འདི་ནི་ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་ཁ་རུབ་ཆུས་རུ་འབྲིང་གིས་ཆུ་ཁོངས་རོགས་སྐྱོབ་ཀྱི་སྦྱོང་བརྡར་བྱེད་བཞིན་པ།

འབྲུབ་འགོག་ཞོད་འགོག་དང་ཉེན་སེལ་རོགས་སྐྱོབ་ཀྱི་གྲ་སྒྲིག་ལས་དོན་སྔར་བས་ཡག་པོ་སྒྲུབ་ཆེད། ཉེ་ཆར་ཆབ་མདོ་གྲོང་ཁྱེར་ནགས་ཚལ་མེ་ཟོན་ཉིང་ལག་རུ་ཁག་ཁ་རུབ་ཆུས་རུ་འབྲིང་གིས་སྣ་མང་ཅན་གྱི་ཆུ་ཁོངས་རོགས་སྐྱོབ་སྦྱོང་བརྡར་བྱས་པ་རེད།

སྦྱོང་བརྡར་ནང་གཙོ་བོ་ཆུ་ཁོངས་རོགས་སྐྱོབ་ཀྱི་རྩ་དོན་དང་། བྱེད་ཐབས། བླང་བྱ་བཅས་དང་དེ་བཞིན་དམག་འཐབ་བདེ་འཇགས་ལ་དོ་སྣང་བྱེད་དགོས་པའི་དོན་གནད་ལ་དམིགས་ཏེ་ས་གནས་ས་ཐོག་ཏུ་མི་སྒེར་གྱི་འགོག་སྲུང་དང་། ཐག་པ་བཏང་ནས་རོགས་སྐྱོབ། གྲུ་གཟིངས་མགོ་རྟིང་ལོག་སྐབས་ཀྱི་རང་སྐྱོབ། ཚོགས་པའི་འཕྱོ་གཡེང་སོགས་ཀྱི་སྦྱོང་བརྡར་སྤེལ་བས་རུ་འབྲིང་དེའི་ཆུ་ཁོངས་རོགས་སྐྱོབ་སྒྲིག་ཆས་བེད་སྤྱོད་དང་རོགས་སྐྱོབ་བརྒྱུད་རིམ་ཁྲོད་ཀྱི་ཉེན་ཁའི་གནས་ཚུལ་སྣ་ཚོགས་ཐག་གཅོད་བྱེད་ནུས་སྔར་བས་ཆེ་རུ་ཕྱིན་ཡོད་པ་རེད།