འདི་ནི་འཕྲལ་སྡོམ་མྱུར་སྐྱོབ་དང་ཐག་གཅོད་ཀྱི་རྩལ་ནུས་འགྲན་བསྡུར་བྱ་ཡུལ་ཡིན་པ།

 ཉེ་ཆར། རང་སྐྱོང་ལྗོངས་ཁྲིམས་འཛིན་ཐིང་ཁོངས་གཏོགས་བཟོ་ཚོགས་ཀྱིས་གཙོ་གཉེར་བྱས་པ་དང་། བོད་ལྗོངས་ཁྲིམས་འཛིན་ཉེན་རྟོག་སྨན་ཁང་བཟོ་ཚོགས་ཀྱིས་སྒྲུབ་འགན་འཁུར་བའི“བདུན་གཅིག”ལ་བསུ་བ་ཞུ། “འབད་འབུངས་ཡར་བརྩོན་གྱིས་རྒྱང་ལམ་གསར་པར་སྐྱོད། ‘ལོ་ལྔ་ཚན་བཅུ་བཞི་པར’བྱས་རྗེས་འཇོག་པའི”ཁྲིམས་འཛིན་ཁོངས་གཏོགས་ཀྱི་འཕྲལ་སྡོམ་མྱུར་སྐྱོབ་དང་ཐག་གཅོད་ཀྱི་རྩལ་ནུས་འགྲན་བསྡུར་སྐབས་དང་པོ་ལྷ་སར་གཉེར་བ་རེད།

“ད་ཐེངས་ཀྱི་འགྲན་བསྡུར་དེ་ཁྲིམས་འཛིན་ཁོངས་གཏོགས་ཀྱི་སྨན་དོན་པ་ཡོངས་ཀྱི་འགོ་འཛུགས་ས་གསར་པ་དང་གོ་སྐབས་གསར་པར་འགྱུར་བར་བྱས་ནས་ཆུ་ཚད་སྔར་བས་མཐོ་རུ་དང་ལས་རིགས་ཀྱི་བྱང་ཚད་མཐོ་རུ་གཏོང་རྒྱུའི་རེ་བ་ཡོད། གོམ་སྟབས་རྗེས་མར་བོད་ལྗོངས་ཁྲིམས་འཛིན་ཁོངས་གཏོགས་ཀྱིས་ལས་ཀའི་ཁྲོད་རྒྱུན་ཆད་མེད་པར་དགེ་ལེན་སྐྱོན་སེལ་བྱས་ཏེ་འགྲན་སློབ་སྙེག་བརྒལ་བཅས་ཀྱི་རྣམ་པ་བཟང་པོ་བཏོད་ནས། ཚན་རིག་དང་མཐུན་ལ་གཟབ་ནན་ཞིབ་ཚགས་ཀྱི་རྣམ་འགྱུར་ནས་སྨན་བཅོས་ཀྱི་སྤུས་ཚད་རྒྱུན་ཆད་མེད་པར་མཐོ་རུ་བཏང་སྟེ། ལྗོངས་ཡོངས་ཀྱི་རྒྱུན་མཐུད་བདེ་འཇགས་བརྟན་ལྷིང་དང་སྤུས་ཚད་མཐོ་བའི་འཕེལ་རྒྱས་ལ་ཞབས་ཞུ་དང་འགན་ལེན་བྱ་ཆེད་ཁྲིམས་འཛིན་གྱི་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན”ཞེས་རང་སྐྱོང་ལྗོངས་ཁྲིམས་འཛིན་ཐིང་གི་ཐིང་ཀྲང་གཞོན་པ་ནོར་སྒྲོན་གྱིས་བཤད།