“ཨུ་ཡོན་གྱི་འཆད་ཁྲིད”བྱེད་སྒོ་གཉེར་ནས་ཉེ་འགྲམ་གྱི་གཏམ་རྒྱུད་ཡག་པོ་བཤད་པ།
ཉེ་ཆར་གྲོ་མོ་རྫོང་སྲིད་གྲོས་ཀྱིས་2022ལོའི“ཨུ་ཡོན་གྱི་འཆད་ཁྲིད”བྱེད་སྒོ་དུས་ཐེངས་དང་པོ་སྤེལ་བ་རེད། བྱེད་སྒོ་སྤེལ་རིང་སྲིད་གྲོས་ཀྱི་ཨུ་ཡོན་ཚོས་མི་རིགས་མཐུན་སྒྲིལ་དང་རྒྱལ་གཅེས་མཐའ་སྲུང་མཐའ་དར་བྱེད་པ་བརྗོད་དོན་གཙོ་བོར་བྱས་ཏེ“བོད་ཀྱི་གཏམ་རྒྱུད”དང་། “གྲོ་མོའི་གཏམ་རྒྱུད” “ཨུ་ཡོན་གྱི་གཏམ་རྒྱུད” “ཐོན་ལས་ཀྱི་གཏམ་རྒྱུད”སོགས་བརྩེ་བ་ཟབ་མོས་བཤད་པ་རེད།
ད་ལོ་ནས་བཟུང་། གྲོ་མོ་རྫོང་སྲིད་གྲོས་ཀྱིས་སྔ་ཙམ་ཇུས་འགོད་བཀོད་སྒྲིག་བྱས་ཏེ“ཨུ་ཡོན་གྱི་གཏམ་རྒྱུད”རྒྱ་ཁྱབ་ངང་འཚོལ་བསྡུ་དང་། ལེགས་སྒྲིག གདམ་གསེས་བཅས་བྱས་ཏེ“མི་རིགས་མཐུན་སྒྲིལ་ཡར་ཐོན་ལ་ཤུགས་སྣོན་གྱིས་མཛེས་སྡུག་བདེ་སྐྱིད་ལྡན་པའི་གྲོ་མོ་སྐྲུན་དགོས”ཞེས་པ་བརྗོད་དོན་གཙོ་བོར་བྱས་ཏེ་སྲིད་གྲོས་ཀྱི་ཨུ་ཡོན་ཚོ་གདན་དྲངས་ནས་ལོ་རྒྱུས་ཀྱི་གཏམ་རྒྱུད་དང་། ཉེ་འགྲམ་གྱི་གཏམ་རྒྱུད། འབད་འཐབ་ཀྱི་གཏམ་རྒྱུད་བཤད་པ་རེད།