འདི་ནི་སྐྱིད་གྲོང་རྫོང་སྤྱི་བདེ་ཅུས་ཀྱིས་མི་དམངས་ཉེན་རྟོག་པ་སྒྲིག་འཛུགས་བྱས་ནས་སྲིད་གཙང་ཉེན་ཟོན་སློབ་གསོའི་རྟེན་གཞིར་ལྟ་སྐོར་དང་། མི་དམངས་ཉེན་རྟོག་པར་རྩ་ཁྲིམས་ཀྱི་སྙིང་སྟོབས་གོང་དུ་བཀུར་དགོས་པའི་ཁྲིད་སྟོན་བྱེད་བཞིན་པ།

2023ལོ་ནི་ཏང་གི་ཚོགས་ཆེན་ཉི་ཤུ་པའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པའི་འགོ་ཚུགས་ལོ་ཡིན་པས། གཞིས་རྩེ་གྲོང་ཁྱེར་སྐྱིད་གྲོང་རྫོང་སྤྱི་བདེ་ཅུས་ཏང་ཨུད་ཀྱིས“ཏང་འཛུགས་སྐྱོང་ལ་བརྟེན་ནས་དཔུང་ཁག་འཛུགས་སྐྱོང་ལ་སྣེ་ཁྲིད་དང་དཔུང་ཁག་འཛུགས་སྐྱོང་ལ་བརྟེན་ནས་ལས་ཀར་སྐུལ་འདེད་གཏོང་བའི”ལས་ཀའི་འདུ་ཤེས་བརྟན་པོར་བཙུགས་ཏེ། ཏང་དང་མི་དམངས་བློ་ཡིད་ཚིམ་པའི་སྤྱི་བདེའི་དཔུང་ཁག་ནུས་ཤུགས་ཡོད་རྒུས་བཏོད་ཡོད།

དད་སེམས་ཀྱི་རྨང་གཞི་བརྟན་དུ་བཏང་བ།

རྫོང་སྤྱི་བདེ་ཅུས་ཀྱིས་ཆབ་སྲིད་འཛུགས་སྐྱོང་དེ་ཉེན་རྟོག་ལས་དོན་གྱི་གནས་བབ་ཨང་དང་པོར་བཞག་པ་མ་ཟད། ཐོག་མཐའ་བར་གསུམ་དུ་བསམ་བློ་ཆབ་སྲིད་འཛུགས་སྐྱོང་གི་རྒྱུན་གཏན་ལས་དོན་དང་མཉམ་འདྲེས་བྱས་ཏེ་བསམ་བློའི་ཐད་ངོས་འཛིན་གཅིག་མཐུན་དང་བྱ་སྤྱོད་ཐད་མིག་ལྟོས་བྱས་ནས་ཏང་ལ་བློ་དཀར་སེམས་དཀར་བྱེད་པའི་ཆོད་སེམས་བརྟན་དུ་བཏང་ཡོད། ཆབ་སྲིད་ཀྱི་སློབ་གསོ་དང་ཉེན་ཟོན་གྱི་སློབ་གསོ་དེ་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཆབ་སྲིད་ཀྱི་རེས་སྐོར་གསོ་སྦྱོང་ཁྲོད་འཇུག་རྒྱུ་མཐའ་འཁྱོངས་བྱས་ཏེ། ཉེན་རྟོག་པ་ཡོངས་ཀྱི་ལྷག་བསམ་རྣམ་དག་དང་། སྤྱོད་གཙང་། བློས་འགེལ་ཆོག་པ་བཅས་ཀྱི་བསམ་བློའི་རྨང་གཞི་ཟམ་མི་ཆད་པར་བརྟན་དུ་བཏང་ཡོད། སྤྱི་བདེའི་དཔེ་བཟང་གི་སྔོན་ཐོན་བྱས་རྗེས་ལ་སློབ་སྦྱོང་དང་། སྔོན་ཐོན་དཔེ་མཚོན་གྱི་མིག་དཔེའི་ནུས་པ་དང་། ཁྱབ་འགྱེད་ཀྱི་ནུས་པ། སྐུལ་ལྕག་གི་ནུས་པ་བཅས་གང་ལེགས་འདོན་པ། ཆབ་སྲིད་ཀྱི་བརྡར་ཤ་གཅོད་ནུས་དང་། ཆབ་སྲིད་ཀྱི་གོ་རྟོགས་སད་ནུས། ཆབ་སྲིད་ཀྱི་ལག་བསྟར་བྱེད་ནུས་བཅས་ཟམ་མི་ཆད་པར་ཆེ་རུ་གཏོང་བ་བཅས་བྱས་ཏེ། ལྷག་བསམ་རྣམ་དག་བྱེད་པ་དེ་ཉེན་རྟོག་པའི་ཁྲག་རྒྱུན་དང་བླ་སྲོག་དང་དངོས་འབྲེལ་མཉམ་འདྲེས་ཐུབ་པར་བྱས་ཡོད།

