གསར་འགོད་པས་ཆེས་མཐོའི་མི་དམངས་ཞིབ་དཔྱོད་ཁང་ནས་ཤེས་རྟོཌ་བྱས་པར་གཞིཌ་ན། ཆེས་མཐོའི་མི་དམངས་ཞིབ་དཔྱོད་ཁང་དང་། རྒྱལ་ཡོངས་བུད་མེད་མཉམ་འབྲེལ་ལྷན་ཚོཌ། ཀྲུང་གོ་མི་རབས་རྗེས་མར་དོ་ཁུར་ལས་དོན་ཨུ་ལྷན་བཅས་ཀྱིས་མཉམ་དུ་ན་སོ་དར་ལ་མ་བབས་པའི་མི་དང་འབྲེལ་བའི་གྱོད་གཞི་སྒྲུབ་གཉེར་བྱེད་སྐབས་ཁྱིམ་ཚང་སློབ་གསོ་དང་མཛུབ་ཁྲིད་ཀྱི་ལས་དོན་ཕྱོཌ་ཡོངས་ནས་སྤེལ་བའི་དཔེ་མཚོན་གྱོད་དཔེ་ཁག་ཐེངས་གཉིས་པ་ཁྱབ་བསྒྲགས་བྱས་པ་རེད།
ད་ཐེངས་ཁྱབ་བསྒྲགས་བྱས་པའི་དཔེ་མཚོན་གྱོད་དཔེ་ཁྱོན་6ཡོད་ཅིང་། དེའི་ནང་ན་སོ་དར་ལ་མ་བབས་པའི་མིའི་ཉེས་གསོག་གྱོད་གཞི་དང་། ན་སོ་དར་ལ་མ་བབས་པའི་མིར་གནོད་འཚེ་ཕོག་པའི་གྱོད་གཞི། ན་སོ་དར་ལ་མ་བབས་པའི་མིའི་དམངས་དོན་ལག་བསྟར་ལྟ་སྐུལ་དང་འབྲེལ་བའི་གྱོད་གཞི། དཀའ་ངལ་འཕྲད་པའི་ན་སོ་དར་ལ་མ་བབས་པའི་མིར་སྲུང་སྐྱོང་གི་གྱོད་གཞི་བཅས་ཚུད་ཡོད། དཔེ་མཚོན་གྱོད་དཔེ་ཁག་ཐེངས་དེས་དཔྱད་གཞིར་འཛིན་རིན་ཡོད་པའི་ཉམས་མྱོང་དང་བྱེད་སྟངས་མང་པོ་ཞིག་གསེད་དཀྲོལ་བྱས་པ་སྟེ། ཞིབ་དཔྱོད་ལས་ཁུངས་ཀྱིས་ལྟ་སྐྱོང་མཁན་གྱི་སློབ་གསོ་གཏོང་སྟངས་ལ་འགྱུར་ལྡོག་བཏང་སྟེ་ཕྲུ་གུའི་སྤྱོད་པ་ལེགས་སུ་འགྲོ་རྒྱུར་སྐུལ་འདེད་བཏང་ནས་ཁྱིམ་ཚང་གི་རྒྱབ་སྐྱོར་མ་ལག་བསྐྱར་བཟོ་བྱེད་པ་དང་། ལྟ་སྐྱོང་མཁན་གྱིས་གནོད་འཚེ་བཏང་བའི་གྱོད་གཞི་སྒྲུབ་གཉེར་བྱེད་པ་དང“གནད་དོན་ཡོད་པའི་ཕ་མར”ལྟ་སྟངས་འཛིན་སྐབས་ན་སོ་དར་ལ་མ་བབས་པའི་མིར་ཕན་པའི་རྩ་དོན་མཐའ་འཁྱོངས་བྱས་ཏེ་ལྟ་སྐྱོང་མཁན་ལ་ལྟ་སྐུལ་བྱེད་པའི་ལས་དོན་ཡག་པོ་སྒྲུབ་པ། ནག་ཉེས་བསགས་པའི་ན་སོ་དར་ལ་མ་བབས་པའི་མིར་རོགས་སློབ་བྱེད་པ་དང་ལྟ་སྐྱོང་མཁན་ལ་ཁྱིམ་ཚང་གི་སློབ་གསོ་དང་མཛུབ་ཁྲིད་བྱེད་རྒྱུ་ཟུང་འབྲེལ་བྱས་ཏེ་ནག་ཉེས་བསགས་པའི་ན་སོ་དར་ལ་མ་བབས་པའི་མི་ཡོ་བསྲང་བྱེད་པའི་ཕན་འབྲས་ཆེ་རུ་གཏོང་བ། ཡུལ་གཞན་དང་མཉམ་ལས་གཞོགས་འདེགས་ཀྱི་ལས་དོན་ཏན་ཏིག་སྤེལ་ནས་དཀའ་ངལ་འཕྲད་པའི་ན་སོ་དར་ལ་མ་བབས་པའི་ཉེས་གསོག་དོགས་ཅན་གྱི་ཕྲུ་གུ་སྐྱོན་བྲལ་ངང་འཚར་ལོངས་ཡོང་བ་བཅས་རེད།