2021ལོའི་ལོ་མཇུག་ཏུ་ལྗོངས་ཡོངས་ཀྱི་དམངས་གཉེར་དཔལ་འབྱོར་གྱི་ཁྲོམ་རའི་བྱེད་པོ་དུད་ཚང་ཁྲི་39.52དང་ཐོ་འགོད་མ་དངུལ་སྒོར་དུང་ཕྱུར་12469.71ཟིན་པ་དེ་དུས་མཚུངས་ལས་21.36%དང་28.33%འཕར་བ་དང་། དམངས་གཉེར་ཁྲོམ་རའི་བྱེད་པོས་ལྗོངས་ཡོངས་ཀྱི་ཁྲོམ་རའི་བྱེད་པོའི་སྤྱི་འབོར་གྱི་97.18%ཟིན་ཡོད། དམངས་གཉེར་དཔལ་འབྱོར་གྱིས་ཁྲལ་འབབ་སྒོར་དུང་ཕྱུར་308.17ལེགས་སྒྲུབ་བྱས་པ་དེས་ལྗོངས་ཡོངས་ཀྱི་ཁྲལ་འབབ་ཀྱི་སྤྱིའི་ཡོང་འབབ་ཀྱི་85.53%ཟིན་ཡོད།

① བསམ་བློའི་རྨང་གཞི་བརྟན་དུ་བཏང་ནས་ཕུགས་བསམ་ཆེ་རུ་བཏང་བ།

2021ལོར་རང་སྐྱོང་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་རྒྱུ་དེ་ཆབ་སྲིད་ཀྱི་ལས་འགན་ཨང་དང་པོར་བརྩིས་ནས། སློབ་སྦྱོང་སློབ་གསོ་དང་ཆབ་སྲིད་ཀྱི་ཁྲིད་སྟོན་ལ་ཤུགས་སྣོན་དང་འདུ་ཤེས་འཛིན་སྟངས་ཀྱི་ལས་ཀའི་འགན་འཁྲི་དོན་འཁྱོལ་ལ་སྐུལ་འདེད་གཏིང་ཟབ་བཏང་ནས། འདུ་ཤེས་འཛིན་སྟངས་ཀྱི་ལས་ཀའི་ཆུ་ཚད་ཕྱོགས་ཡོངས་ནས་མཐོ་རུ་བཏང་བ་རེད།

ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་རྒྱུ་གཙོ་རྐང་དུ་བྱས་ཏེ་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས་ལས་ཁུངས་སུ“ཆབ་སྲིད་ལས་ཁུངས་ཀྱི་འདུ་ཤེས་ཟབ་ཏུ་བཏང་ནས་རུ་སྟར་དང་པོ་ཡག་པོ་སྐྱོད་པའི”བྱེད་སྒོ་སྤེལ་བ་དང་། དམངས་གཉེར་དཔལ་འབྱོར་མི་སྣའི་ཁྲོད་ཕུགས་བསམ་དང་དད་སེམས་ཀྱི་སློབ་གསོ་རྒྱུན་མཐུད་ངང་སྤེལ་བ་རེད།