གསར་གཏོད་སྣེ་ཁྲིད་ལ་ཤུགས་སྣོན་བརྒྱབ་པ།

རྫོང་སྤྱི་བདེ་ཅུས་ཀྱིས“ཏང་འཛུགས་སྐྱོང་གི་ལས་དོན་དང་ལས་སྒོའི་ལས་དོན་མཉམ་འདྲེས་གཏིང་ཟབ་བྱེད་པའི”འདུ་ཤེས་རྒྱུན་ཆད་མེད་པར་ཟབ་ཏུ་བཏང་སྟེ། ནུས་ཤུགས་ཡོད་རྒུས་ཏང་འཛུགས་སྐྱོང་གི“སྒུལ་ཤུགས”འཕེལ་བར་བྱས་ཡོད། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པའི་ལས་དོན་དང་ཟུང་འབྲེལ་བྱས་ནས་ཏང་རྩ་འཛུགས་ཀྱི་འཚོ་བའི་ཐབས་ལམ་གསར་པ་རྒྱུན་ཆད་མེད་པར་འཚོལ་ཞིབ་དང་། ཏང་འཛུགས་སྐྱོང་གི་སྤུས་རྟགས་གཏོད་པར་སྐུལ་འདེད་ཧུར་ཐག་གཏོང་བ། “ཉེན་རྟོག་པ་དང་དང་བླངས་པའི”ཏང་འཛུགས་སྐྱོང་ལས་དོན་གྱི་མཉམ་ཤུགས་གཅིག་སྒྲིལ། ཐོན་ཁུངས་མཉམ་སྤྱོད་དང་ལས་དོན་མཉམ་འགུལ་བཅས་བྱས་པས། སྤྱི་ཚོགས་བདེ་འཇགས་ཀྱི་དུས་བབ་རྒྱུན་མཐུད་ལེགས་སུ་ཕྱིན་པ་མ་ཟད། མི་དམངས་མང་ཚོགས་བློ་ཡིད་ཚིམ་ཚད་ཟམ་མི་ཆད་པར་མཐོ་རུ་ཕྱིན་ཡོད།

