བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་ནས་ལོ་64འཁོར་བར་དྲན་གསོ་ཞུ་བའི་བརྗོད་དོན་གཙོ་བོའི་བྱེད་སྒོ་སྤེལ་བ།
ཉེ་ཆར། རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་ནས་ལོ་64འཁོར་བར་དྲན་གསོ་ཞུ་བའི་བརྗོད་དོན་གཙོ་བོའི་བྱེད་སྒོ་སྤེལ་ཞིང་། མངའ་རིས་ས་ཨུད་དྲིལ་བསྒྲགས་པུའི་དེ་སྔའི་པུའུ་ཀྲང་གཞོན་པ་མིག་དམར་ཚེ་རིང་གདན་དྲངས་ནས་ན་གཞོན་ཏང་ཡོན་ཚོར“ཁུང་ཧྥན་སེན་གྱི་སྙིང་སྟོབས་རྒྱུན་འཛིན་བྱས་ནས་གུང་ཁྲན་ཏང་ཡོན་གྱི་ཐོག་མའི་བསམ་འདུན་ལག་བསྟར་བྱེད་དགོས”ཞེས་པའི་ཟུར་ཁྲིད་བྱས་པ་རེད།
མིག་དམར་ཚེ་རིང་གིས་བློ་མཐུན་ཁུང་ཧྥན་སེན་གྱི་མི་སེམས་འགུལ་བའི་བྱས་རྗེས་ནས་འགོ་བཙུགས་ཏེ་གཞོན་ནུ་ཏང་ཡོན་ལས་བྱེད་པ་དང་མཉམ་དུ་ཁུང་ཧྥན་སེན་གྱི་སྙིང་སྟོབས་ཀྱི་སྙིང་དོན་ཟབ་མོ་དང་བསམ་བློའི་ངོ་བོར་གོ་བ་གཏིང་ཟབ་བླངས་ནས། རླུང་འཕྲིན་བརྙན་འཕྲིན་ཅུས་ཀྱི་གཞོན་ནུ་ལས་བྱེད་པ་ཚོས་ཐོག་མའི་བསམ་འདུན་བརྟན་སྲུང་དང་འགན་འཁྲི་བློ་ལ་བརྟན་པོར་ངེས་ཏེ་བློ་གཅིག་སེམས་གཅིག་གིས་དམངས་ཀྱི་བྱ་བ་དངོས་ནུས་ཤུགས་ཡོད་རྒུས་ཡག་པོ་བསྒྲུབས་ནས། ལྗོངས་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་སྟོབས་ཤུགས་སྐྱེས་སུ་འབུལ་བའི་ལྕག་སྐུལ་སྔར་ལས་ལྷག་པ་བྱས་པ་རེད།