② འགན་སྒྲུབ་བྱས་རྗེས་འཇོག་པར་གཞོལ་ནས་སྤྱི་ཚོགས་ལ་དྲིན་ལན་འཇལ་བ།

2021ལོར་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས་དམངས་གཉེར་ཁེ་ལས་248སྐུལ་སློང་གིས་འཛད་སྤྱོད་རོགས་སྐྱོར་ལ་ཞུགས་པ་དང་མ་དངུལ་སྒོར་ཁྲི་2922.3བཏང་བ་རེད། ཐེན་ཅིའུ་མཉམ་སྤྱོད་མ་རྐང་ཚོད་འཛིན་ཚོགས་པ་དང་མཐུན་སྦྱོར་གྱིས་དངུལ་སྒོར་ཁྲི་200ཞལ་འདེབས་བརྒྱབ་ནས་ལྷུན་གྲུབ་རྫོང་དང་རྣམ་གླིང་རྫོང་གི་གྲོང་གསེབ་ཀྱི་མཉམ་སྡེབ་དཔལ་འབྱོར་རྣམ་གྲངས་ལ་རོགས་སྐྱོར་བྱས་པ་རེད། གྲོང་སྡོད་བྱ་ཡུལ་ལ་སྒོར་ཁྲི་42ཟིན་པའི་ཆུ་བེད་འཛུགས་སྐྲུན་རྣམ་གྲངས་བརྩོན་ལེན་བྱས་ནས་ཁེ་ལས་དང་མཐུན་སྦྱོར་གྱིས་མཁོ་ཆེའི་སྒྲིག་ཆས་ཐག་གཅོད་བྱས་པ་རེད། དམངས་གཉེར་ཁེ་ལས་ལས་བསྡུའི་འདུ་ཚོགས་དང་ངོ་འཕྲད་ཚོགས་འདུ་སྣ་ཚོགས་ལ་ཞུགས་རྒྱུའི་སྒྲིག་འཛུགས་བྱས་ནས་ལས་ཞུགས་དང་ལས་བཟོའི་གསོ་སྦྱོང་གི་ཐབས་ལམ་རྒྱ་ཆེར་བཏང་ཞིང་། ཀྲེ་ཅང་དང་། ཅང་སུའུ། ཧྲང་ཧའེ། སི་ཁྲོན་བཅས་ཀྱི་བཟོ་ཚོང་མཉམ་འབྲེལ་ལྷན་ཚོགས་དང་མཐུན་སྦྱོར་བྱས་ནས་ལས་ཞུགས་ལས་གནས་4479མཁོ་འདོན་བྱས་པ་དང་ལྗོངས་ནང་ཁུལ་གྱི་དམངས་གཉེར་ཁེ་ལས་ཀྱིས་ལས་གནས་418མཁོ་འདོན་བྱས་པ་རེད། དམངས་གཉེར་ཁེ་ལས་སྒྲིག་འཛུགས་བྱས་ནས་ནུས་རྒྱུ་གཙང་མའི་ཐོན་ལས་འཕེལ་རྒྱས་ལ་ཞུཌ་པ་དང་། མཐའ་མཚམས་ཀྱི་འཛུགས་སྐྲུན་རྣམ་གྲངས་གལ་ཆེན་དྲིལ་བསྒྲགས་དང་འོས་སྦྱོར་བྱས་པ། དམངས་གཉེར་ཁེ་ལས་སྒྲིག་འཛུགས་ཀྱིས་ལྷོ་ཁ་གྲོང་ཁྱེར་གོང་དཀར་རྫོང་སྲིན་བུ་རི་བཀོད་སྒྲིག་ཁུལ་དུ་རྟོག་ཞིབ་ལ་བསྐྱོད་པ། དམངས་གཉེར་ཁེ་ལས་སྐུལ་སློང་གིས་བཀོད་སྒྲིག་ཁུལ་འཛུགས་སྐྲུན་ལ་ཞུགས་པ། བོད་ལྗོངས་ཐའེ་ཀྲོའུ་ཚོང་ཚོགས་དང་མཉམ་དུ་ལྷོ་ཁ་གྲོང་ཁྱེར་ལྷོ་བྲག་རྫོང་དུ“ཚོང་ཚོགས་མཐའ་མཚམས་སུ་སྐྱོད་པའི”བྱེད་སྒོ་སྤེལ་བ་རེད།

③ ཚོང་གཉེར་ཁོར་ཡུག་ལེགས་སུ་བཏང་ནས་དཀའ་གནད་གནད་སྨིན་བསལ་བ།

ཚོང་གཉེར་ཁོར་ཡུག་བཟང་པོ་ནི་ཐོན་སྐྱེད་ནུས་ཤུཌ་དང་། འགྲན་རྩོད་ནུས་ཤུགས། ཡིད་དབང་འཕྲོག་ཤུགས་བཅས་རེད། ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས་དམངས་གཉེར་དཔལ་འབྱོར་ལས་དོན་འགོ་ཁྲིད་ཚོགས་ཆུང་གཞུང་ལས་ཁང་གི་ཕྱོགས་བསྡུས་མཐུན་སྦྱོར་གྱི་ནུས་པ་ཧུར་ཐག་བཏོན་ཏེ། སྲིད་ཇུས་དོན་འཁྱོལ་ལ་སྐུལ་འདེད་དང་། གནད་དོན་མཐུན་སྦྱོར་གྱིས་ཐག་གཅོད། ལས་ཀའི་མཉམ་ཤུགས་ཆགས་པ་བཅས་བྱས་ཏེ་ཐབས་ལམ་མང་པོར་བརྟེན་ནས་ཞབས་འདེགས་ཞུ་ཁོངས་རྒྱ་ཆེར་བཏང་བ་རེད།