ཉམས་སད་ཐེག་ཐུབ་པའི་སྤྱོད་ཚུལ་བསྐྱངས་པ།

རྫོང་སྤྱི་བདེ་ཅུས་ཀྱིས“ཏང་འཛུགས་སྐྱོང་ལ་དམ་འཛིན་དང་། དཔུང་ཁག་འཛུགས་སྐྱོང་ལ་སྣེ་ཁྲིད། ལས་སྒོར་སྐུལ་འདེད་གཏོང་བ”བཅས་མཐའ་འཁྱོངས་བྱས་པས“ཏང་འཛུགས་སྐྱོང་གིས་ལས་སྒོར་སྣེ་ཁྲིད་དང་། ལས་སྒོའི་ཁྲོད་ནས་ཏང་འཛུགས་སྐྱོང་གི་གྲུབ་འབྲས་མངོན་པའི”མཉམ་འགུལ་རྣམ་པ་བཟང་པོ་ཞིག་གྲུབ་པ་མ་ཟད། ཏང་འཛུགས་སྐྱོང་གི་ལས་དོན་དང་དཔུང་ཁག་འཛུགས་སྐྱོང་ལ་མཉམ་དུ་ཤུགས་སྣོན་རྒྱག་པ་དང་མཉམ་དུ་འཕེལ་རྒྱས་འགྲོ་བར་སྐུལ་འདེད་བཏང་ཡོད། ཆབ་སྲིད་ལ་བརྟེན་ནས་ཉེན་རྟོག་པའི་དཔུང་ཁག་འཛུགས་སྐྱོང་ལ་སྐུལ་འདེད་གཏིང་ཟབ་གཏོང་བ་དང་། “འགག་རྩའི་ཉུང་ཤས”ཀྱིས“མང་ཆེ་བར”སྣེ་ཁྲིད་པའི་ནུས་པ་འདོན་སྤེལ། “རིམ་པ་གཅིག་གིས་རིམ་པ་གཅིག་ལ་མིག་དཔེ་ལྟ་བ་དང་རིམ་པ་གཅིག་གིས་རིམ་པ་གཅིག་ལ་སྣེ་ཁྲིད”བྱས་ནས་ལས་དོན་སྒྲུབ་པའི་རྣམ་པ་ཧུར་ཐག་གཏོད་པ། ཅུས་ཡོངས་ཀྱི་མི་དམངས་ཉེན་རྟོག་པ་དང་ལས་རོགས་ཉེན་རྟོག་པའི་བསམ་བློ་གཅིག་འགྱུར་ལ་ཁྲིད་སྟོན། དངོས་སྒྲུབ་ལ་བརྟེན་ནས་ལྷག་བསམ་མཚོན་པར་བྱེད་པ། གྲུབ་འབྲས་དངོས་ལ་བརྟེན་ནས་འགན་འཁྲི་མངོན་པར་བྱེད་པ། འབད་འབུངས་ཡར་བརྩོན་དང་དཔའ་ངར་ཆེན་པོས་མདུན་སྐྱོད་བཅས་བྱས་ནས་སྤྱོད་ཚུལ་ཐད་ཉམས་སད་ཐེག་ཐུབ་པའི་སྐྱིད་གྲོང་གི་སྤྱི་བདེའི་དཔུང་ཁག་ཧུར་ཐག་བཏོད་ཡོད།

དམངས་ལ་བཅངས་པའི་བརྩེ་སེམས་ཟབ་ཏུ་བཏང་བ།

“ཞབས་ཞུ་ལེགས་པར་སྒྲུབ་པའི”ལས་དོན་གྱི་འདུ་ཤེས་མཐའ་འཁྱོངས་ཀྱིས་རྫོང་སྤྱི་བདེ་ཅུས་ཀྱིས་རང་འགུལ་ངང་ལས་དོན་སྒྲུབ་པ་དང་། “7＋1”གི་ཆེད་དོན་བྱ་སྤྱོད་ཟབ་ཏུ་གཏོང་རྒྱུ་གོ་སྐབས་སུ་བྱེད་པ། སྤྱི་བདེ་ལས་ཁུངས་ཀྱི་དོ་དམ་ཞབས་འདེགས་ནུས་པ་དང་། རྡུང་རྡེག་གཏོང་བའི་ནུས་པ། ཁྲིམས་སྒྱུར་ཆུ་ཚད་བཅས་ཟམ་མི་ཆད་པར་མཐོ་རུ་གཏོང་བ་བཅས་བྱས་ཏེ་གནད་སྨིན་དང་། ཕྱོགས་ཡོངས། ལྷག་བསམ་ཟོལ་མེད་བཅས་ཀྱི་སྒོ་ནས་མང་ཚོགས་ལ་བྱ་བ་དངོས་བསྒྲུབས་པ་དང་དཀའ་གནད་བསལ་ཡོད། སྤྱི་བདེའི“གློད་སྡོམ་ཞབས་གསུམ”གྱི་སྒྱུར་བཅོས་མུ་མཐུད་ཟབ་ཏུ་གཏོང་བ་དང་། “སྟབས་བདེ”དང་། “མྱུར་བ” “ལེགས་པ”བཅས་ལ་དམིགས་ནས་སྤྱི་བདེའི་སྐར་ཁུང་གི་ཞབས་འདེགས་ཐབས་ལམ་ཟམ་མི་ཆད་པར་ཤར་གཏོང་ཐུབ་པར་བྱས་ཏེ་དུས་བདེ་དང་བརྟན་ལྷིང་གི་སྤྱི་ཚོགས་ཁོར་ཡུག་ཧུར་ཐག་བཏོད་ཡོད།