ཏང་གི་ཚོགས་ཆེན་ཉི་ཤུ་པ་འཚོགས་ཚུན། རང་ལྗོངས་ཀྱི་དུག་འགོག་སྡེ་ཚན་གྱིས་ཐོག་མཐའ་བར་གསུམ་དུ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་མཐའ་འཁྱོངས་དང་། དུག་འགོག་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ། དུག་འགོག་ལས་དོན་སྐོར་གྱི་རང་སྐྱོང་ལྗོངས་ཏང་ཨུད་འགོ་ཁྲིད་ཀྱི་མཆན་བཀོད་མཛུབ་སྟོན་དང་མཛུབ་སྟོན་གྱི་དགོངས་དོན་ལག་བསྟར་དོན་འཁྱོལ་ནན་ཏན། བྱས་རྗེས་ཧུར་ཐག་འཇོག་པ་དང་། རང་འགུལ་ངང་འགན་འཁྲི་འཁུར་བ། འགན་འཁྲི་འཁུར་ཕོད་པར་བྱེད་པ། “ནན་འགོག་གསུམ་དང་འགན་ལེན་གཅིག”མཐའ་གཅིག་ཏུ་ཐུབ་པ་བཅས་བྱས་ནས་དུག་འགོག་གི་ལས་དོན་ཁག་ལ་འཕེལ་རྒྱས་གསར་པ་དང་ཡར་རྒྱས་གསར་པ་ཡོང་བར་སྐུལ་འདེད་བཏང་ཡོད། 2022ལོར་ལྷ་ས་གྲོང་ཁྱེར་དུག་འགོག་ཉིང་ལག་རུ་ཁག་ལ“རྒྱལ་ཡོངས་ཀྱི་ཕུལ་བྱུང་སྤྱི་བདེའི་གཞི་རིམ་ཚན་པའི”མཚན་སྙན་ཐོབ་པ་དང་ནག་ཆུ་གྲོང་ཁྱེར་འདི་ཉིད་རྒྱལ་ཡོངས་ཀྱི་དུག་འགོག་དཔེ་སྟོན་འཛུགས་གཏོད་གྲོང་ཁྱེར་ཁག་གཉིས་པར་ཚུད་ཡོད།

ཆབ་སྲིད་ཀྱི་ཚུགས་གནས་མཐོ་རུ་བཏང་ནས་ཏང་གི་རིགས་གཞུང་གསར་ཤོས་ཀྱིས་དྲག་ཆས་སྤྲོས་པར་ཤུགས་སྣོན་བརྒྱབ་པ།

བོད་རང་སྐྱོང་ལྗོངས་སྤྱི་བདེ་ཐིང་དུག་འགོག་སྤྱི་ཁྱབ་རུ་ཁག་གིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་བཅས་བྱེད་པ་དེ་ཆབ་སྲིད་ཀྱི་ལས་འགན་ཨང་དང་པོར་བརྩིས་ནས། ཏང་གི་ཚོགས་ཆེན་ཉི་ཤུ་པའི་དགོངས་དོན་ཕྱོགས་ཡོངས་ནས་སློབ་སྦྱོང་དང་། ཁོང་དུ་ཆུད་པ། དོན་འཁྱོལ་བཅས་བྱས་པ་དང་། རང་སྐྱོང་ལྗོངས་སྤྱི་བདེ་ཐིང་ཏང་ཨུད་ཀྱི་གཅིག་གྱུར་བཀོད་སྒྲིག་ལྟར་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་གཏིང་ཟབ་སྤེལ་ཡོད།

སློབ་སྦྱོང་སློབ་གསོ་སྤེལ་སྟངས་གསར་གཏོད་བྱས་པ་བརྒྱུད། མི་དམངས་ཉེན་རྟོག་པས་རང་སྟོབས་ཀྱི་ནུས་པ་གང་ལེགས་བཏོན་ནས་དུས་དང་རྣམ་པ་ཀུན་ཏུ་དྲ་ཚིགས་ནས་སློབ་སྦྱོང་བྱས་པས་ལས་ཀ་དང་སློབ་སྦྱོང་དབར་གྱི་འགལ་ཟླའི་གནད་དོན་ཐག་གཅོད་ནུས་ལྡན་ཐུབ་པ་མ་ཟད། རང་སྒེར་གྱི་སློབ་སྦྱོང་གི་སྤྲོ་བ་ཡང་འཕེལ་ནས་ལྗོངས་ཡོངས་ཀྱི་དུག་འགོག་སྡེ་ཚན་གྱིས་ཏང་གི་ཚོགས་ཆེན་ཉི་ཤུ་པའི་ཐབས་ཇུས་བཀོད་སྒྲིག་དོན་འཁྱོལ་གནད་འཁེལ་ཡོང་བར་སྐུལ་མ་ནུས་ལྡན་ཐེབས་ཏེ། ལས་ཀའི་ཕན་འབྲས་དངོས་ལ་བརྟེན་ནས“གཏན་འཁེལ་གཉིས”ལ་མཐའ་གཅིག་ཏུ་སྲུང་སྐྱོང་དང“སྲུང་སྐྱོང་གཉིས”མཐའ་གཅིག་ཏུ་ཐུབ་པ་བྱས་ཡོད།

དུག་འགོག་གི་དྲིལ་བསྒྲགས་སློབ་གསོའི་བྱེད་སྒོ་སྤེལ་ནས་དུག་འགོག་གི་སྤྱི་ཚོགས་རྣམ་པ་སྔར་བས་ཟབ་ཏུ་ཕྱིན་པ།

