྤུས་ཚད་དང་ལས་ཕྱོད་མངོན་གསལ་དོད་པོས་ལེགས་སུ་ཕྱིན་ཡོད་པ་རེད།