སོག་རྫོང་གིས་ཏང་འཛུགས་སྐྱོང་གི་ཁྱད་ལྡན་སྤུས་རྟགས་བཏོད་དེ་བློ་ཡིད་ཚིམ་པའི་སྤྱི་བདེ་དམིགས་བསལ་ཉེན་རྟོག་རུ་ཁག་འཛུགས་སྐྱོང་བྱས་པ།
ཉེ་བའི་ལོ་ཤས་རིང་། སོག་རྫོང་སྤྱི་བདེ་ཅུས་དམིགས་བསལ་ཉེན་རྟོག་རུ་ཆེན་གྱིས་གཞུང་འཁྱོངས་གསར་འབྱེད་ཐོག་མཐའ་བར་གསུམ་དུ་མཐའ་འཁྱོངས་བྱས་ནས། ཏང་འཛུགས་སྐྱོང་གི་ཁྱད་ལྡན་སྤུས་རྟགས་གཏོད་པར་དམིགས་ཏེ་སེམས་ནུས་གཅིག་སྒྲིལ་གྱིས་ཏང་འཛུགས་སྐྱོང་ལས་དོན་གྱི་སྣེ་ཁྲིད་ནུས་པ་མུ་མཐུད་ཆེ་རུ་བཏང་སྟེ། སྤྱི་བདེའི་ལས་དོན་ལ་མཆོང་སྐྱོད་གསར་པ་ཡོང་བར་སྐུལ་འདེད་བཏང་ཡོད། “མཉམ་སྡེབ་ཀྱི་བྱས་རྗེས་རིམ་པ་གསུམ་པ”དང་། “གྲུབ་འབྲས་མངོན་གསལ་དོད་པའི་ཕུལ་བྱུང་མཉམ་སྡེབ” “རྫོང་རིམ་པའི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་མཉམ་སྡེབ”བཅས་སྔ་རྗེས་སུ་ཐོབ་པ་མ་ཟད། ལོ་བཞི་བསྟུད་མར་རྫོང་ཡོངས་ཀྱི་ཏང་འཛུགས་སྐྱོང་ལས་དོན་གྱི་ལས་འགན་སྒྲུབ་ཚུལ་གྱི་དཔྱད་མོལ་དཔྱད་ཞིབ་ཁྲོད་ཕུལ་བྱུང་གི་གྲུབ་འབྲས་ཀྱང་ཐོབ་པ་རེད།
སོག་རྫོང་སྤྱི་བདེ་ཅུས་དམིགས་བསལ་ཉེན་རྟོག་རུ་ཆེན་གྱིས་ཏང་འཛུགས་སྐྱོང་གི་དཔེ་སྟོན་ས་ཚིགས་བསྐྲུན་རྒྱུ་དམ་འཛིན་བྱེད་སར་བརྩིས་ནས། “དམིགས་བསལ་ལྔའི་སྙིང་སྟོབས་དར་སྤེལ་བཏང་སྟེ་ཧྲག་པོ་བཞིའི་དཔུང་ཁག་བསྐྲུན་པའི”གཞི་རིམ་གྱི་ཁྱད་ལྡན་ཏང་འཛུགས་སྐྱོང་གི་སྤུས་རྟགས་ནུས་ཤུགས་ཡོད་རྒུས་བཏོད་པ་དང་། “ཁང་མིག་གཉིས་དང་བར་ཁྱམས་གཅིག”བསྐྲུན་ནས་གཟི་བརྗིད་གཟེངས་རྟགས་གྱང་དང་། ཉམས་འགྱུར་མངོན་པའི་གྱང་བཙུགས་ནས་ཏང་འཛུགས་སྐྱོང་བྱེད་སྒོའི་གཞི་རྟེན་ཕུན་སུམ་ཚོགས་སུ་གཏོང་ཆེད་ལས་སྟེགས་བཏོད་པ་དང་། མི་སེམས་གཅིག་སྒྲིལ་གྱིས་ཁྱད་ཆོས་རིམ་བཞིན་ཁྱད་ལྡན་ལ་གྱུར་བར་བྱས་ཡོད། ཏང་གི་ཆབ་སྲིད་འཛུགས་སྐྱོང་ཨང་དང་པོར་འཇོག་རྒྱུ་མཐའ་འཁྱོངས་དང་། “དྲ་ཐོག་དང་དྲ་ཕྱི་ཟུང་དུ་འབྲེལ་བའི”མཉམ་འདྲེས་སློབ་གསོར་བརྟེན་ནས“རྣམ་པ་ཀུན་དང་སྒོ་དབྱེ་རྣམ་པའི”ཏང་ཡོན་སློབ་གསོའི་རྣམ་པ་གསར་པ་བཏོད་ཡོད། གསར་བརྗེའི་ཐོན་ཁུངས་ཀྱི་ལེགས་ཆ་བཏོན་ནས་བློ་སྒྲིལ་སེམས་སྐྱེད་ཀྱིས་སློབ་སྦྱོང་སློབ་གསོའི་གསོན་ཉམས་རང་བཞིན་དང་ཕན་ཆེའི་རང་བཞིན་འགན་ལེན་བྱས་ཤིང་། དཔེ་མཚོན་གྱིས་དཔེ་སྟོན་སྣེ་ཁྲིད་འབུར་དུ་ཐོན་པར་བྱས་ཏེ་ཏང་ཡོན་གྱི་གདོང་ལེན་དཔེ་བཟང་འཛུགས་སྐྱོང་ལ་མུ་མཐུད་དམ་འཛིན་ཡག་པོ་བྱས་ཡོད།
“དམིགས་བསལ་ལྔའི་སྙིང་སྟོབས་དར་སྤེལ་བཏང་སྟེ་ཧྲག་པོ་བཞིའི་དཔུང་ཁག་བསྐྲུན་པའི”ཏང་འཛུགས་སྐྱོང་སྤུས་རྟགས་ཀྱི་ཕན་འབྲས་སྐུལ་སྤེལ་འོག་སོག་རྫོང་སྤྱི་བདེ་དམིགས་བསལ་ཉེན་རྟོག་པས་ཏང་ལ་དགའ་ཞེན་གྱི་བསམ་པ་དང་། བྱ་གཞག་གཏོད་སེམས། དམངས་ལ་བྱམས་སེམས་བཅས་ལྡན་པའི“སྤྱི་བདེའི་དམག་ཧྲག”ཅིག་བཙུགས་ཡོད། ཏང་ཀྲི་པུས་དམག་འཐབ་མཁར་རྫོང་གི་ནུས་པ་གང་ལེགས་བཏོན་ནས་ཞབས་འདེགས་ལམ་སྲོལ་ཟམ་མི་ཆད་པར་གསར་གཏོད་བྱས་པ་དང་། ཞབས་འདེགས་ཀྱི་སྤུས་ཚད་དང་ཕན་འབྲས་ཆེ་རུ་བཏང་བ། དམངས་ཆེད་ཀྱི་ལག་ལེན་བྱེད་སྒོ་དང་ཆ་སྒྲིག་རོགས་སྐྱོར་དང་། ཁྲིམས་ལུགས་དྲིལ་བསྒྲགས། འདྲི་རྟོགས་འཚམས་འདྲི་བཅས་ཀྱི་བྱེད་སྒོ་མུ་མཐུད་སྤེལ་བ། དམངས་ཀྱིས་དོ་ཁུར་བྱེད་སར་དོ་སྣང་ཧུར་ཐག་བྱས་ནས་མང་ཚོགས་ལ་ཞབས་འདེགས་ཡག་པོ་ཞུ་ཐུབ་པའི་བརྩོན་ལེན་བྱས་པ་རེད།