གཞོན་ནུ་ལོ་ཆུང་གི་རྒྱལ་སྲུང་འདུ་ཤེས་དང་རྒྱལ་གཅེས་བརྩེ་སེམས་ཟབ་ཏུ་གཏོང་ཆེད། ཉེ་ཆར། དཔའ་ཤོད་རྫོང་མི་དམངས་དྲག་ཆས་པུའི་དཔོན་དམག་ཚོ་དཔའ་ཤོད་རྫོང་སློབ་འབྲིང་དུ་བསྐྱོད་ནས་སློབ་མ་ཚོར་གསོན་ཉམས་དོད་པའི་རྒྱལ་སྲུང་སློབ་གསོའི་སློབ་ཚན་ཞིག་ཁྲིད་པ་རེད།
བྱེད་སྒོ་སྤེལ་རིང་། དཔོན་དམག་ཚོས་གོ་བདེ་ཤེས་སླའི་སྒོ་ནས་སློབ་མ་ཚོར་མི་དམངས་དམག་དཔུང་གི་གཟི་བརྗིད་ལྡན་པའི་ལོ་རྒྱུས་དང་གསར་བརྗེའི་སྔོན་གཤེགས་དཔའ་བོའི་གཏམ་རྒྱུད་བརྗོད་པ་དང་འབྲེལ། 《ས་བབ་མཐོ་ཚད་སྨི་4500ཟིན་པའི་གངས་རིའི་ཕྱོགས་སུ་སྐྱོད》ཅེས་པའི་དངོས་མཚོན་གློག་བརྙན་མཉམ་དུ་བལྟས་པ་རེད། “ངོ་ཐུག་གདོང་འཕྲད”དང“བར་ཐག་མེད་པའི”སྒོ་ནས་སློབ་གསོ་ཁྲིད་སྟོན་བྱས་པ་བརྒྱུད་སློབ་མ་ཚོར་རྒྱལ་སྲུང་སློབ་གསོའི་གལ་ཆེན་རང་བཞིན་སྔར་བས་ཚོར་ཐུབ་པ་བྱས་པས། ཚང་མས་སླད་ཕྱིན་གྱི་སློབ་སྦྱོང་དང་འཚོ་བའི་ཁྲོད་རྒྱལ་གཅེས་སྙིང་སྟོབས་རླབས་པོ་ཆེ་དར་སྤེལ་བཏང་སྟེ། ལོ་རྒྱུས་བློ་ལ་བརྟན་པོར་ངེས་པ་དང་སློབ་སྦྱོང་ལ་འབད་བརྩོན་བྱས་ནས་དུས་རབས་གསར་པའི་ཤུལ་འཛིན་པ་ཡག་པོ་ཞིག་བྱེད་ཀྱི་ཡིན་ཞེས་གཅིག་རྗེས་གཉིས་མཐུད་ངང་བརྗོད་པ་རེད།