འདི་ལོ་ནས་བཟུང་། བོད་ལྗོངས་ཁྲལ་དོན་སྡེ་ཚན་གྱིས་རྒྱལ་སྲིད་སྤྱི་ཁྱབ་ཁང་དང་ཁྲལ་དོན་སྤྱི་ཁྱབ་ཅུས་ཀྱིས་བཀོད་སྒྲིག་ལག་བསྟར་བྱས་པའི་བཟང་སྒྲིག་གསར་གཏོད་ཀྱི་ཁྲལ་གྲོན་གཟིགས་སྐྱོང་སྲིད་ཇུས་དང་འབྲེལ་ཡོད་སྲིད་ཇུས་ཁག་གཉིས་མུ་མཐུད་ལག་བསྟར་བྱས་ནས་དུས་ཚིགས་དང་པོར་ལྗོངས་ཡོངས་སུ་ཁྲལ་རིན་གཉིས་ཆག་དང་ཁྲལ་སློག་གྲོན་དངུལ་འགྱངས་འཇལ་བྱེད་ཚད་སྒོར་དུང་ཕྱུར་11.71འཕར་བ་རེད།

“འདི་ལོའི་དུས་ཚིགས་དང་པོར་ང་ཚོས་གནས་ཐང་འཕར་ཁྲལ་དང་ཁེ་ལས་ཀྱི་ཐོབ་ཁྲལ་སྒོར་ཁྲི་50ལྷག་ཙམ་གཟིགས་སྐྱོང་གི་སྲིད་ཇུས་ལོངས་སྤྱོད་ཐུབ་ནས་ཀུང་སིའི་རྒྱུན་འཁོར་མ་དངུལ་གྱི་གནོན་ཤུཌ་ཞི་ལྷོད་དུ་ཕྱིན་སོང”ཞེས་བོད་ལྗོངས་སུའུ་རུའེ་ཚོང་དོན་ཚད་ཡོད་ཀུང་སིའི་འགན་འཁུར་བ་ཏུའུ་ཆོན་ཆོན་གྱིས་བཤད།

ཁེ་ལས་ལ་ཁྲལ་གྲོན་སྲིད་ཇུས་ཀྱི་ཁེ་འབབ་ལོངས་སྤྱོད་ཐུབ་པའི་འགན་ལེན་བྱ་ཆེད། བོད་ལྗོངས་ཁྲལ་དོན་སྡེ་ཚན་གྱིས“མིས་སྲིད་ཇུས་འཚོལ་བ”ནས“སྲིད་ཇུས་ཀྱིས་མི་འཚོལ་བར”སྒྱུར་བ་སྔར་བས་དོན་འཁྱོལ་བྱས་ཏེ་ཁྲལ་བསྡུའི་གྲངས་གཞི་ཆེན་པོ་རང་འགུལ་ངང་འབྲེལ་མཐུད་དང་རྗེས་འདེད་ཟུར་ཁྲིད་བྱས་པ་བརྒྱུད། ཇོ་མོ་གླང་མའི་ཁྲལ་གྲོན་ཞབས་ཞུའི་ས་ཚིགས་ཀྱི་ནུས་པ་གང་ལེགས་བརྟེན་ནས་ཕུགས་ཕན་སྲིད་ཇུས་ཀྱི་ཟུར་ཁྲིད་ལམ་སྲོལ་བཙུགས་ཏེ“དུད་ཚང་རེར་སྲིད་ཇུས་རེའི”ཟུར་ཁྲིད་བྱེད་སྟངས་སྤྱད་ནས་ཁེ་ལས་ལ་སྲིད་ཇུས་དྲིལ་བསྒྲགས་དང་འགྲེལ་བཤད་བརྒྱབ་ནས་ཁྲལ་འཇལ་མཁན་དང་གྲོན་དངུལ་འཇལ་མཁན་གྱི་བློ་ཡིད་ཚིམ་ཚད་མཐོ་རུ་དང་ཐོབ་སྣང་ཆེ་རུ་ཏན་ཏིག་བཏང་ཡོད་པ་རེད།

“གོམ་སྟབས་རྗེས་མར་ཁྲལ་དོན་སྡེ་ཚན་གྱིས་ཁྲལ་གྲོན་ཐད་ཀྱི་གཟིགས་སྐྱོང་སྲིད་ཇུས་མུ་མཐུད་ཆད་ལུས་མེད་པར་དོན་འཁྱོལ་བྱས་ཏེ་ཁྲལ་བསྡུའི་འགན་ནུས་དེ་བས་ལེགས་པའི་སྒོ་ནས་འདོན་པ་དང་གསར་གཏོད་དང་རིམ་པ་སྤར་ནས་ལྗོངས་ཡོངས་ཀྱི་དཔལ་འབྱོར་རྒྱུན་མཐུད་ལེགས་སུ་འགྲོ་བར་སྐུལ་འདེད་གཏོང་བ་དང་ཁྲལ་བསྡུའི་ཚོང་གཉེར་ཁོར་ཡུག་སྔར་བས་ལེགས་སུ་བཏང་ནས་ས་མཐོའི་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་ལ་བོད་ཀྱི་ཁྲལ་དོན་སྟོབས་ཤུགས་སྐྱེས་སུ་འབུལ་གྱི་ཡིན”ཞེས་རྒྱལ་ཁབ་ཁྲལ་དོན་སྤྱི་ཁྱབ་ཅུས་བོད་རང་སྐྱོང་ལྗོངས་ཁྲལ་དོན་ཅུས་ཀྱི་འབྲེལ་ཡོད་འགན་འཁུར་བས་བཤད་པ་རེད།