ཉེ་བའི་ལོ་ཤས་རིང་། བོད་ལྗོངས་སྤང་རྒྱན་མེ་ཏོག་བཟོ་ཚོང་ཚད་ཡོད་ཀུང་སིས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་ཡིན་པའི་བོད་རིགས་ཀྱི་པང་གདན་དང་ཁ་གདན་འཐག་རྩལ་ལ་བརྟེན་ནས་བོད་ལྗོངས་སྤང་རྒྱན་མེ་ཏོག་བོད་རུམ་སྲོལ་རྒྱུན་འཐག་རྩལ་གྱི་མངོན་མིན་རིག་གནས་ཤུལ་བཞག་གི་བཟོ་ཁང་བཙུགས་ཏེ་སྲོལ་རྒྱུན་ལག་རྩལ་ལ་ཞིབ་འཇུག་དང་། གསོ་སྦྱོང་། ཇུས་འགོད། འགྲེམས་སྟོན་དང་འགྲེམས་ཚོང་གི་འཇོན་ཐང་གསོ་སྦྱོང་སོགས་ཀྱི་ཐབས་ལ་བརྟེན་ནས་མངོན་མིན་རིག་གནས་ཤུལ་བཞག་བརྒྱུད་གྲོང་གསེབ་དར་རྒྱས་ལས་དོན་ལ་རམ་འདེགས་བྱས་ཡོད།

ངོ་སྤྲོད་བྱས་པར་གཞིགས་ན། བོད་ལྗོངས་སྤང་རྒྱན་མེ་ཏོག་བོད་རུམ་སྲོལ་རྒྱུན་འཐག་རྩལ་གྱི་མངོན་མིན་རིག་གནས་ཤུལ་བཞག་གི་བཟོ་ཁང་གིས་བོད་ལྗོངས་སྤང་རྒྱན་མེ་ཏོག་བོད་རུམ་བཟོ་ཚོང་ཚད་ཡོད་ཀུང་སིས་ཐོན་སྐྱེད་འཁོར་ཁང་དང་། དོ་དམ་ཚོགས་པ། ཇུས་འགོད་བྲིན་ཚོང་ལས་སྟེགས། གསོ་སྦྱོང་དགེ་རྒན་དང་སྒྲིག་བཀོད་བཅས་ལ་བརྟེན་ནས་རྩལ་ནུས་གསོ་སྦྱོང་དང་། ཐོན་རྫས་ཇུས་འགོད་ལེགས་གཏོང་། འགྲེམས་སྟོན་དང་འགྲེམས་ཚོང་སོགས་བྱས་ཏེ་2019ལོ་ནས་2022ལོ་བར་ཁྱོན་བསྡོམས་སྤྱི་ཕན་རང་བཞིན་གྱི་རྩལ་ནུས་གསོ་སྦྱོང་དུས་ཐེངས་10ལྷག་ཙམ་བྱས་པ་དང་། མི་གྲངས་1000ལྷག་ཙམ་གསོ་སྦྱོང་བྱས་པ། མི་400ལྷག་ཙམ་ལ་ལག་ཁྱེར་རག་ཡོད། སྦྱངས་པ་མཐར་ཕྱིན་བྱུང་རྗེས་ཁོང་ཚོ་ཁེ་ལས་སུ་ལས་ཀའམ་ཡང་ན་རང་བརྟེན་ལས་གཏོད་བྱེད་ཀྱི་ཡོད་པས། ལོར་ཡོང་འབབ་སྒོར་ཁྲི་3ནས་6བར་ཟིན་གྱི་ཡོད།