འདས་ཟིན་པའི་ལོ་གཅིག་ནང་། ལྗོངས་བཟོ་ཚོང་མཉམ་འབྲེལ་ལྷན་ཚོཌ་ཀྱིས་འབྲེལ་ཡོད་སྡེ་ཚན་དང་མཉམ་དུ་བཅའ་ཁྲིམས་ཁེ་ལས་སུ་ཁྱབ་གདལ་གཏོང་བ་དང་ཁྲིམས་སྐྱོང་ཞབས་འདེགས་ཞུ་བའི་ལས་དོན་སྤེལ་ནས། དམངས་གཉེར་ཁེ་ལས་ཀྱི་གཉེར་སྐྱོང་མི་སྣར་ཁྲིམས་བཞིན་ལས་དོན་སྒྲུབ་པ་དང་ཁྲིམས་སྲུང་གཉེར་སྐྱོང་བྱེད་པའི་སློབ་གསོ་ཁྲིད་སྟོན་བྱས་པ་དང་། འགན་ནུས་སྡེ་ཚན་གདན་དྲངས་ནས་གཙོ་གནད་སྲིད་ཇུས་གཅིག་སྡུད་དུ་གསལ་འགྲེལ་བྱས་པ་རེད།

བོད་ཀྱི་མཐོ་གསར་ལག་རྩལ་ཁེ་ལས་དང་། ཚན་རྩལ་རྣམ་པའི་ཁེ་ལས་འབྲིང་ཆུང་དང“ཆེད་ལས་ཅན་དང་། ཞིབ་ལས་ཅན། ཁྱད་ལྡན་ཅན། དཔེ་གསར་ཅན”བཅས་ཀྱི་ཁེ་ལས་འབྲིང་ཆུང་གི་གྲངས་གཞིའི་མཛོད་འཐུས་སྒོ་ཚང་དུ་གཏོང་བར་གཞོགས་འདེགས་བྱས་ནས། གསར་གཏོད་རྣམ་པ་དང་འཚར་ལོངས་རྣམ་པའི་དམངས་གཉེར་ཁེ་ལས་འཕེལ་རྒྱས་འགྲོ་བར་སྐུལ་འདེད་གཏོང་རོགས་བྱས་པ་དང་། མཚོ་སྔོན་གྱི་ལྗང་མདོག་འཕེལ་རྒྱས་མ་འཇོག་ཚོང་དོན་ངོ་འཕྲད་གྲོས་མོལ་ཚོཌ་འདུ་དང“ཀྲུང་གོའི་སྤུས་རྟགས་ཉིན་མོ”སོགས་ཀྱི་བྱེད་སྒོར་ཞུགས་རྒྱུའི་སྒྲིག་འཛུགས་བྱས་པ། ཁེ་ལས་བོད་དུ་བཅའ་སྡོད་དཔུང་སྡེའི་ཞོར་ཟས་ཟོག་ཁུངས་ཚོང་པའི་འགྲན་རྩོད་ལ་ཞུགས་རྒྱུར་འོས་སྦྱོར་བྱས་ཏེ་དམག་དམངས་མཉམ་འདྲེས་ལ་སྐུལ་འདེད་བཏང་བ། དམངས་གཉེར་ཁེ་ལས་ཀྱིས་བཏོན་པའི་གནད་དོན་59གསེད་བཀྲོལ་དང་ཕྱོགས་སྡོམ་བྱས་ཏེ་འབྲེལ་ཡོད་སྡེ་ཚན་དང་གྲོང་ཁྱེར་དང་ས་ཁུལ་ལ་ཚུར་ལན་སྤྲད་ནས་མཐུན་སྦྱོར་ཐག་གཅོད་བྱེད་པར་སྐུལ་འདེད་བཏང་བ་རེད།