བོད་ཀྱི་དུག་འགོག་དྲ་བ་ཕྱོགས་ཡོངས་ནས་སྤྱོད་འགོ་ཚུགས་ཤིང་། དུག་འགོག་གི“ཁྱབ་སྤེལ་བརྒྱད”ཀྱི་བྱེད་སྒོར་ནུས་ཤུགས་ཡོད་རྒུས་སྐུལ་འདེད་བཏང་ཡོད། མིག་སྔའི་བར་ལྗོངས་ཡོངས་སུ་གྲོང་ཁྱེར་རིམ་པའི་དུག་འགོག་སློབ་གསོའི་རྟེན་གཞི་7དང་། རྫོང་རིམ་པའི་དུག་འགོག་སློབ་གསོའི་རྟེན་གཞི་71 དུག་འགོག་དཔེ་སྟོན་སློབ་གྲྭ་74 སློབ་རའི་དུག་འགོག་དཔེ་ཁང་48 དུག་འགོག་སློབ་གསོའི་མཉམ་སྒུལ་ཉམས་ལེན་ཁང་4 དུག་འགོག་གི་བརྗོད་དོན་གཙོ་བོའི་སྤྱི་གླིང་6བཅས་བཙུགས་པ་དང་། “བོད་ཀྱི་དུག་འགོག”སྐད་འཕྲིན་སྤྱི་རྟགས་ལ་ཧྥེན་སི་ཁྲི་22ལྷག་ཙམ་ཡོད།

རྒྱལ་ཡོངས་ཀྱི་གཞོན་ནུ་ལོ་ཆུང་གི་དུག་འགོག་སློབ་གསོའི་གྲངས་འཛིན་ཅན་གྱི་ལས་སྟེགས་ཕྱོཌ་ཡོངས་ནས་ཁྱབ་གདལ་བེད་སྤྱོད་བྱས་པར། སློབ་གྲྭ་ཐོ་འགོད་བྱེད་ཚད་དང་སློབ་མ་ཞུགས་ཚད་རྒྱལ་ཁབ་ཀྱི་བླང་བྱ་ལྟར100%ཟིན་ཞིང་། ལྗོངས་ཡོངས་ཀྱི་སློབ་གྲྭ་820དང་སློབ་མ་ཁྲི་29ལྷག་ཙམ་གྱིས་ལས་སྟེཌ་ལ་ཐོ་བཀོད་ནས་དུག་འགོག་གི་ཤེས་བྱ་སློབ་སྦྱོང་དང་དུག་འགོག་གི་རྩལ་ནུས་ཁོང་དུ་ཆུད་པར་བྱས་པ་མ་ཟད། ལས་སྟེགས་དེས་རྒྱལ་ཡོངས་ཀྱི་དུག་འགོག་ཤེས་བྱ་འགྲན་བསྡུར་ལོ་6བསྟུད་མར་བྱས་པ་རེད།

མིག་སྔའི་བར། ལྗོངས་ཡོངས་སུ་དུག་འགོག་དྲིལ་བསྒྲགས་སློབ་གསོའི་བྱེད་སྒོ་ཐེངས་300ལྷག་ཙམ་སྤེལ་བ་དང་། དུག་འགོག་གི་དྲིལ་བསྒྲགས་དཔྱད་ཡིག་ཁྲི་20ལྷག་ཙམ་སྤྲད་པ། མང་ཚོགས་མི་ཐེངས་ཁྲི་50ལྷག་ཙམ་ལ་ཕན་པ་ཐོབ་ཅིང་། རིམ་པ་ཁག་དང་རིགས་ཁག་གི་སྨྱན་སྦྱོར་ནས་དུག་འགོག་གི་ཆ་འཕྲིན་100ལྷག་ཙམ་སྤེལ་ཡོད།

འདི་ནི་རང་སྐྱོང་ལྗོངས་དང་ལྷ་ས་གྲོང་ཁྱེར་གྱི་དུག་འགོག་གཞུང་ལས་ཁང་གིས་རང་སྐྱོང་ལྗོངས་ཀྱི་འབྲེལ་ཡོད་ཚན་པ་དང་མཉམ་དུ། ལྷ་ས་མེ་འཁོར་བབས་ཚུགས་སུ་དུག་འགོག་གི་གཅིག་སྡུད་དྲིལ་བསྒྲགས་བྱེད་སྒོ་སྤེལ་ཞིང་། སྡེ་ཚན་ཁག་གི་འབྲེལ་ཡོད་འགན་འཁུར་བས་དུག་རྫས་ཀྱི་འདྲ་དཔེར་ལྟ་བཞིན་པ།

འདི་ནི་ནག་ཆུ་གྲོང་ཁྱེར་འབྲི་རུ་རྫོང་དུག་འགོག་གཞུང་ལས་ཁང་གིས་སློབ་མ་སྒྲིག་འཛུཌ་བྱས་ཏེ། དུག་འགོག་སློབ་གསོའི་རྟེན་གཞིར་ལྟ་སྐོར་བྱེད་བཞིན་པ།

འདི་ནི་ནག་ཆུ་གྲོང་ཁྱེར་འབྲི་རུ་རྫོང་དུག་འགོག་གཞུང་ལས་ཁང་གིས་སློབ་གྲྭར་དུག་འགོག་ཤེས་བྱའི་དྲིལ་བསྒྲགས་བྱེད་སྒོ་སྤེལ་བཞིན་པ།